Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

GVL Narasimharao: గవర్నర్‌తో జీవీఎల్ భేటీ.. మ్యాటరేంటంటే?

ఏపీ గవర్నర్ బిశ్వభూషణ్ హరిచందన్‌తో బీజేపీ జాతీయ అధికార ప్రతినిధి జీవిఎల్ నరసింహారావు భేటీ అవడం అది కూడా తెలుగుదేశం పార్టీ నేతలు గవర్నర్ కల్వడానికి అరగంట ముందు ఆయన్ని కల్వడం రాష్ట్ర రాజకీయాల్లో కలకలం రేపుతోంది.
gvl met governor bishwabhushan, GVL Narasimharao: గవర్నర్‌తో  జీవీఎల్ భేటీ.. మ్యాటరేంటంటే?

BJP Leader GVL Narsimharao met AP Governor: ఏపీ గవర్నర్ బిశ్వభూషణ్ హరిచందన్‌తో బీజేపీ జాతీయ అధికార ప్రతినిధి జీవిఎల్ నరసింహారావు భేటీ అవడం అది కూడా తెలుగుదేశం పార్టీ నేతలు గవర్నర్ కల్వడానికి అరగంట ముందు ఆయన్ని కల్వడం రాష్ట్ర రాజకీయాల్లో కలకలం రేపుతోంది. విశాఖ ఘటన నేపథ్యంలో చంద్రబాబు పర్యటనను వైసీపీ వర్గాలు ఎలా అడ్డుకున్నది గవర్నర్‌కు ఫిర్యాదు చేసేందుకు టీడీపీ ప్రతినిధి బృందం శనివారం నాడు రాజభవన్‌కు వెళ్ళింది. అయితే, టీడీపీ బృందం రాజ్‌భవన్‌కు చేరుకోవడానికి అరగంట ముందు జీవిఎల్.. గవర్నర్‌ని కలుసుకున్నారు. కాసేపు మంతనాలు సాగించారు. అయితే జీవిఎల్-గవర్నర్ భేటీ రాష్ట్రంలో రాజకీయ చర్చకు తెరలేపింది.

విశాఖ పర్యటనకు వెళ్ళిన టీడీపీ అధినేత చంద్రబాబును ఎయిర్‌పోర్టులోనే అడ్డుకుని హంగామా చేయడంతో.. పోలీసులు జోక్యం చేసుకుని ఆయన్ని విశాఖ నుంచి హైదరాబాద్‌కు పంపించేసిన సంగతి తెలిసిందే. అయితే చంద్రబాబును అడ్డుకున్నది విశాఖ వాసులేనని అధికార వైసీపీ అంటుంటే.. హల్‌చల్ చేసిన వారంతా వైసీపీ శ్రేణులేనని టీడీపీ నేతలంటున్నారు. ఈ ఆరోపణతోనే టీడీపీ టీమ్.. గవర్నర్‌తో భేటీ అయ్యింది. అయితే.. టీడీపీ బృందం రావడానికి ముందే జీవీఎల్ నరసింహారావు గవర్నర్‌ని కల్వడం రాజకీయ ప్రాధాన్యం సంతరించుకుంది.

బిశ్వభూషణ్‌తో జీవీఎల్ భేటీ అవడం వెనుక అసలు కారణాన్ని తెలుసుకుంది టీవీ9 తెలుగు వెబ్ టీమ్. స్పైసెస్ బోర్డు సమావేశంలో పాల్గొనేందుకు జీవీఎల్ నరసింహారావు విజయవాడకు వచ్చారు. అయితే ఈ సమావేశానికి ముందు ఆయనకు కొద్దిగా సమయం వుండడంతో బిశ్వభూషణ్‌తో వున్న పాత స్నేహం కారణంగా ఆయన్ని కలుసుకునేందుకు జీవీఎల్ నరసింహారావు వెళ్ళినట్లు విశ్వసనీయంగా తెలిసింది. వీరిద్దరి భేటీకి పెద్దగా రాజకీయ ప్రాధాన్యత ఏమీ లేదని బీజేపీ వర్గాలు చెప్పుకుంటున్నాయి.

అయితే.. గవర్నర్‌తో భేటీ తర్వాత జీవీఎల్ నరసింహారావు మీడియాతో మాట్లాడారు. ఏపీలో ప్రస్తుతం రాజకీయ ఘర్షణ వాతావరణం నెలకొందని, ప్రజా ప్రతినిధులను తిరగనీయని పరిస్థితి మంచిది కాదని హితోక్తులు పలికారు. ఇలా నేతలను అడ్డుకునేందుకు పార్టీలు ప్రయత్నిస్తే.. ఘర్షణ వాతావరణం కాస్తా.. శాంతి భద్రతల సమస్యగా మారుతుందని ఆయన హెచ్చరించారు. రాజకీయ పరిస్థితులపై గవర్నర్ తన అభిప్రాయాన్ని తెలిపానని జీవీఎల్ ఓ ప్రశ్నకు సమాధానంగా చెప్పారు.

Related Tags