Breaking News
  • మహబూబ్‌నగర్‌లో టెండర్‌ ఓటు నమోదు. 41వ వార్డులో 198వ పోలింగ్‌ కేంద్రంలో టెండర్‌ ఓటు నమోదు. ఘటనపై జిల్లా ఎన్నికల అధికారుల ఆగ్రహం. ఐదుగురు ఉద్యోగులను సస్పెండ్‌ చేస్తూ ఉత్తర్వులు. రీపోలింగ్‌ నిర్వహించాలని జిల్లా ఎన్నికల అధికారి ఆదేశం.
  • ల్యాండ్‌ పూలింగ్‌ సమయంలో చంద్రబాబు అనుచరులు భూములు కొన్నారు. మా దగ్గర ఆధారాలు ఉన్నాయి-అంబటి. చట్టప్రకారం వాళ్లమీద యాక్షన్‌ తీసుకుంటాం-అంబటి. లోకేష్‌, చంద్రబాబు తాబేదారులు భూములు కొన్నారు-అంబటి.
  • కడప: ప్రొద్దుటూరులో ముగ్గురు క్రికెట్‌ బుకీల అరెస్ట్‌. రూ.2,68 లక్షలు స్వాధీనం.
  • ఏపీ హైకోర్టులో ఉత్కంఠ. సీఆర్‌డీఏ రద్దు, రాజధాని తరలింపు పిటిషన్ల కీలక విచారణ. వాదోపవాదాలు తెలుసుకోవటం కోసం వచ్చిన.. వైసీపీ ఎంపీ విజయసాయిరెడ్డి, టీడీపీ ఎంపీ కేశినేని నాని. ప్రభుత్వం తరపున వాదనలు వినిపించనున్న.. మాజీ అటార్నీ జనరల్‌ ముకుల్‌ రోహిత్గి.
  • ఎవరైనా చట్టాలకు లోబడే పనిచేయాలి. మండలిలో జరిగేది ప్రజలకు తెలియకూడదనే ప్రసారాలు నిలిపేశారు. మండలిలో ఏ పార్టీ అధికారంలో ఉన్నా చట్టం ప్రకారమే నడవాలి. మండలి చైర్మన్‌కు అధికార పార్టీ నేతలు నరకం చూపించారు. బిల్లును హడావుడిగా ఆమోదించుకోవాలని ఎందుకు ప్రయత్నిస్తున్నారు. బెయిల్‌పై ఉన్న విజయసాయిరెడ్డికి కౌన్సిల్‌లో ఏం పని. -ఎమ్మెల్సీలు అశోక్‌బాబు, దీపక్‌, బచ్చులఅర్జునుడు, సత్యనారాయణరాజు.

సోదరుల బాటలోనే గంగరాజు.. అందుకేనా జెండాల తొలగింపు?

gokaraju family joined ycp, సోదరుల బాటలోనే గంగరాజు.. అందుకేనా జెండాల తొలగింపు?

బీజేపీలో కొనసాగాలనుకుంటున్న మాజీ ఎంపీ గోకరాజు గంగరాజు కుటుంబంలో ఒంటరిగా మారారా? లేక తమ్ముళ్ళ బాటలోనే వెళుతున్నారా? శనివారం ఉదయం సంభవించిన పరిణామాలు చూసిన ఆయన అనుచరులు, వారి కుటుంబ సహచరులు ఈ సందేహాలను వ్యక్తం చేస్తున్నారు.

బీజేపీలో చిరకాలంగా కొనసాగుతున్న గోకరాజు గంగరాజు.. కుటుంబం మొత్తం ఆయన బాటలోనే భారతీయ జనతాపార్టీలో కొనసాగింది. రోజులన్నీ ఒకేలా వుండవన్నట్లుగా.. తాజా పరిణామాల్లో గోకరాజు గంగరాజు ఫ్యామిలీ మొత్తం బిజెపి నుంచి వైసీపీకి మారిపోయింది. ఒక్క గంగరాజు ఒక్కరే బిజెపిలో వుండిపోయారు. సరే.. ఒకే కుటుంబంలోని వ్యక్తులు వేరు వేరు పార్టీల్లో కొనసాగడం తెలుగు రాష్ట్రాల్లో కొత్తేమీ కాదని అందరు సరిపెట్టుకున్నారు. కానీ ఆ మర్నాడే అసలు కథ మొదలైంది.

బీజేపీతో ఉన్న అనుబంధం కారణంగా ఆపార్టీలోనే వుండిపోవాలని గంగరాజు అనుకుంటే మిగిలిన వారు అంటే గంగరాజు సోదరులిద్దరు, ఆయన తనయుడు వైసీపీ అధినేత వైఎస్ జగన్ సమక్షంలో వైసీపీ కండువా కప్పుకున్నారు. దీని ప్రభావం గంగరాజు ఇంటిపైనా పడింది. శనివారం ఉదయాన్నే గోకరాజు గంగరాజు ఇంటివైపు చూసిన ఆ ప్రాంత ప్రజలు ఉలిక్కి పడ్డారు. ఇంటిపైనా, చుట్టు పక్కల వుండాల్సిన బీజేపీ జెండాలు రాత్రికి రాత్రే మాయమయ్యాయి. కుటుంబంలో అందరూ వైసీపీలో చేరడంతో బీజేపీ జెండాలను తొలగించేశారు.

అయితే, ఇంటి పెద్ద బీజేపీలోనే వున్నా కూడా బీజేపీ జెండాలను ఒక్కటీ వుంచకపోవడం చర్చనీయాంశమైంది. దాంతో గంగరాజు కూడా త్వరలో వైసీపీలోకి మారిపోవడం కన్‌ఫర్మ్ అని, దానికి సంకేతంగానే ఇంటి మీద మొత్తం జెండాలను తొలగించి, వైసీపీవి ఏర్పాటు చేసుకుంటున్నారని అనుకుంటున్నారు.