Breaking News
  • సచివాలయంలోని పశుసంవర్ధక శాఖ లో పనిచేస్తున్న సెక్షన్ అఫిసర్ కు కరోనా పాజిటివ్ గుర్తింపు.. ఇటీవల ఢిల్లీ వెళ్లాడని తెలిసి కరోనా టెస్టులు... టెస్టు చేసిన అనంతరం పాజిటివ్ గా వచ్చినట్లు గుర్తింపు.. గాంధీ ఆస్పత్రి కి తరలించిన అధికారులు.. బిఆర్కే భవనం మొత్తం షానిటైజేషన్ చేస్తున్న అధికారులు.
  • మర్కజ్ ఘటనపై వివరాలు సేకరించిన కేంద్ర హోంశాఖ. దేశంలోని వివిధ రాష్ట్రాలు, విదేశాల నుంచి తబ్లీజ్ జమాత్ కార్యక్రమంలో పాల్గొన్నారు. ఇండోనేషియా, మలేషియా, థాయ్ లాండ్, నేపాల్, మయన్మార్, బంగ్లాదేశ్, శ్రీలంక, కజకిస్తాన్ నుంచి ఈ కార్యక్రమంలో పలువురు పాల్గొన్నారు.
  • దేశవ్యాప్తంగా మొత్తం 1418 కరోనా పాజిటివ్‌ కేసులు నమోదు. ఈ రోజే 167 పాజిటివ్ కేసులు నమోదు. దేశ వ్యాప్తంగా కరోనా తో 45 మంది మృతి. ఈ ఒక్క రోజే 13 మంది కరోనా తో మృతి చెందినట్లు వెల్లడి. కరోనా నుంచి 123 మంది డిశ్చార్జి. కేంద్ర ఆరోగ్యశాఖ మంత్రిత్వ శాఖ.
  • ఉక్రెయిన్​లో చిక్కుకున్న 300 మంది తెలుగు విద్యార్థులు. తిండి లేక ఆకలితోనే గడుపుతున్న విద్యార్థులు. చేతిలో చిల్లి గవ్వ లేక ఎన్నో ఇబ్బందులు. కరోనా రక్కసి మింగేస్తుందేమోననే భయంతో బిక్కుబిక్కుమంటున్న విద్యార్థులు.
  • తెలంగాణ లో ఇప్పటి వరకు 97 కేసులు నమోదు. ప్రస్తుతం 77 మంది వివిధ హాస్పిటల్ లో చికిత్స పొందుతున్న బాధితులు. ఈ ఒక్క రోజు 15 పాజిటివ్ కేసులు నమోదు. 14 మంది డిశ్చార్జ్,6 మృతి...

పుస్తెలమ్మినా..పులస దొరకనంటోంది..!

Godavari Very Costly Fish Pulasa, పుస్తెలమ్మినా..పులస దొరకనంటోంది..!

ఆంధ్ర మాత-గోంగూర, బందర్‌ – లడ్డు, కాకినాడ – కాజ, హైదరాబాద్‌ – బిర్యానీ ఇలా స్వీటు, హాటు ఫుడ్డుకు ఒక్కో ప్రాంతం ప్రసిద్ది. ఇక చేపల్లో మహారాణి ఎవరంటే మాత్రం ఖచ్చితంగా అందరూ “పులస’ కే జై కొడతారు. అయితే, ఈ పులస ఎక్కడ పడితే అక్కడ దొరకదు.. కేవలం ఉభయగోదావరి జిల్లాల్లోని గోదావరి నది పాయల్లోనే దొరుకుతుంది. చేప దొరికిందా..దాన్ని దక్కించుకోవటానికి యానం నుంచి ఆంధ్రా వరకు యావత్‌ మత్స్యప్రియులు అల్లాడి పోతుంటారు. పుస్తెలు అమ్మి అయినా ..పులస తినాలనే నానుడి ఏర్పడిందంటే.. ఆ చేప ప్రత్యేకత ఎంత అనేది మనం అంచనా వేయవచ్చు. ఇక ఈ సారి సీజన్‌లో పుస్తెలమ్మీనా పులస దొరికేలా లేదంటున్నారు మత్స్యప్రియులు.

కేవలం ఆగస్టు, సెప్టెంబర్‌ మాసాల్లో మాత్రమే, అది గోదావరి నదిలో మాత్రమే దొరికే అరుదైన చేప పులస. గోదావరి వరద నీరు బంగాళాఖాతంలోకి పారుతున్నవేళ ఎర్రటి వరద నీటిలో గుడ్లు పెట్టడానికి ఈ పులస చేపలు ఈదుతూ ఎదురు వస్తుంటాయి. గోదావరి వరద నీటిలో సంతానోత్పత్తికి, గుడ్లు పొదగడానికి వచ్చి వలలో పడతాయి. వలలో పడిన వెంటనే చనిపోవడం, రెండు రోజులైనా పాడవకుండా ఉండడం కూడా పులసల విశిష్టత. గోదావరి తీపి నీటిలోకి వచ్చే సరికి ఈ చేప రంగు, రుచీ మారి పులసగా మారుతోంది. అలా కేవలం ఈ సీజన్‌లో మాత్రమే..అది కూడా గోదావరి నది బంగాళాఖాతంలో కలిసే ప్రాంతం నుంచి ధవళేశ్వరం బ్యారేజ్‌ మధ్యలోనే ఇవి దొరుకుతాయి.

అయితే, ఇప్పుడు గోదావరి వాసులకు సైతం పులస అరుదైన చేపగా కనిపిస్తుంది. కేజీ బేసీన్‌లో చమురు, సహజవాయువు నిక్షేపాల కోసం జరుగుతున్న డ్రిల్లింగ్, బ్లాస్టింగ్‌ వంటి కారణాల వల్ల వీటి రాక తగ్గుంతుందని చెబుతున్నారు. అడవులు తగ్గిపోయి, లంక భూములు కోతకు గురికావడంతో పులసలు పునరుత్పత్తి చేయలేకపోతున్నాయి. మరోవైపు కోటిపల్లి- యానంకు సంబంధించి రైల్వే పనుల కారణంగా క్రాస్‌ బండ్‌ వేయటంతో బొబ్బర్లంక ప్రాంతాలకు పులసలు దొరకని పరిస్థితి..దీంతో ప్రస్తుతం కేజీ పులస రూ. 15 వేలు దాటి అమ్ముడవటానికి కారణం అంటున్నారు ఇరిగేషన్‌ శాఖ అధికారులు. బంగ్లాదేశ్‌లో పద్మానది, బెంగాల్‌లో హుగ్లీ, ఎపీలోని గోదావరి ఈ మూడు ప్రాంతాల్లో మాత్రమే పులస చేపలు దొరుకుతాయి. మిగిలిన ప్రాంతాల్లో హిల్సా , ఇలస పేర్లతో పిలవబడే ఈ చేపలు ఏపీలో పులసగా పేరొందాయి.

Related Tags