Breaking News
  • కరోనా మహమ్మారిపై యుద్ధంలో భాగంగా దేశ ప్రజలంతా రేపు రాత్రి 9 గంటల నుంచి 9 నిమిషాల పాటు లైట్లు ఆర్పేసి ఇంట్లో దీపాలు వెలిగించాలని ప్రధాన మంత్రి నరేంద్ర మోదీ ఇచ్చిన పిలుపుకు దేశ వ్యాప్తంగా మంచి స్పందన లభిస్తోంది. సెలబ్రిటిలు కూడా ప్రధాని పిలుపుకు స్పందిస్తున్నారు.
  • మందు తాగితే తూలడం, మందు లేకపోతే మతిస్థిమితం కోల్పోయినట్టుగా ప్రవర్తించడం.. ఇదే ఇప్పుడు అంతటా కనిపిస్తోంది.. కరోనా కాలంలో మందుబాబుల కష్టాలు అన్నీఇన్నీ కావు.. మద్యం దుకాణాలన్నీ బంద్‌.. బార్లు పబ్బులు బంద్‌.. తాగి తాగి పిచ్చెక్కిపోయిన మందుబాబులు చివరకు దొంగలుగా మారిపోయారు.
  • తమిళనాడులో కరోనా మహమ్మారి విజృంభిస్తోంది. వెల్లూరు, తేంగాశి, కల్లకురిచి జిల్లాలలో పెరుగుతోన్న కరోనా కేసులు కలకలం రేపుతున్నాయి. తమిళనాడులో 411 కరోనా పాజిటివ్‌ కేసులు నమోదయ్యాయి. వారిలో 64 మంది నిజాముద్దీన్‌ మర్కజ్‌కు వెళ్లి వచ్చినవారే కావడం గమనార్హం.
  • కేంద్ర ప్రభుత్వం నుంచి కొత్త ఆదేశాలు జారీ అయ్యాయి. ఇంటి నుంచి బయటకు వెళితే మాస్క్‌ తప్పనిసరిగా వాడాలని కేంద్రం తెలిపింది. ఈ నియమాన్ని కచ్చితంగా అమలు చేయాల్సిందనని రాష్ట్ర ప్రభుత్వాలను, పోలీసు శాఖలను ఆదేశించింది.
  • లాక్‌డౌన్‌ను అతిక్రమిస్తే కఠిన చట్టాలు అమలు చేస్తామని హెచ్చరిస్తున్నారు హైదరాబాద్‌ సీపీ అంజనీకుమార్‌, సైబరాబాద్‌ సీపీ సజ్జనార్‌. అనవసరంగా రోడ్డు మీదకొస్తే వాహనాలు సీజ్‌ చేస్తామన్నారు.

సాహోరే ‘బాహుబలి’.. ప్రభాస్ గురించి ఆసక్తికర నిజాలు

Unknown and Interesting facts about Prabhas, సాహోరే ‘బాహుబలి’.. ప్రభాస్ గురించి ఆసక్తికర నిజాలు

‘ఈశ్వర్‌’, ‘రాఘవేంద్రు’డి ఆశీర్వాదాలతో టాలీవుడ్‌లోకి ఎంట్రీ ఇచ్చి.. తన సినిమాలతో బాక్సాఫీస్ వద్ద కలెక్షన్ల ‘వర్షం’ కురిపిస్తూ.. ‘ఛత్రపతి’లా ఉత్తరాదిన కూడా ‘చక్రం’ తిప్పుతూ.. ‘బాహుబలి’తో అంతర్జాతీయంగా ఖ్యాతి గడించి..  ‘రెబల్‌’స్టార్ బిరుదుతో.. అందరి చేత మా ‘డార్లింగ్’ ‘మిస్టర్‌ ఫర్‌ఫెక్ట్’ అనిపించుకుంటూ.. తన అందంతో అమ్మాయిలకు ‘మిర్చి’ ఘాటు పుట్టిస్తూ.. కాంట్రవర్సరీలు లేని ‘యోగి’గా.. ‘పౌర్ణమి’ నాటి చంద్రుడిలా.. సింపుల్‌గా ఉంటూ అభిమానులకు ఎప్పటికీ ‘బుజ్జిగాడు’లా.. ఇప్పటికీ బ్రహ్మచారి ‘ఏక్ నిరంజన్‌’లా.. ‘మున్నా’ భాయి నీకిదే మా ‘సాహో’ అంటూ సినీ ఇండస్ట్రీలో తనకంటూ ఓ పేరును లిఖించుకున్నాడు మన ‘అడవి రాముడు’ ప్రభాస్‌.

పెదనాన్న, రెబల్‌స్టార్ కృష్ణంరాజు సినీ వారసుడిగా ఎంట్రీ ఇచ్చిన ప్రభాస్‌కు టాలీవుడ్ ఎంట్రీ ఈజీగానే జరిగినప్పటికీ.. కెరీర్ ప్రారంభంలో అతడికి కూడా ‘సినిమా’ కష్టాలు ఎదురయ్యాయి. అయితే వాటితో ఏ మాత్రం డీలా పడని ప్రభాస్.. విభిన్న కథలను ఎంచుకుంటూ హిట్లను కొట్టి.. టాప్ హీరోల లిస్ట్‌లో చేరిపోయాడు. ఇక బాహుబలి చిత్రంతో అంతర్జాతీయంగా గుర్తింపు సంపాదించుకున్నాడు. అయితే ఈ సినిమా కోసం ఆయన పడ్డ కష్టం కూడా చాలానే ఉంది. దాదాపు ఐదేళ్ల పాటు మరో చిత్రాన్ని ఒప్పుకోకుండా కేవలం బాహుబలికే సమయాన్ని కేటాయించాడు ప్రభాస్. వరుస సినిమాలతో బిజీగా ఉండే ఏ స్టార్‌ హీరో ఇలాంటి నిర్ణయాన్ని తీసుకునేందుకు సాహసించారు. అందుకే దర్శకధీరుడు రాజమౌళి కూడా ప్రభాస్‌‌కు మరిచిపోలేని హిట్‌ను గిఫ్ట్‌గా ఇచ్చాడు. అంతేకాదు అసలు ప్రభాస్ లేకుంటే బాహుబలి ఉండేదే కాదంటూ ఆయన కితాబిచ్చాడు. ఇదిలా ఉంటే ప్రస్తుతం ప్రభాస్ రాధాకృష్ణ కుమార్ దర్శకత్వంలో ఓ చిత్రంలో నటిస్తున్నాడు. పీరియాడికల్ రొమాంటిక్ డ్రామా నేపథ్యంలో తెరకెక్కుతోన్న ఈ మూవీని యూవీ క్రియేషన్స్, గోపీకృష్ణ బ్యానర్ సంయుక్తంగా నిర్మిస్తోంది.

ప్రభాస్ గురించి ఆసక్తికర నిజాలు:
1. చిన్నప్పటి నుంచి ఇంట్లో సినీ వాతావరణమే ఉన్నప్పటికీ.. పెద్దయ్యాక ఏదైనా వ్యాపారం చేయాలని ప్రభాస్ అనుకున్నాడట. హీరో అవుతానని అనుకోలేదట.
2. ప్రభాస్‌ను ఆయన స్నేహితులు సరదాగా హీరో అని పిలిచేవారట
3. విశ్వామిత్ర క్రియేషన్స్ బ్యానర్‌ కోసం విశ్వామిత్రుడి పాత్రలో ప్రభాస్ నటించాడు.
4. థాయిలాండ్‌లోని మేడమ్ టుస్సాడ్స్ మ్యూజియంలో బాహుబలి రూపంలో ఉన్న ప్రభాస్ మైనపు బొమ్మను ఉంచారు. దక్షిణాది నుంచి ఈ ఘనత అందుకున్న మొదటి హీరో ప్రభాస్.
5. ప్రభాస్ మొదటిసారి గెస్ట్‌ రోల్‌లో కనిపించిన చిత్రం యాక్షన్‌ జాక్సన్. ఇందులో ఓ పాటలో ప్రభాస్ కనిపిస్తాడు.
6. ప్రభాస్‌కు చికెన్ బిర్యానీ అంటే చాలా ఇష్టం.
7.హిందీ దర్శకుడు రాజ్ కుమార్ హిరాణీ అంటే ప్రభాస్‌కు గౌరవం.

కాగా ఇవాళ ప్రభాస్ 40వ పుట్టినరోజును జరుపుకుంటున్నాడు. ఈ సందర్భంగా సినీ ప్రముఖులతో పాటు అభిమానుల నుంచి కూడా ఆయనకు శుభాకాంక్షలు వెల్లువెత్తుతున్నాయి. మరి ఆయన కెరీర్ ఇకపై కూడా అద్భుతంగా ఉండాలని ఆకాంక్షిస్తూ.. టీవీ9 తెలుగు తరఫున హ్యాపీ బర్త్‌డే ప్రభాస్.

Related Tags