గుడ్ న్యూస్.. మరోసారి దిగొచ్చిన బంగారం ధర..

బంగారం కొనుగోలు చేయాలని ఆలోచిస్తున్నారా? అయితే ఇంకేం కొనేయండి. ఎందుకంటారా? ధర భారీగా దిగొచ్చింది. మొన్నటి వరకు 50వేలకుపైగా పలికి గోల్డ్‌రేటు నేడు.. 49,561కు చేరింది. గత నెలతో పోలిస్తే దాదాపు 7వేల రూపాయలు తగ్గింది. గోల్డ్‌ కొనుగోలు చేయాలనుకునే వారికి ఇది నిజంగా శుభవార్తే. బంగారం ధర బాటలోనే వెండి కూడా నడుస్తోంది. గ్లోబల్‌ మార్కెట్‌లో పసిడి పడిపోవడంతో మన దేశంలోనూ దాని ప్రభావం చూపింది. (Gold And Silver Rates)

హైదరాబాద్‌లో 10 గ్రాముల 24 క్యారెట్ల బంగారం ధర రూ.1,450 పడిపోయింది. దీంతో ధర రూ.52,370కు క్షీణించింది. అదే సమయంలో 22 క్యారెట్ల బంగారం ధర 10 గ్రాములకు రూ.1,200 పతనమవడంతో రూ.48,050కు దిగొచ్చింది. కేజీ వెండి ధర ఏకంగా 7,700 పతనమై రూ.59,300కు చేరింది. పరిశ్రమ యూనిట్లు, నాణేపు తయారీదారుల నుంచి డిమాండ్ పడిపోవడం ఇందుకు ప్రధాన కారణంగా మార్కెట్‌ వర్గాలు చెబుతున్నాయి.

బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి అంశాలు ప్రభావం చూపినట్టు నిపుణులు విశ్లేషిస్తున్నారు.

Also Read:

బ్రూసెల్లోసిస్‌… తస్మాత్ జాగ్రత్త.!

కరోనాపై ఎస్పీ బాలు చివరి పాట.. ఎంత మధురంగా పాడారంటే.!

సెప్టెంబర్ 25.. టాలీవుడ్ ఇండస్ట్రీకి బ్లాక్ డే..