Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

మోదీతో దీదీ భేటి

Mamata meets PM Modi, మోదీతో దీదీ భేటి

ప్రధానమంత్రి నరేంద్రమోదీతో పశ్చిమబెంగాల్‌ సీఎం మమతాబెనర్జీ బుధవారం భేటీ అయ్యారు. నిన్న రాత్రి ఢిల్లీ చేరుకున్న ఆమె నేడు ప్రధాని నివాసానికి వెళ్లి ఆయనను కలిశారు. మోదీ పుట్టినరోజును పురస్కరించుకుని స్వీట్లు, కుర్తాను కానుకగా ఇచ్చారు. భేటీలో భాగంగా పశ్చిమబెంగాల్‌ పేరు మార్పు, కేంద్రం నుంచి రాష్ట్రానికి రావాల్సిన నిధులు తదితర అంశాలను ఆయనతో చర్చించినట్లు తెలుస్తోంది.

కాగా.. త్వరలో పశ్చిమ బెంగాల్‌లో మెగా కార్యక్రమానికి భాజపా సన్నాహాలు చేస్తోంది. ఈ సమయంలో దీదీ ప్రధానిని కలవడం ప్రాధాన్యత సంతరించుకుంది. అంతేగాక.. కోల్‌కతా మాజీ పోలీసు కమిషనర్‌ రాజీవ్‌ కుమార్‌ చుట్టూ సీబీఐ ఉచ్చు బిగుస్తోంది. దీంతో ఆయన అరెస్టును ఆపేందుకే మమతాబెనర్జీ ప్రధానిని కలుస్తున్నారని బీజేపీ నేతలు ఆరోపిస్తున్నారు.

మోదీతో మీటింగ్‌పై లో ప్రొఫైల్‌ మెయింటైన్ చేయడానికి దీదీ ప్రయత్నిస్తున్నప్పటికీ రచ్చ మాత్రం రాజుకుంది. మమతా బెనర్జీ అవకాశవాద రాజకీయాలు చేస్తున్నారని ఇతర పార్టీలు మండిపడుతున్నాయి. మోదీపై దీదీ చేసిన వ్యాఖ్యలు, ఆమె వ్యవహరించిన తీరే అందుకు కారణం. దాదాపు రెండేళ్లుగా మోదీపై దీదీ తీవ్ర విమర్శలు చేశారు. విపక్షాలతో జట్టు కట్టి మోదీని గద్దె దింపుతామని ప్రతిజ్ఞ చేశారు. తుపాను పై సమీక్షకు కూడా హాజరు కాలేదు. నీతి ఆయోగ్ మీటింగ్‌‌కు డుమ్మా కొట్టారు. అస్సలు మోదీ పేరెత్తితేనే భగ్గున మండిపోయేవారు. అలాంటిది ఒక్కసారిగా ఆమె యూటర్న్ తీసుకున్నట్లు కనిపిస్తోంది.

శారదా స్కామ్‌లో తృణమూల్ కాంగ్రెస్‌ పీకల్లోతుల్లో కూరుకుపోయింది. టీఎంసీకి చెందిన చోటా మోటా నాయకులు కేసుల్లో ఇరుక్కుంటున్నారు. తాజాగా కోల్‌కతా మాజీ పోలీస్ కమిషనర్ రాజీవ్ కుమార్‌ను సీబీఐ టార్గెట్ చేసింది. ఆయన్ను అరెస్టు చేసి ప్రశ్నిస్తే మరిన్ని వాస్తవాలు వెలుగులోకి వస్తాయని సీబీఐ చెబుతోంది. ఈ నేపథ్యంలో రాజకీయాలు ఏమి మాట్లాడలేదని మమత చెబుతున్నప్పటికి..వీరిద్దరూ ఏం మాట్లాడుకున్నారన్న దానిపై ఆసక్తికర చర్చ జరుగుతోంది.