Breaking News
  • భారత్ లో కరోనా కల్లోలం 18 లక్షల 55 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 1855746 దేశ వ్యాప్తంగా యాక్టీవ్ కేసులు: 586298 కరోనా నుంచి డిశ్చార్జ్ అయిన బాధితులు: 1230510 దేశం మొత్తం కరోనా తో మృతుల సంఖ్య : 38938 దేశ వ్యాప్తంగా గడచిన 24 గంటలలో 52050 కరోనా కేస్ లు, 803 మంది మృతి
  • అయోధ్య రామ మందిర భూమిపూజకు ఆహ్వానం అందడం ఆనందంగా ఉంది. ఇది ఆ రాముడు పంపిన ఆహ్వానంగా భావిస్తున్నాను. అయోధ్య నగరం గంగ-యమునా-తెహజీబ్ సంస్కృతికి నిదర్శనం. ఇక్కడ హిందు-ముస్లిం ఎప్పుడూ సయోధ్యతో ఉంటారు. 70 ఏళ్లుగా భూ వివాదం గురించి కింది కోర్టు నుంచి సుప్రీంకోర్టు వరకు న్యాయపోరాటం చేశాం. ఇప్పుడు వివాదం ముగిసింది. సుప్రీం తీర్పును ఆహ్వానించాం. అయితే సుప్రీం తీర్పు మేరకు మసీదు కోసం స్థలం అయోధ్యలోనే ఇస్తే సంతోషించేవాళ్ళం. కానీ సిటీకి 25కిమీ దూరంలో స్థలాన్ని సున్నీ వక్ఫ్ బోర్డుకు ఇచ్చారు. అయోధ్య అనేక ధర్మాలకు వేదికైన నగరం. మందిర నిర్మాణం తర్వాత అభివృద్ధి చేయడం ప్రభుత్వం చేతిలో ఉంటుంది. అయోధ్య నగరం అభివృద్ధిలో ఇంతకాలం వెనుకబడి ఉంది. ఇకపై పర్యాటకుల సంఖ్య పెరుగుతుంది. అభివృద్ధి జరగాలని కోరుకుంటున్నాము.
  • నేడు ఆంధ్ర యుానివర్సిటి లా కాలేజ్ ప్లాటినం జూబ్లీ సమావేశం . ఆన్లైన్ లో జరగనున్న సమావేశం. ఆన్ లైన్ సమావేశంలో పాల్గోనున్న కళాశాల పూర్వ విద్యార్ధి, ఉపరాష్ట్రపతి ఎం.వెంకయ్య నాయుడు.
  • హైదరాబాద్ పోలీస్ కమిషనర్ అంజని కుమార్. హైదరాబాద్ పాతబస్తీ సౌత్ జోన్ పరిధిలో సత్ప్రవర్తన కలిగిన రౌడీషీటర్ ల మేళా ను సాలార్ జుంగ్ మ్యూజియంలో ఏర్పాటు చేసము. పాతబస్తీ లో సత్ప్రవ్తన కలిగి నేరాలకు దూరంగా ఉన్న 31 మంది రౌడీ షీటర్ పై పోలీస్ రికార్డుల్లో నుంచి రౌడీ షీట్ తొలగించము. వీరంతా కొత్త జీవితాన్ని ఆనందంగా గడిపేందుకు అవకాశం కలిపించం. గతంలో వీరంతా తప్పులు చేసి, నేరాలు చేసి జైల్ వెళ్లిన వారు. కానీ ఇప్పుడు ఒక సదవకాశం వీరు అందరికీ ఆదర్శంగా ఉండి కుటుంబం తో సంతోషంగా జీవించాలని సాధారణ పౌరులుగా వుండాలని కోరుతున్న.
  • ప్రముఖ వాగ్గేయ కారుడు, ఉత్తరాంధ్ర జానపద కాణాచి వంగపండు ప్రసాదరావు అనారోగ్యంతో మృతి.గత కొద్ది రోజులుగా అనారోగ్యంతో బాధపడుతున్న ప్రసాదరావు . తెల్లవారుజామున పార్వతీపురం ఆయన స్వగృహ0లో గుండెపోటుతో మృతి . వందలాది జానపద పాటలు రచించి గజ్జె కట్టి ఆడి పడిన వంగపండు . పల్లెకారులతో పాటు, గిరిజనులను అవగాహన కల్పించిన ప్రసాదరావు . ప్రసాదరావు.మృతికి పలువురు కళాకారులు, ప్రముఖుల దిగ్భ్రాంతి.
  • స్వీయ నిర్బంధం లోకి వెళ్లిన త్రిపుర సీఎం బిప్లబ్ కుమార్. నా కుటుంబ సభ్యుల్లో ఇద్దరికి కరోనా పాజిటివ్ వచ్చింది. ఇతర కుటుంబ సభ్యులు NEGATIVE వచ్చింది. నేను కూడా COVID19 పరీక్ష చేయించుకున్నాను.రిజల్ట్ ఇంకా రాలేదు. నేను నా నివాసంలో స్స్వీయ నిర్బంధ లోకి వెళ్ళాను. మా కుటుంబ సభ్యుల త్వరగా కోలుకోవాలని ప్రార్థిస్తున్నాను. ట్విట్టర్లో త్రిపుర సీఎం బిప్లబ్ కుమార్.

Breaking మూడు రాజధానులకు గవర్నర్ గ్రీన్ సిగ్నల్

ఏపీకి మూడు రాజధానులను ప్రతిపాదిస్తూ జగన్ ప్రభుత్వం తీసుకొచ్చిన బిల్లుకు ఏపీ గవర్నర్ ఆమోదం లభించింది. రాజధాని వికేంద్రీకరిస్తూ ఏపీ అసెంబ్లీలో పాసయిన బిల్లును శుక్రవారం గవర్నర్ బిశ్వభూషణ్ హరిచందన్ ఆమోదించారు. శాసనసభ ఆమోదించినప్పటికీ శాసనమండలిలో...
governor endorsed capital bill, Breaking మూడు రాజధానులకు గవర్నర్ గ్రీన్ సిగ్నల్

ఏపీకి మూడు రాజధానులను ప్రతిపాదిస్తూ జగన్ ప్రభుత్వం తీసుకొచ్చిన బిల్లుకు ఏపీ గవర్నర్ ఆమోదం లభించింది. రాజధానిని వికేంద్రీకరిస్తూ ఏపీ అసెంబ్లీలో పాసయిన బిల్లును శుక్రవారం గవర్నర్ బిశ్వభూషణ్ హరిచందన్ ఆమోదించారు. శాసనసభ ఆమోదించినప్పటికీ శాసనమండలిలో ఆమోదం పొందలేదన్న విపక్షాల వాదనకు వ్యతిరేకంగా గవర్నర్ స్పందించడం విశేషం. సీఆర్డీఏను రద్దు చేస్తూ అసెంబ్లీ ఆమోదించిన బిల్లుకు కూడా గవర్నర్ ఆమోద ముద్ర వేశారు.

శాసనమండలిలో పెండింగులో వున్న బిల్లులను గవర్నర్ ఆమోదిస్తారా? లేదా? అన్న మీమాంసకు ఏపీ గవర్నర్ తెరదించారు. అసెంబ్లీ ఆమోదం పొంది వుండడం, శాసనమండలి రద్దుకు ప్రభుత్వం సిఫారసు చేయడం, మండలి రద్దుకు అసెంబ్లీ తీర్మానించిన తర్వాత మరోసారి రాజధాని వికేంద్రీకరణ బిల్లును శాసనసభ ఆమోదం పొందివుండడం వంటి అంశాలపై న్యాయసలహా తీసుకున్న గవర్నర్ హరిచందన్ రెండు కీలక బిల్లులపై శుక్రవారం సంతకం చేశారు. దాంతో ఏపీకి మూడు రాజధానుల ఏర్పాటుకు గ్రీన్ సిగ్నల్ లభించినట్లయ్యింది.

ఏపీ రాజధానిని వికేంద్రీకరిస్తూ శాసనసభలో జనవరి 20వ తేదీన రాష్ట్ర శాసనసభ ఆమోదించింది. అయితే ఆతర్వాత శాసనమండలికి చేరిన రాజధాని వికేంద్రీకరణ బిల్లుకు అక్కడ చుక్కెదురైంది. మండలిలో విపక్ష టీడీపీకి ఆధిక్యం వుండడంతో బిల్లును తిరస్కరించి, సెలెక్టు కమిటీకి సిఫారసు చేశారు. దాంతో రాజధాని వికేంద్రీకరణకు బ్రేక్ పడినట్లేనని అందరూ భావించారు.

అయితే, మూడు రాజధానుల ఏర్పాటు విషయంలో నిక్కచ్చిగా వున్న ముఖ్యమంత్రి వైఎస్ జగన్ మోహన్ రెడ్డి జూన్ 16వ తేదీన మరోసారి రాజధాని వికేంద్రీకరణ బిల్లును శాసనసభ ముందుకు తెచ్చి మరోసారి ఆమోదం పొందారు. ఆ తర్వాత ఫార్మాలిటీస్ పూర్తి చేసుకున్న వికేంద్రీకరణ బిల్లు మూడు వారాల క్రితం రాజ్‌భవన్‌కు చేరింది. అప్పట్నించి గవర్నర్ ఎలా స్పందిస్తారనే విషయంపై ఉత్కంఠ కొనసాగుతోంది. జూన్ 16వ తేదీన రాజధాని వికేంద్రీకరణ బిల్లు అసెంబ్లీ ఆమోదం పొందగా.. ఆ మర్నాడు దానిని శాసనమండలికి పంపారు. అయితే బిల్లుపై చర్చ చేపట్టకుండానే మండలి నిరవధికంగా వాయిదా పడింది.

అయితే అసెంబ్లీ ఆమోదం పొందిన బిల్లు మండలిలో చర్చించినా.. చర్చించకపోయినా నెల రోజుల తర్వాత ఆటోమేటిక్‌గా ఆమోదం పొందినట్లు భావించాలనేది అధికార వైసీపీ నేతల వాదన. ఈ క్రమంలో జూన్ 17 నుంచి జులై 17 మధ్య నెల రోజులు ముగిసిన నేపథ్యంలో మండలి ఆమోదం పొందినట్లుగానే భావించాలని ప్రభుత్వం గవర్నర్‌ను కోరింది. దానిపై న్యాయసలహా తీసుకున్న గవర్నర్ హరిచందన్ జులై 31న మూడు రాజధానుల ప్రతిపాదనకు ఓకే చెప్పారు.

అదే క్రమంలో రాజధానుల విషయంలో కేంద్రంలో అధికార పార్టీ బీజేపీ నేతలు విభిన్నంగా మాట్లాడుతూ వుండడం కూడా మరింతగా కుతూహలాన్ని పెంచింది. గత రెండు రోజులుగా ఏపీ బీజేపీ కొత్త అధ్యక్షుడు సోము వీర్రాజు, రాజ్యసభ సభ్యుడు సుజనా చౌదరి పరస్పరం భిన్నమైన ప్రకటనలు చేశారు. అదోవైపు కొనసాగుతుండగానే శుక్రవారం గవర్నర్ అనూహ్య నిర్ణయంతో రాజధాని వికేంద్రీకరణకు లైన్ క్లియర్ చేశారు. దాంతో ఏపీకి ఎగ్జిక్యూటివ్ క్యాపిటల్‌గా విశాఖపట్నం, శాసన రాజధానిగా అమరావతి, జ్యుడీషియల్ క్యాపిటల్‌గా కర్నూలు ఏర్పాటు కాబోతున్నాయి.

Related Tags