Breaking News
  • భారత్ లో వేగంగా పెరుగుతున్న కరోనా కేసులు, మరణాలు. గడిచిన 24 గంటల్లో కొత్తగా 22,252 కేసులు, 467 మంది మృతి. దేశవ్యాప్తంగా7,19,665 కేసులు,19,693 మంది మృతి. దేశ వ్యాప్తంగా 2,59,557 యాక్టీవ్ కేసులు4,39,948 మంది డిశ్చార్జ్. కేంద్ర ఆరోగ్య మంత్రిత్వ శాఖ.
  • విశాఖలో కిడ్నాప్ కలకలం. ఫైనాన్షియర్ జామి సంతోష్ కుమార్ ను ఎత్తుకెళ్ళిన దుండగులు. తన భర్తను కిడ్నాప్ చేశారంటూ పోలీసులకు సమాచారమందించిన సంతోష్ భార్య . కిడ్నాపర్ల నుంచి తప్పించుకుని వచ్చానని పోలీసుల చెంతకు చేరిన సంతోష్. డబ్బులకోసం తనను చంపేస్తానని కిడ్నాప్ చేసినట్టు పోళిసులకు సంతోష్ వాంగ్మూలం. ఫోర్త్ టౌన్ పీఎస్ లో కేసు నమోదు . సంతోష్ ఇచ్చిన సమాచారంతో రంగంలోకి ప్రత్యేక బృందాలు. యలమంచిలి వైపు నిందితులు వెళ్ళినట్టు పోళిసుల అనుమానం.. గాలిస్తున్న పోలీసులు.
  • పాత సచివాలయం కూల్చివేత కు హైకోర్టు గ్రీన్ సిగ్నల్ ఇవ్వడంతో కూల్చివేత ను ప్రారంభించిన ప్రభుత్వం. నిన్న అర్ధరాత్రి నుంచి పాత సచివాలయం లోని భవనాలను కూల్చివేస్తున్న అధికారులు. సచివాలయం చుట్టూ భారీగా మోహరించిన పోలీసులు. పాత సచివాలయానికి వెళ్లే రోడ్లున్నీ మూసివేసిన పోలీసులు. పాత సచివాలయం కిలోమీటర్ వరకు మోహరించిన పోలీసులు. ఇప్పటికే సచివాలయంలోని మధ్య లో ఉన్న కొన్ని భవనాలను నేలమట్టం చేసిన అధికారులు.
  • రెపటినుండి నిమ్స్ లో ప్రారంభం కానున్న క్లినికల్ ట్రైల్స్. ఏర్పాట్లను పూర్తి చేసిన నిమ్స్ యాజమాన్యం. ఎథిక్స్ కమిటీ అద్వర్యం లో జరగనున్న క్లినికల్ ట్రైల్స్.
  • విశాఖ: సాయినార్ లైఫ్ సైన్సెస్ ప్రమాద ఘటనపై నివేదిక సమర్పించిన విచారణ కమిటీ. సాయినార్ ప్లాంట్ లో తప్పిదాలను, లోపాలను ఎత్తి చూపిన కమిటీ.  రెస్క్యూ ఆపరేషన్ నిర్వహణలో కార్మికులకు మాస్కులు కూడా అందుబాటులో ఉంచని యాజమాన్యం. కంపెనీలో తయారుచేస్తున్న ప్రమాదకర రసాయినాలకు సంబంధించి HARA, HAZOP రిపోర్ట్ లను స౦బ౦దిత శాఖధికారులకు అ౦దజేయలేదు. కెమికల్స్ తో సంభవించే ప్రమాదాలపై కార్మికులకు అవగాహన కల్పించలేదని తేల్చిన కమిటీ. స్టోరీజీ నిల్వలపై నిర్దేశించిన ప్రమాణాలు పాటించలేదని నిర్ధారించిన కమిటీ.
  • ప.గో.జిల్లా: కొవ్వూరులో వివాహితను వేధిస్తున్న కుటుంబ సభ్యులపై కేసు నమోదు. తనను అదనపు కట్నం కోసం శారీరకంగా, మానసికంగా కుటుంబ సభ్యులు వేధిస్తున్నారని వివాహిత ఇచ్చిన ఫిర్యాదు మేరకు పట్టణ పోలీసులు కేసు నమోదు. మండలంలోని దొమ్మేరు సావరం గ్రామానికి చెందిన మహిళకు 2017 లో అదే గ్రామానికి చెందిన వ్యక్తితో వివాహ0. మహిళ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపిన పోలీసులు.

పెరుగుతున్న గోదావరి ఉధృతి.. మొదటి ప్రమాద హెచ్చరిక జారీ

Godavari river water level increased at Bhadrachalam, పెరుగుతున్న గోదావరి ఉధృతి.. మొదటి ప్రమాద హెచ్చరిక జారీ

గోదావరి నది వరద నీటితో పొంగుతోంది. భద్రాచలం వద్ద వరదనీరు ఉధృతంగా ప్రవహిస్తోంది. ప్రస్తుతం 46.7 అడుగులకు చేరింది. పెరుగుతున్న ప్రవాహంతో గోదావరి పరిసర ప్రాంతాల్లో మొదటి ప్రమాద హెచ్చరిక జారీ చేశారు. అదేవిధంగా రాజమహేంద్రవరం వద్ద కూడా గోదావరి నది పొంగి ప్రవహిస్తోంది. దవళేశ్వరం కాటన్ బ్యారేజీ వద్ద నీటిమట్టం 11.8 అడుగులకు చేరింది. అక్కడకూడ ప్రమాద హెచ్చరిక జారీ చేశారు.

వరద ప్రవాహం పెరగడంతో దేవీపట్నం మండలంలో వాగుల్లోకి, రహదారులపైకి నీరు వచ్చి చేరింది. దీంతో పలు ప్రాంతాలకు రాకపోకలకు అంతరాయం ఏర్పడింది. గోదావరి ఒడ్డున ఉన్న 36 గ్రామాలకు బాహ్యప్రపంచంతో సంబంధాలు తెగిపోయాయి. పూడిపల్లి వద్ద వరదనీరు ఇళ్లలోకి చేరడంతో గ్రామస్థులు ప్రాణాలను అరచేతిలో పెట్టుకుని ఎత్తయిన ప్రదేశానికి చేరుకుంటున్నారు. మరోవైపు గండిపోశమ్మ ఆవరణలోకి నీరు చేరడంతో ఆలయాన్ని మూసివేశారు. ఎగువన కురుస్తున్న భారీ వర్షాలకు గోదావరిలో వరద పెరగడంతో పరిసర ప్రాంతాల ప్రజలకు మళ్లీ కునుకు కరవైంది. పెరగతున్న వరద ఉధృతి నుంచి ప్రజలను కాపాడేందుకు సహయక చర్యల్ని ముమ్మరం చేశారు. ఇప్పటికే లోతట్ట ప్రాంతాల ప్రజలకు సురక్షిత ప్రాంతాలకు తరలించారు. ఎప్పటికప్పుడు అధికారులు వరదలపై సమీక్ష చేస్తూ పరిస్థితిని పర్యవేక్షిస్తున్నారు.

Related Tags