Breaking News
  • చెన్నై: ఐఐటీ విద్యార్థిని ఫాతిమా లతీఫ్‌ ఆత్మహత్య కేసు. ఫాతిమా లతీఫ్‌ ఆత్మహత్యపై విద్యార్థి సంఘాల ఆందోళనలు. అసిస్టెంట్‌ ప్రొఫెసర్‌ పద్మనాభన్‌పై చర్యలు తీసుకోవాలని డిమాండ్‌. నేడు ఐఐటీ ముట్టడికి విద్యార్థి సంఘాల పిలుపు.
  • కరీంనగర్‌: అలుగునూరులో రోడ్డుప్రమాదం. లారీ ఢీకొని ఇద్దరు యువకులు మృతి. మృతులు సాయికిరణ్‌, సాయికృష్ణగా గుర్తింపు.
  • నిజామాబాద్‌: భీమ్‌గల్‌ మండలం లింబాద్రిగుట్ట జాతరలో ప్రమాదం. డ్యాన్సింగ్‌ వీలుపై నుంచి పడి రవి అనే వ్యక్తికి తీవ్రగాయాలు. నిజామాబాద్‌ ఆస్పత్రికి తరలింపు.
  • ప్రభుత్వం 50 మంది కార్మికులను చంపేసింది. తప్పుడు విధానాలతో భవన నిర్మాణ కార్మికులు ఆకలితో చనిపోతున్నారు. ప్రజా సమస్యల పరిష్కారం కోసం ప్రభుత్వంపై యుద్ధం చేస్తున్నా. వ్యక్తిగతంగా విమర్శించను.. తప్పుడు విధానాలపైనే ప్రశ్నిస్తున్నా. కార్మికుల కష్టాలను సీఎం జగన్‌ పట్టించుకోవాలి-పవన్‌కల్యాణ్‌.
  • విశాఖ: ఏజెన్సీలో తగ్గిన ఉష్ణోగ్రతలు. అరకులో 13, చింతపల్లిలో 8, మినుములూరులో 10 డిగ్రీల ఉష్ణోగ్రత. పాడేరులో 12 డిగ్రీల ఉష్ణోగ్రత నమోదు.
  • కర్నూలు: విజయానికేతన్‌ స్కూల్‌ కరస్పాండెంట్‌, డైరెక్టర్‌ అరెస్ట్. సాంబార్‌ గిన్నెలో పడి విద్యార్థి మృతి చెందిన ఘటనలో అరెస్ట్‌. కరస్పాండెంట్ నాగమల్లేశ్వరరెడ్డి, డైరెక్టర్ విజయకుమార్‌రెడ్డిని.. రహస్యంగా రిమాండ్‌కు తరలించిన పాణ్యం పోలీసులు. హాస్టల్‌కు అనుమతి లేదని తేల్చిన విద్యాశాఖ అధికారులు. ఇంత వరకు బయటకు రాని సీసీఫుటేజ్‌. హాస్టల్‌లో సీసీ కెమెరాలు లేవంటున్న యాజమాన్యం.
  • హైదరాబాద్‌: మాదాపూర్‌లో రోడ్డుప్రమాదం. అయ్యప్ప సొసైటీలో అదుపుతప్పి స్కూల్‌ బస్సు బోల్తా. బస్సులో విద్యార్థులెవరూ లేకపోవడంతో తప్పిన ప్రమాదం.

ఏపీ డీజీపీగా బాధ్యతలు స్వీకరించిన గౌతమ్ సవాంగ్

ఏపీ కొత్త డీజీపీగా ఐపీఎస్ గౌతమ్ సవాంగ్ బాధ్యతలు స్వీకరించారు. మంగళగిరి పోలీస్ హెడ్ క్వార్టర్స్‌లో ఆయన బాధ్యతలను స్వీకరించారు. ఈ సందర్భంగా పోలీస్ శాఖ ఉన్నతాధికారులు ఆయనకు స్వాగతం పలికారు. అనంతరం ఆయన మాట్లాడుతూ తనకు అవకాశం ఇచ్చిన సీఎం జగన్ మోహన్ రెడ్డికి ధన్యవాదాలని తెలిపారు. ఏపీ పోలీస్‌ను దేశంలోనే మొదటి స్థానంలో నిలుపుతామని పేర్కొన్నారు. పోలీస్ శాఖను పునరుద్దరించేందుకు సీఎం ఆదేశాలిచ్చారని.. అందుకు అవసరమైన చర్యలు చేపడుతామని పేర్కొన్నారు. తమ కోసమే పోలీస్ శాఖ ఉందని ప్రజలు అనుకునేలా పనిచేస్తామని హామీ ఇచ్చారు.

అయితే 1986 బ్యాచ్‌కు చెందిన ఐపీఎస్ అధికారి గౌతం సవాంగ్ గతంలో విజయవాడ సీపీగా పనిచేశారు. యాంటీ కరెప్షన్ బ్యూరోలో ఉన్నప్పుడు సమర్థవంతా విధులు నిర్వహించిన అధికారిగా పేరొందారు. విధి నిర్వహణలో చురుకైన పాత్ర పోషించినందుకుగానూ 2002లో పోలీస్ మెడల్ అందుకున్నారు సవాంగ్. ఆ తరువాత 2005లో సీఆర్పీఎఫ్ డీజీగా సేవలు అందించారు. 2015లో రాష్ట్రపతి పురస్కారం అందుకున్న గౌతమ్ సవాంగ్.. మొన్నటివరకు విజిలెన్స్ అండ్ ఎన్‌ఫోర్స్‌మెంట్ డైరక్టర్‌గా పనిచేశారు.