లాక్​డౌన్ స‌మ‌యంలో చిన్నారులు, మహిళలపై పెరిగిన‌ వేధింపులు

క‌రోనా వైర‌స్ క‌ట్ట‌డి చ‌ర్య‌ల్లో భాగంగా దేశమంతా లాక్​డౌన్ కొన‌సాగుతోంది. ప్ర‌స్తుత ప‌రిస్థితుల్లో మ‌హిళ‌లు, చిన్నారుల‌పై వేధింప‌ల ప‌ర్వం అధిక‌మవ్వ‌డం గ‌మ‌నార్హం. మొదటి 11 రోజుల లాక్​డౌన్ పిరియ‌డ్ లో హింస, వేధింపుల నుంచి రక్షణ కల్పించాలంటూ 92 వేల కాల్స్ వచ్చినట్లు చైల్డ్​లైన్ ఇండియా సంస్థ పేర్కొంది. భారత ప్రభుత్వం చిన్నారుల రక్షణ కోసం 1098 నంబరుతో చైల్డ్​ హెల్ప్​లైన్​ను ర‌న్ చేస్తోంది. ఈ నంబర్​కు మార్చి 20 నుంచి మార్చి 31 మధ్య కాలంలో […]

లాక్​డౌన్ స‌మ‌యంలో చిన్నారులు, మహిళలపై పెరిగిన‌ వేధింపులు
Follow us

| Edited By: Pardhasaradhi Peri

Updated on: Apr 09, 2020 | 4:35 PM

క‌రోనా వైర‌స్ క‌ట్ట‌డి చ‌ర్య‌ల్లో భాగంగా దేశమంతా లాక్​డౌన్ కొన‌సాగుతోంది. ప్ర‌స్తుత ప‌రిస్థితుల్లో మ‌హిళ‌లు, చిన్నారుల‌పై వేధింప‌ల ప‌ర్వం అధిక‌మవ్వ‌డం గ‌మ‌నార్హం. మొదటి 11 రోజుల లాక్​డౌన్ పిరియ‌డ్ లో హింస, వేధింపుల నుంచి రక్షణ కల్పించాలంటూ 92 వేల కాల్స్ వచ్చినట్లు చైల్డ్​లైన్ ఇండియా సంస్థ పేర్కొంది. భారత ప్రభుత్వం చిన్నారుల రక్షణ కోసం 1098 నంబరుతో చైల్డ్​ హెల్ప్​లైన్​ను ర‌న్ చేస్తోంది. ఈ నంబర్​కు మార్చి 20 నుంచి మార్చి 31 మధ్య కాలంలో 3.07 లక్షల కాల్స్ వచ్చినట్లు స‌మాచారం. ఈ గ‌ణాంకాల‌ను ప‌రిశీలిస్తే ప్ర‌స్తుతం దేశవ్యాప్తంగా మహిళల, చిన్నపిల్లలపై వేధింపులు, హింస పెరిగినట్లు క్లియ‌ర్ గా తెలుస్తోంది.

ఇందులో 30 శాతం కాల్స్ (92,105).. చిన్నారులకు వేధింపలు, హింస నుంచి రక్షణ కోరుతూ వచ్చిన విజ్ఞప్తులేనని చైల్డ్​లైన్ డిప్యూటీ డైరెక్టర్ హర్లీన్ వాలియా తెలిపారు. 11 రోజుల్లో వచ్చిన కాల్స్​లో 11 శాతం హెల్త్ , 8 శాతం ఛైల్డ్ లేబ‌ర్, 8 శాతం మిస్సింగ్, పారిపోవటం, 5 శాతం నిరాశ్రయుల గురించి వచ్చినట్లు తెలిపారు. కరోనా వైర‌స్ కు సంబంధించి..మరో 1,677 మంది ప్రశ్నలు అడగగా.. 237 మంది హెల్త్ ఇష్యూస్ వ‌ల్ల ఫోన్ చేశారని వాలియా వెల్లడించారు. ఈ నేపథ్యంలో లాక్​డౌన్ సమయంలో ఈ హెల్ప్​లైన్​ను ఎమ‌ర్జెన్సీ స‌ర్వీస్ గా గుర్తించాలని ఆమె కోరారు.

ఇక‌ దేశవ్యాప్తంగా మహిళలకు సంబంధించి అనేక కంప్లైంట్స్ అందినట్లు జాతీయ మహిళా కమిషన్ ఛైర్​పర్సన్ రేఖా శర్మ తెలిపారు. లాక్​డౌన్ విధించినప్పటి నుంచి ఫిర్యాదుల‌ సంఖ్య రోజురోజుకు పెరుగుతోందని చెప్పారు. ఇప్పటివరకు ఈ మెయిల్స్ ద్వారానే 69 ఫిర్యాదులు అందాయని వెల్లడించారు. మార్చి 24 నుంచి ఏప్రిల్ 1 వరకు మహిళలపై నేరాలకు సంబంధించి 257 కంప్లైంట్స్ అందినట్లు రేఖా శర్మ చెప్పారు. వీటిలో 69 కేసులు డొమెస్టిక్ వ‌యోలెన్స్ కు సంబంధించినవేనని తెలిపారు.