Breaking News
  • హైదరాబాద్‌లో పలుచోట్ల ట్రాఫిక్‌ మళ్లింపు. హైదరాబాద్‌-కర్నూలు హైవేపై వరద ప్రవాహం. శంషాబాద్‌ ఎయిర్‌పోర్ట్‌ వెళ్లే వాహనాలు ఓఆర్‌ఆర్‌ మీదుగా మళ్లింపు. మెహిదీపట్నం నుంచి గచ్చిబౌలి వెళ్లేవారు టోలీచౌకీ ఫ్లైఓవర్ వాడొద్దు. సెవెన్‌ టూంబ్స్‌ మీదుగా వెళ్లాలని ట్రాఫిక్‌ పోలీసుల సూచన. పురానాపూల్‌ 100 ఫీట్‌ రోడ్డు మూసివేత, కార్వాన్‌ మీదుగా మళ్లింపు. ముసారాం బాగ్‌ బ్రిడ్జి దగ్గర స్తంభించిన ట్రాఫిక్. మలక్‌పేట-ఎల్బీనగర్‌ మార్గంలో రాకపోకలకు అంతరాయం.
  • తిరుమల: ముగిసిన షోడశదిన సుందరకాండ దీక్ష. 16 రోజులపాటు అత్యంత దీక్షాశ్రద్ధలతో పారాయణం నిర్వహణ. మహా సంకల్పంతో దీక్ష చేపట్టిన.. అదనపు ఈవో ధర్మారెడ్డిని అభినందిస్తున్నాం. విరాళాలు అందించిన దాతలకు కృతజ్ఞతలు. దేవదేవుని ఆశీస్సులతో కరోనా మహమ్మారి అంతమవుతుందని భావిస్తున్నాం. -టీటీడీ ఈవో జవహర్‌రెడ్డి.
  • హైదరాబాద్‌: మైలార్‌దేవ్‌పల్లి పల్లె చెరువుకు గండి. చెరువు పూర్తిగా నిండడంతో కట్ట తెగి వరద ప్రవాహం. ఏ క్షణమైనా చెరువుకట్ట ధ్వంసమయ్యే అవకాశం. దిగువ ప్రాంత ప్రజలు సురక్షిత ప్రాంతాలకు తరలింపు. ప్రజలు అప్రమత్తంగా ఉండాలని అధికారుల సూచన. ఘటనా స్థలానికి చేరుకున్న రెవెన్యూ, మున్సిపల్‌, ఆర్మీ అధికారులు. అల్‌ జుబేల్‌ కాలనీ, అలీనగర్‌, గాజీ మిలన్‌ కాలనీ, నిమ్రా కాలనీ.. ఉప్పుగూడ, లలితా బాగ్‌లోని లోతట్టు ప్రాంతాలు నీటమునిగే అవకాశం.
  • అమరావతి: భారీ వర్షాలు, వరదలపై సీఎం జగన్‌ సమీక్ష. పాల్గొన్న హోంమంత్రి సుచరిత, మంత్రి బొత్స, సీఎస్‌ నీలం సాహ్ని. కలెక్టర్లు, ప్రభుత్వ యంత్రాంగమంతా అప్రమత్తంగా ఉండాలి. యుద్ధ ప్రాతిపదికన విద్యుత్‌ పునరుద్ధరణ పనులు చేయాలి. రోడ్ల పునరుద్ధరణ కూడా అంతే వేగంగా చేపట్టాలి. వర్షాలతో వచ్చే వ్యాధులపై కూడా దృష్టి పెట్టాలి. పునరావాస శిబిరాల్లో అవసరమైన సాయం అందించాలి. తాగునీటి సరఫరాపై అధికారులు దృష్టి పెట్టాలి-సీఎం జగన్‌.
  • అమరావతి: స్కూళ్లు తెరిచేందుకు ప్లాన్‌ ఆఫ్‌ యాక్షన్‌ సిద్ధం. కేంద్ర మార్గదర్శకాల ప్రకారమే పాఠశాలలు తెరుస్తాం. నవంబర్‌ 2 నుంచి స్కూల్స్ ప్రారంభించే యోచన-మంత్రి ఆదిమూలపు. ట్యూషన్లకు వెళ్లిన పిల్లలకు కరోనా సోకడం దురదృష్టకరం. స్కూల్స్‌లో కచ్చితంగా కరోనా జాగ్రత్తలు పాటించేలా చర్యలు. ఇప్పటికే 70 శాతం నాడు-నేడు పనులు పూర్తయ్యాయి. కరోనా కారణంగా నాడు-నేడు పనుల్లో కొంత జాప్యం. రాష్ట్రంలో ప్రైవేట్‌ స్కూల్స్‌ కూడా అవసరమే-మంత్రి సురేష్‌. అనేక మంది ప్రభుత్వ స్కూల్స్‌లో చేరుతున్నారు. అన్‌లాక్‌-6 కోసం వేచి చూస్తున్నాం-మంత్రి ఆదిమూలపు సురేష్‌.
  • జనగామ దగ్గర రోడ్డు ప్రమాదం. బ్రిడ్జి నిర్మాణం కోసం తీసిన గుంతలో పడ్డ ఆర్టీసీ బస్సు. సురక్షితంగా బయటపడ్డ ప్రయాణికులు.

ఆ గుడిలో భక్తులకు బంగారమే ప్రసాదం.!

మధ్యప్రదేశ్‌లోని రాత్లాం నగరంలో మహాలక్ష్మీ ఆలయానికి ఎక్కడా లేని విశిష్టత ఉంది. ఈ ఆలయంలో మాత్రం భక్తులకు బంగారు, వెండి నాణేలను ప్రసాదంగా ఇస్తారు.

Gold Coins As Prasad In This Temple, ఆ గుడిలో భక్తులకు బంగారమే ప్రసాదం.!

Gold Coins As Prasad In This Temple: మధ్యప్రదేశ్‌లోని రాత్లాం నగరంలో మహాలక్ష్మీ ఆలయానికి ఎక్కడా లేని విశిష్టత ఉంది. సాధారణంగా అన్ని దేవాలయాల్లో భక్తులకు ప్రసాదంగా ఆహార పొట్లాలు, లేదా పానీయం ఇస్తుంటారు. అయితే ఈ ఆలయంలో మాత్రం భక్తులకు బంగారు, వెండి నాణేలను ప్రసాదంగా ఇస్తారు. కొన్ని దశాబ్దాల కిందట మొదలైన ఈ సంప్రదాయం ఇప్పటికీ కొనసాగుతోంది. దీపావళీ రోజుల్లో ఈ ఆలయం అత్యంత రద్దీగా భక్తజనంతో నిండిపోతుంది.

ఆ రోజున ఆలయం తలుపులు 24 గంటలు తెరుచుకుని ఉంటాయి. ప్రతీ ఏటా దీపావళీ రోజుల్లో ఈ ఆలయానికి వచ్చే భక్తులు అమ్మవారికి వెండి, బంగారు ఆభరణాలు, డబ్బును కానుకలుగా సమర్పిస్తుంటారు. దాదాపు సంవత్సరానికి రూ. 100 కోట్ల విలువైన కానుకలు వస్తాయని అంచనా. ఆ సమయంలో భక్తులకు మహాలక్ష్మీ అమ్మవారు డబ్బూ, బంగారం మధ్య దర్శనమిస్తుంది.

దీపావళీకి ముందు అక్కడ ధన త్రయోదశి ఉత్సవాలు ఐదు రోజుల పాటు నిర్వహిస్తారు. అప్పుడే భక్తులకు బంగారు నాణేలను ప్రసాదంగా ఇస్తారు. వాటిని భక్తులు అమ్మడం, తాకట్టు పెట్టడం లాంటివి చేయరు. వారు ఆ నాణేలను పూజ గదిలో పెట్టి పూజించడం, లేదా బ్యాంక్ లాకర్‌లో భద్రపరుచుకోవడం వంటివి చేస్తారు. అలా చేస్తే తమ ఇంట్లో మహాలక్ష్మీ కొలువు తీరుతుందని వారి నమ్మకం. అంతేకాదు ఆలయాన్ని దర్శించుకున్న ఏ భక్తుడూ కూడా ఖాళీ చేతులతో తిరిగి వెళ్లరని అంటుంటారు.

Also Read: ఆ పాత రూపాయి నాణెంతో.. రూ. 25 లక్షలు మీ సొంతమవుతాయట!

Related Tags