మూజువాణీ ఓటింగ్ తోనే వచ్చింది చిక్కు !

రాజ్యసభలో ఆదివారం   రైతు బిల్లులపై విపక్ష సభ్యుల రగడతో ప్రభుత్వం ఏడుగురు ఎంపీలను సస్పెండ్ చేసింది. వీరిలో తృణమూల్ కాంగ్రెస్ ఎంపీ డెరెక్ ఓబ్రీన్ ఒకరు. ఆయన ఏకంగా డిప్యూటీ చైర్మన్ హరివంశ్ సింగ్ స్థానం వద్దకే దూసుకువెళ్లి ఈ బిల్లుల తాలూకు రూల్ బుక్ ని చించి పోగులు పెట్టారు. ఆప్ కు చెందిన సంజయ్ సింగ్, కాంగ్రెస్ సభ్యుడు రాజీవ్ శాతక్ మైకులను లాగి పారేశారు. ఈ బిల్లులపై ఫిజికల్ ఓటింగ్ జరగాలని ప్రతిపక్షాలు కోరినప్పటికీ డిప్యూటీ చైర్మన్ నిరాకరించి మూజువాణీ ఓటుకు ఆదేశించడంతో గలాభా మొదలైంది. క హరివంశ్ సింగ్ పై సుమారు 50 మంది సభ్యులు  అవిశ్వాస తీర్మానం పెట్టారు. కాగా ఈ బిల్లులు రాష్ట్రపతి ఆమోదం కోసం ఆయన  వద్దకు వెళ్లనున్నాయి.