Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

వారం రోజుల్లో గుడ్‌న్యూస్.. వేచి వుండాలన్న కేసీఆర్

మరో వారం రోజుల్లో ఎవరూ ఊహించని గుడ్ న్యూస్‌ను తెలంగాణ ప్రజలకు వినిపించ బోతున్నట్లు ప్రకటించారు ముఖ్యమంత్రి కే.చంద్రశేఖర్ రావు. యావత్ తెలంగాణ రైతాంగం ఆనందంతో సంబ్రమాశ్చర్యాలకు గురయ్యేలా...
good news for farmers in weekdays, వారం రోజుల్లో గుడ్‌న్యూస్.. వేచి వుండాలన్న కేసీఆర్

KCR to announce good news for entire Telangana people: మరో వారం రోజుల్లో ఎవరూ ఊహించని గుడ్ న్యూస్‌ను తెలంగాణ ప్రజలకు వినిపించ బోతున్నట్లు ప్రకటించారు ముఖ్యమంత్రి కే.చంద్రశేఖర్ రావు. యావత్ తెలంగాణ రైతాంగం ఆనందంతో సంబ్రమాశ్చర్యాలకు గురయ్యేలా తాను ప్రకటించే శుభవార్త వుండబోతుందని కేసీఆర్ చెప్పుకొచ్చారు. తెలంగాణ రాష్ట్రాన్ని సస్యశ్యామలం చేసే కాళేశ్వరం ప్రాజెక్టులో భాగంగా సిద్దిపేట జిల్లా పరిధిలో నిర్మించిన కొండపోచమ్మసాగర్ రిజర్వాయర్‌ను, మర్కూక్ ఎత్తిపోతల పథకాన్ని ముఖ్యమంత్రి కేసీఆర్… శ్రీ శ్రీ శ్రీ చినజీయర్ రామానుజ స్వామి వారితో కలిసి ప్రారంభించారు. అనంతరం కాల్వలు, రిజర్వాయర్లు, లిఫ్టు పథకాలు, చెక్ డ్యాముల నిర్మాణాలు, వాగులు వంకల మరమ్మతులపై అధికారులతో కలిసి సమీక్ష నిర్వహించారు.

మధ్యాహ్నం కొండపోచమ్మ రిజర్వాయర్ సమీపంలో ఏర్పాటు చేసిన విలేకరుల సమావేశంలో మాట్లాడిన కేసీఆర్ కాళేశ్వరం ప్రాజెక్టు యావత్ తెలంగాణ సాగునీటి ముఖ చిత్రాన్ని, వ్యవసాయ రంగ సమగ్ర చిత్రాన్ని మార్చేసిందని చెప్పుకొచ్చారు. మల్టీ లెవెల్ లిఫ్టింగ్ స్కీములను వేగంగా పూర్తి చేయడమనేది అంత ఈజీ టాస్క్ కాదని పేర్కొన్న ముఖ్యమంత్రి.. కేవలం 3,4 ఏళ్ళ కాలంలో అసాధ్యాన్ని సుసాధ్యం చేసిన ఇంజనీర్లకు, నిర్మాణ సంస్థలకు పేరుపేరునా అభినందనలు తెలిపారు.

కాళేశ్వరం ప్రాజెక్టు ఇంకా పూర్తి స్థాయిలో పూర్తి కాకముందే తెలంగాణ యావత్ దేశానికి 63 శాతం ధాన్యాన్ని అందించిందని, మిగిలిన లిఫ్టులు కూడా పూర్తి అయితే తెలంగాణ యావత్ భారత దేశానికి ధాన్యాగారంగా మారబోతోందని ముఖ్యమంత్రి వెల్లడించారు. ఫుడ్ కార్పొరేషన్ ఆఫ్ ఇండియా సీఎండి డివి ప్రసాద్ స్వయంగా దేశంలో సేకరించిన ధాన్యం వివరాలను వెల్లడించారని, తెలంగాణను అభినందించారని సీఎం వివరించారు.

ఇంతటి అద్భుత ఫలితాలను సాధించిన తెలంగాణ రైతానికి త్వరలో అతిపెద్ద శుభవార్త చెప్పబోతున్నానని, ఆ శుభవార్తకు సంబంధించి ఆర్థిక పరమైన అంఛనాలు రెడీ అయ్యాయని, త్వరలోనే మరోసారి లెక్కలు సరి చూసుకుని.. వారం, పది రోజుల్లో రైతాంగానికి గుడ్ న్యూస్ చెబుతానని అన్నారు ముఖ్యమంత్రి కేసీఆర్. యావత్ ప్రపంచమే ఆశ్చర్యపోయేలా తాను ప్రకటించనున్న కొత్త పథకం విజయవంతంగా అమలైతే.. బంగారు తెలంగాణ కల సుసాధ్యమవుతుందని ఆయన చెప్పుకొచ్చారు.

‘‘ ఇంజనీర్లకు సాల్యూట్ చేస్తున్నా.. ఈ వర్క్ అనితర సాధ్యం.. పెంటారెడ్డి … జెన్కో ట్రాన్స్కో అదికారులు అద్భుతంగా పని చేశారు.. రెవెన్యూ సిబ్బంది కూడా భూ సేకరణ అద్భుతంగా చేశారు వర్కింగ్ ఏజెన్సీస్ మెగా, నవయుగ, షాపూర్ పల్లంజీ, ఎల్ అండ్ టీ వంటి సంస్థలు అద్భుతంగా పనిచేశాయి ’’ అని ముఖ్యమంత్రి అభినందించారు. తెలంగాణ సమగ్ర వ్యవసాయ విధానం దేశానికే ఆదర్శమని ఆయనన్నారు. దేశంలోనే అత్యంత ఖరీదైన సాగునీరు కాళేశ్వరం ప్రాజెక్టుదని, ఆ ఖరీదైన నీటితో అంతే ఖరీదైన పంటలు పండించి బంగారు తెలంగాణలో రైతులు భాగస్వామ్యం కావాలని కేసీఆర్ అన్నారు. కాళేశ్వరం నీటి కోసం రైతుల పక్షాల ప్రభుత్వమే 10 వేల కోట్ల రూపాయల విద్యుత్ బిల్లును భరిస్తోందని ముఖ్యమంత్రి వివరించారు.

Related Tags