Breaking News
  • అమరావతి: చంద్రబాబును నమ్మి భూములిచ్చి దళిత రైతులు మోసపోయారు. మా ప్రభుత్వ నిర్ణయంతో దళిత రైతులకు న్యాయంజరిగింది-ఎమ్మెల్యే ఆర్కే. దళిత రైతుల భూములను చంద్రబాబు తనవారికి కారుచౌకగా ఇప్పించారు. రాజధాని ప్రాంతంలో బినామీలుగా ఉన్న మంత్రులు, ఎమ్మెల్యేల చిట్టాను త్వరలో బయటపెడతాం-ఎమ్మెల్యే ఆర్కే.
  • ప్రకాశం జిల్లా: సింగరాయకొండ మండలం పాకల దగ్గర సముద్రంలో నలుగురు యువకుల గల్లంతు. ముగ్గురిని కాపాడిన మెరైన్‌ పోలీసులు. మరో యువకుడి కోసం కొనసాగుతున్న గాలింపు.
  • యానాంలో ప్రేమజంట అనుమానాస్పద మృతి. మృతులు కాట్రేనిపాడుకు చెందిన రమేష్‌. మలికిపురం మండలానికి చెందిన యువతిగా గుర్తింపు. పెద్దలు పెళ్లికి అంగీకరించలేదని ఈ నెల 9న ఇంటి నుంచి వెళ్లిపోయిన ప్రేమజంట. కేసు నమోదు చేసి దర్యాప్తు చేస్తున్న పోలీసులు.
  • శంషాబాద్‌ ఎయిర్‌పోర్ట్‌లో భారీగా బంగారం పట్టివేత. దుబాయ్‌ నుంచి వచ్చిన ప్రయాణికుడి నుంచి 14 కిలోల బంగారం స్వాధీనం. అదుపులోకి తీసుకుని విచారిస్తున్న కస్టమ్స్ అధికారులు. పట్టుబడ్డ బంగారం విలువ రూ.5.46 కోట్లు ఉంటుందని అంచనా.
  • అమరావతి: అసెంబ్లీకి వెళ్లకుండా మమ్మల్ని అడ్డుకున్నారు-చంద్రబాబు. అమాయకులపై ఎస్సీ, ఎస్టీ యాక్ట్‌ పెట్టి దాడులు చేస్తున్నారు. టీడీపీ హయాంలో ఇంగ్లీష్‌ మీడియాన్ని వైసీపీ నేతలు వ్యతిరేకించారు ఇప్పుడు ఇంగ్లీష్ మీడియం తెచ్చి రెండు నాలుకలధోరణి అవలంబిస్తున్నారు కొత్త చీఫ్‌ మార్షల్‌ దుర్మార్గంగా ప్రవర్తిస్తున్నారు-చంద్రబాబు.
  • గుంటూరు: ఎన్నికల్లో ఇచ్చిన హామీలను వైసీపీ నెరవేర్చలేదు. ఆర్టీసీ చార్జీలు పెంచి సామాన్యుడి నడ్డి విరిచారు-యరపతినేని. ఉల్లి ధరలు ఆకాశాన్ని అంటాయి-మాజీ ఎమ్మెల్యే యరపతినేని. నియోజకవర్గ పరిధిలో ఇసుక మాఫియా రెచ్చిపోతోంది. వైసీపీ కార్యకర్తలే ఇసుకను బ్లాక్‌ మార్కెట్‌లో అమ్ముతున్నారు-మాజీ ఎమ్మెల్యే యరపతినేని.

Chanakya Teaser: గోపిచంద్ స్పై థ్రిల్లర్.. ఇంట్రస్టింగ్‌గా టీజర్

Gopichand Chanakya teaser released, Chanakya Teaser: గోపిచంద్ స్పై థ్రిల్లర్.. ఇంట్రస్టింగ్‌గా టీజర్

యాక్షన్ హీరో గోపిచంద్ హీరోగా కొత్త దర్శకుడు తిరు తెరకెక్కించిన స్పై థ్రిల్లర్ చాణక్య. ఎ.కె.ఎంట‌ర్‌టైన్‌మెంట్స్ బ్యాన‌ర్‌పై రామ‌బ్ర‌హ్మం సుంక‌ర ఈ చిత్రాన్ని నిర్మించారు. ఇటీవలే ఈ మూవీ షూటింగ్ పూర్తి అవ్వగా.. ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు శ‌ర‌వేగంగా జ‌రుగుతున్నాయి. ఇక దసరాకు ప్రేక్షకుల ముందుకు రానున్న ఈ చిత్ర టీజర్ తాజాగా విడుదలైంది. ఇందులో గోపిచంద్ భారత ఇంటలిజెన్స్‌ ఏజెన్సీ ‘రా’ ఆఫీసర్‌గా నటించాడు. థ్రిల్లర్‌ కథాంశాలతో వచ్చిన టీజర్ అందరినీ ఆకట్టుకుంటోంది. చూస్తుంటే ఈ సినిమాతో ఎలాగైనా హిట్ కొట్టాలని గోపిచంద్ కసితో ఉన్నట్లు అర్థమవుతోంది.

ఇక ఈ మూవీలో గోపిచంద్ సరసన మెహరీన్ రెండోసారి జత కట్టగా.. బాలీవుడ్ బ్యూటీ జరీన్ ఖాన్ కీలక పాత్రలో కనిపించనుంది. విశాల్ చంద్రశేఖర్ సంగీతం అందించగా.. అబ్బూరి రవి మాటలను అందించారు.

కాగా లౌక్యం తరువాత గోపిచంద్ ఖాతాలో చెప్పుకోదగ్గ హిట్లు లేవు. జిల్ యావరేజ్ టాక్‌ను తెచ్చుకున్నప్పటికీ.. సౌఖ్యం, గౌతమ్ నంద, ఆక్సిజన్, పంతం మూవీలు బాక్సాఫీస్ వద్ద ఫ్లాప్‌లుగా నిలిచాయి. ఈ నేపథ్యంలో మంచి హిట్ కోసం గోపిచంద్ ఎదురుచూస్తున్నాడు. ప్రస్తుతం అతడి ఆశలన్నీ చాణక్యపైనే ఉన్నాయి. స్పై థ్రిల్లర్‌లకు టాలీవుడ్‌లో మంచి ఆదరణ లభిస్తున్న నేపథ్యంలో తన సినిమా కూడా ప్రేక్షకులను ఆకట్టుకుంటుందని ఆయన ధీమా వ్యక్తం చేస్తున్నారు. మరి ఈ మూవీ గోపిచంద్‌కు ఎలాంటి హిట్‌ను ఇస్తుందో చూడాలంటే కొద్ది రోజులు ఆగాల్సిందే. కాగా ఈ మూవీ తరువాత సంపత్ నది దర్శకత్వంలో మరోసారి నటించబోతున్నాడు గోపిచంద్.