కడుపునొప్పితో ఆస్పత్రికి..బాబోయ్.. కడుపులో అరకేజీ జుట్టు

కడుపునొప్పి వస్తే డైజీషన్ ప్రాబ్లం అనుకుని వదిలేస్తాం. మరి ఎక్కువగా ఉంటే ఓ టాబ్లెట్‌తో సరిపెట్టుకుంటాం.  అదేపనిగా వస్తుంటే డాక్టర్లు స్కానింగ్ చేసి..కడుపులో కణితిలు ఏమైనా ఉంటే ఆఫరేషన్ చేసి తీసేస్తారు. అయితే కణితికి బదులు కడుపులో అరకేజీ జుట్టు దర్శనమిస్తే..ఆశ్యర్యపోరా..?. వైద్యులు అయితే ఏకంగా షాక్‌కి గురయ్యారు.

వివరాల్లోకి వెళ్తే.. తమిళనాడులోని కోయంబత్తూరు చెందిన ఓ 13 ఏళ్ల బాలిక ప్రతిరోజూ కడుపునొప్పితో బాధపడుతోంది. దీంతో పేరెంట్స్ దగ్గర్లోని వీజీఎమ్ ఆస్పత్రకి తరలించారు. అయితే స్కాన్ చేసిన డాక్టర్స్ లోపల ఏదో నల్లటి పదార్ధం కడుపులో ఉందని గుర్తించారు..కానీ అదేంటన్నది అర్ధం కాలేదు. వెంటే ఆపరేషన్ చేయగా..బాలిక కడుపలో అరకేజీ జుట్టు దర్శనమిచ్చింది. జుట్టు మాత్రమే కాదు షాంపూ పాకెట్లు, ఇంకొన్ని ప్లాస్టిక్ వస్తువులు కూడా ఉన్నాయి. వాటన్నింటిని తొలగించిన వైద్యులు..ఆమెకు బెడ్ రెస్ట్ సజిస్ట్ చేశారు. దీనిపై తల్లిదండ్రులు స్పందించారు. తమ కుమార్తె మానసిక వ్యాధితో బాధపడుతోందని..అందుకే ఇలా చేసి ఉండొచ్చని అభిప్రాయపడ్డారు. ప్రస్తుతం బాలిక కోలుకుంటోంది.