Breaking News
  • మహబూబ్‌నగర్‌లో టెండర్‌ ఓటు నమోదు. 41వ వార్డులో 198వ పోలింగ్‌ కేంద్రంలో టెండర్‌ ఓటు నమోదు. ఘటనపై జిల్లా ఎన్నికల అధికారుల ఆగ్రహం. ఐదుగురు ఉద్యోగులను సస్పెండ్‌ చేస్తూ ఉత్తర్వులు. రీపోలింగ్‌ నిర్వహించాలని జిల్లా ఎన్నికల అధికారి ఆదేశం.
  • ల్యాండ్‌ పూలింగ్‌ సమయంలో చంద్రబాబు అనుచరులు భూములు కొన్నారు. మా దగ్గర ఆధారాలు ఉన్నాయి-అంబటి. చట్టప్రకారం వాళ్లమీద యాక్షన్‌ తీసుకుంటాం-అంబటి. లోకేష్‌, చంద్రబాబు తాబేదారులు భూములు కొన్నారు-అంబటి.
  • కడప: ప్రొద్దుటూరులో ముగ్గురు క్రికెట్‌ బుకీల అరెస్ట్‌. రూ.2,68 లక్షలు స్వాధీనం.
  • ఏపీ హైకోర్టులో ఉత్కంఠ. సీఆర్‌డీఏ రద్దు, రాజధాని తరలింపు పిటిషన్ల కీలక విచారణ. వాదోపవాదాలు తెలుసుకోవటం కోసం వచ్చిన.. వైసీపీ ఎంపీ విజయసాయిరెడ్డి, టీడీపీ ఎంపీ కేశినేని నాని. ప్రభుత్వం తరపున వాదనలు వినిపించనున్న.. మాజీ అటార్నీ జనరల్‌ ముకుల్‌ రోహిత్గి.
  • ఎవరైనా చట్టాలకు లోబడే పనిచేయాలి. మండలిలో జరిగేది ప్రజలకు తెలియకూడదనే ప్రసారాలు నిలిపేశారు. మండలిలో ఏ పార్టీ అధికారంలో ఉన్నా చట్టం ప్రకారమే నడవాలి. మండలి చైర్మన్‌కు అధికార పార్టీ నేతలు నరకం చూపించారు. బిల్లును హడావుడిగా ఆమోదించుకోవాలని ఎందుకు ప్రయత్నిస్తున్నారు. బెయిల్‌పై ఉన్న విజయసాయిరెడ్డికి కౌన్సిల్‌లో ఏం పని. -ఎమ్మెల్సీలు అశోక్‌బాబు, దీపక్‌, బచ్చులఅర్జునుడు, సత్యనారాయణరాజు.

కరువు జిల్లాను ఆదుకుంటున్న మేక పాలు..

Goat Milk is Primary Income of people, కరువు జిల్లాను ఆదుకుంటున్న మేక పాలు..

మేక పాలు, గొర్రె పాలను తాగాలంటే చాలా మంది విముఖత చూపుతారు. ఎందుకంటే, వాటిలో అదో రకమైన వాసన వస్తుంది. పైగా అవి తొందరగా అరగవు అని కూడా అంటుంటారు. దీంతో వాటి పాల అమ్మకాలు గానీ, కొనుగోలు గానీ పెద్దగా పట్టించుకోరు. కానీ, అత్యంత కరువు పరిస్థితులను ఎదుర్కొంటున్న మహారాష్ట్రలోని ఉస్మానాబాద్‌ జిల్లా వాసులకు మాత్రం మేక పాలే జీవనాధారంగా మారాయి. ఇప్పుడు అక్కడి ప్రజలను ఆర్థికంగా ఆదుకుంటోంది ఓ రకం జాతి మేక పాలు. ఉస్మానాబాద్‌ జిల్లా రైతులకు ఇప్పుడు ఉస్మానాబాదీ మేక ఆదాయ వనరుగా మారింది. ఈ ప్రాంతంలోని దాదాపు 250 కుటుంబాలు మేక పాలతోనే జీవనోపాధి పొందుతున్నారు. ఉస్మానాబాదీ మేక పాలతో వారు సబ్బులను తయారు చేస్తున్నారు. స్థానిక స్వచ్ఛంద సంస్థ సహాయంతో ఈ జిల్లాలోని 25 గ్రామాలకు చెందిన రైతు కుటుంబాలు సబ్బుల తయారీపై ఆధారపడి జీవిస్తున్నాయి. విటమిన్‌ ఏ, ఈ, సెలీనియం, ఆల్ఫా హైడ్రాక్సీ ఆమ్లాలు పుష్కలంగా ఉన్న ఈ మేక పాలు..చర్మ వ్యాధులను నయం చేస్తాయని శివార్‌ అనే స్వచ్ఛంద సంస్థ సీఈవో వినాయక్‌ హెగనా తెలిపారు. ఒక లీటరు ఉస్మానాబాదీ మేక పాలకు తాము రూ. 300 చెల్లిస్తున్నట్లుగా తెలిపారు. ఇక సబ్బుల తయారీలో పనిచేస్తున్నందుకుగానూ, ప్రతిరోజు  రైతులు కూడా రూ. 150లు సంపాదిస్తారని ఆయన వివరించారు. 1400 మేకల ద్వారా కనీసం 250 కుటుంబాలు ఈ వ్యాపారాన్ని చేస్తున్నట్లుగా సంస్థ సీఈవో వెల్లడించారు.