ఆ చైనా యాప్స్‌పై నిషేధం విధించలేదుః కేంద్రం
చైనా యాప్స్‌పై నిషేధం విధించినట్లుగా సోషల్ మీడియాలో చక్కర్లు కొడుతున్న ఓ మెసేజ్‌పై ప్రెస్ ఇన్ఫర్మేషన్ బ్యూరో అఫ్ ఇండియా స్పందించింది.
చైనా యాప్స్‌పై నిషేధం విధించినట్లుగా సోషల్ మీడియాలో చక్కర్లు కొడుతున్న ఓ మెసేజ్‌పై ప్రెస్ ఇన్ఫర్మేషన్ బ్యూరో అఫ్ ఇండియా స్పందించింది. అది కేవలం ఫేక్ న్యూస్ మాత్రమేనని.. గూగుల్ ప్లే స్టోర్, ఆపిల్ యాప్ స్టోర్‌లలో ఎలాంటి చైనా యాప్స్‌ను నిషేధించమని కేంద్ర ప్రభుత్వం ఉత్తర్వులు జారీ చేయలేదని స్పష్టం చేసింది. కొన్ని చైనా యాప్స్‌ను భారత్‌లో నిషేధం విధించినట్లుగా పేర్కొంటూ.. ‘వాటి పనితీరును తక్షణమే పరిమితం చేయాలని గూగుల్, ఆపిల్ ప్రతినిధులను భారత ప్రభుత్వం ఆదేశిస్తూ ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రిత్వ శాఖ, జాతీయ సమాచార కేంద్రం ఉత్తర్వులు విడుదల చేసినట్లుగా పేర్కొన్న ఓ పోస్టు సామాజిక మాధ్యమాల్లో వైరల్ అయింది.
టిక్‌టాక్, విమేట్, విగో వీడియో, లైవ్‌మీ, బిగో లైవ్, బ్యూటీ ప్లస్, కామ్‌స్కానర్, క్లబ్ ఫ్యాక్టరీ, షెయిన్, రోమ్‌వే, యాప్‌లాక్ వంటి చైనీస్ యాప్స్‌ను నిషేధిస్తున్నట్లుగా ఆ పోస్టులో ఉంది. ఈ జాబితాలో మొబైల్ లెజెండ్స్, క్లాష్ ఆఫ్ కింగ్స్, గేల్ ఆఫ్ సుల్తాన్స్ వంటి గేమింగ్ యాప్స్ కూడా ఉన్నాయి. ఈ అప్లికేషన్స్ అన్నీ కూడా వినియోగదారుడి గోప్యతను ప్రమాదంలో పడేస్తాయని, దేశ సార్వభౌమత్వాన్ని రాజీపడేలా చేస్తాయంటూ ఆ పోస్టులో ఉంది. కాగా, ఆ పోస్టు, ఉత్తర్వులు నకిలీవని.. కేంద్రం ప్రభుత్వం చైనా యాప్స్‌పై నిషేధం విధించాలంటూ ఎటువంటి ఉత్తర్వులు జారీ చేయలేదని పీఐబీ క్లారిటీ ఇచ్చింది.
Claim: A viral message of an order allegedly from NIC claims that @GoI_Meity has prohibited some apps from being made available on App Stores. #PIBFactCheck: The Order is #Fake. No such instruction has been given by @GoI_MeitY or NIC. pic.twitter.com/Dt7rMR7nIz
— PIB Fact Check (@PIBFactCheck) June 19, 2020
