Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

గెలిచేదెవరు..? నిలిచేదెవరు..?

మహారాష్ట్ర, హర్యానా ఎన్నికల ఫలితాలు దేశవ్యాప్తంగా రాజకీయాల్లో ఎన్నో పరిణామాలను చూపుతాయి. ముఖ్యంగా ఈ ఫలితాలు బీజేపీకి చాలా అవసరం. ఈ ఏడాది జరిగిన లోక్‌సభ ఎన్నికల్లో మహారాష్ట్ర, హర్యానాల్లో బీజేపీ సంపూర్ణ విజయం సాధించి కాబట్టి.. ఇప్పుడు కూడా అలాంటి విజయమే సాధించాలి. అంతేకాకుండా ఈ రెండు రాష్ట్రాల్లో ఇప్పుడు బీజేపీ ప్రభుత్వాలే ఉన్నాయి. దీనికి తోడు ప్రధాని నరేంద్ర మోదీ, గత రెండు మూడు నెలల నుంచి ఈ రెండు రాష్ట్రాల్లో పెద్ద విజయం సాధించబోతున్నామని ఓవర్ కాన్ఫిడెన్స్‌తో అన్ని చోట్ల చెబుతున్నారు. ప్రస్తుతమున్న పరిస్థితుల్లో ఈ మాటలపై, బీజేపీ గెలుపుపై జనాల్లో నమ్మకం ఉన్నప్పటికీ.. అంత పెద్ద విజయాన్ని సాధిస్తారా..? అన్నది అనుమానంగానే ఉంది.

ఎందుకంటే దేశంలో ఇప్పుడు ఆర్థిక వ్యవస్థ తగ్గుముఖం పట్టగా.. నిరుద్యోగంతో పాటు ఇంకా పలు సమస్యలు వెంటాడుతున్నాయి. ఇలాంటి నేపథ్యంలో ఈ ఫలితాల ప్రభావం బీజేపీ మీద బాగా పడుతుంది. దీని వలన బీజేపీ పెద్ద విజయం సాధించలేదన్నది ఇక్కడ గమనించాల్సిన విషయం. అందువల్లనే ఏ తప్పు చేయకూడదని భావించిన మోదీ, అమిత్ షా.. గత 20 రోజుల్లో చాలా ఎక్కువ సార్లు హర్యానా, మహరాష్ట్ర తిరిగి ప్రచారం చేశారు. అంతేకాకుండా ఇతర పార్టీల నుంచి నాయకులను బీజేపీలోకి రప్పించుకొని గొప్ప విజయం సాధించాలని.. ఫుల్ ఎఫెర్ట్ చేస్తున్నారు. అందువల్ల ఇవాళ సాయంత్రం నుంచి వచ్చే సర్వే రిజల్ట్ బీజేపీపై ప్రభావాన్ని చూపుతాయి.

ఇక మిగిలిన పార్టీల విషయానికొస్తే.. 2014 వరకు 15 సంవత్సరాలుగా హర్యానా, మహారాష్ట్రలో కాంగ్రెస్ పార్టీనే అధికారంలో ఉంటూ వచ్చింది. అందువల్ల ఈసారి కాంగ్రెస్ పార్టీ మహారాష్ట్ర, హర్యానాలో గెలవకపోయినా.. మంచి ఫైట్ అయినా ఇవ్వాలి. అలా కాకపోతే ఈ పార్టీ భవిష్యత్‌లో చాలా కష్ట పరిస్థితులు ఎదుర్కోవాల్సి వస్తుంది. మరీ ముఖ్యంగా మహారాష్ట్రలో 1972 నుంచి శరద్ పవార్ దాదాపు 50 సంవత్సరాలు ఓ పెద్ద నాయకుడిగా కాలం గడిపారు. ఇక ఈసారి గనుక ఎన్పీపీ పర్ఫార్మెన్ బాగోకపోతే ఎన్సీపీ మాయమయ్యే అవకాశాలు ఉన్నాయి. ఇక హర్యానా విషయాని కొస్తే కాంగ్రెస్ పార్టీలో ఉన్నమాజీ ముఖ్యమంత్రి ఉపేంద్ర హుడా.. అలాగే అక్కడి మాజీ ముఖ్యమంత్రుల భన్సీ లాల్, భజన్ లాల్ కుటుంబాలకు ఎన్నికల గెలుపు చాలా ముఖ్యం. లేకపోతే వారికి కూడా రాజకీయ భవిష్యత్ ఉండదు. అందువల్ల పరిణామాలు ఎదుర్కోవాల్సి వస్తుంది. ఇదంతా ఫలితాలు వచ్చాకే స్పష్టంగా తెలుస్తోంది. ఇక పోటీ అన్న తరువాత అందరూ గెలవలేరు కాబట్టి ఓటమి భరించే వారి భవిష్యత్ పెద్ద ప్రశ్నార్థకంగా మారుతుంది. మరి ఏఏ పార్టీ భవిష్యత్ ఎలా ఉందో తెలుసుకోవాలంటే ఈ నెల 24వరకు ఆగాలి.

Disclaimer: ఈ ఆర్టికల్‌లో రచయిత వ్యక్తం చేసిన అభిప్రాయాలు ఆయన వ్యక్తిగతమైనవి. అవి టివీ9 వెబ్‌సైట్ అభిప్రాయాలుగా పరిగణించవద్దని మనవి.