యజమాని మాస్క్ పెట్టుకోలేదని.. మేక అరెస్ట్!
యజమాని మాస్క్ పెట్టుకోలేదని.. మేకను అరెస్ట్ చేసిన వింత ఘటన ఉత్తర ప్రదేశ్ కాన్పూర్లోని బెకన్గంజ్లో జరిగింది. వివరాల్లోకి వెళ్తే.. ఓ వ్యక్తి మాస్క్ లేకుండా రోడ్డుపై తిరుగుతూండటంతో పోలీసులు అతన్ని ప్రశ్నించారు. దీంతో.. అక్కడి నుంచి మేక యజమాని పారిపోయాడు. ఈ తొందరలో మేకను అక్కడే వదిలివెళ్లడంతో..
యజమాని మాస్క్ పెట్టుకోలేదని.. మేకను అరెస్ట్ చేసిన వింత ఘటన ఉత్తర ప్రదేశ్ కాన్పూర్లోని బెకన్గంజ్లో జరిగింది. వివరాల్లోకి వెళ్తే.. ఓ వ్యక్తి మాస్క్ లేకుండా రోడ్డుపై తిరుగుతూండటంతో పోలీసులు అతన్ని ప్రశ్నించారు. దీంతో.. అక్కడి నుంచి మేక యజమాని పారిపోయాడు. ఈ తొందరలో మేకను అక్కడే వదిలివెళ్లడంతో పోలీసులు దాన్ని స్టేషన్కు తరలించారు. కాసేపు ఆగి ఆ తర్వాత వచ్చి చూస్తే.. మేక కనిపించ లేదు. అక్కడున్న స్థానికులను అడగ్గా.. పోలీసులు అరెస్ట్ చేసి తీసుకెళ్లారని చెప్పడంతో యజమాని షాక్కి తిన్నాడు. వెంటనే స్టేషన్కి వెళ్లి.. ఇంకెప్పుడూ నిబంధనలు అతిక్రమించనని చెప్పడంతో.. కనికరించిన పోలీసులు మేకను విడిచిపెట్టారు. మాస్క్ లేకుండా ఇంకెప్పుడూ బయట కనిపించకూడదని హెచ్చరించారు పోలీసులు. కాగా ఈ వార్త కాస్తా ఆ నోటా ఈ నోటా పాకి.. సోషల్ మీడియాలో బాగా వైరల్ అవుతోంది. మేకను ఎవరైనా అరెస్ట్ చేస్తారా? అని పోలీసులకు ప్రశ్నలు హోరెత్తుతున్నాయి. అయితే పోలీసులు మాత్రం తాము చేసిన చర్యలను సమర్థించుకుంటున్నారు. కుక్కలే మాస్కులు ధరించినప్పుడు.. మేకలు ఎందుకు మాస్క్ ధరించకూడదని పేర్కొంటున్నారు బెకన్గంజ్ పోలీసులు.
Read More: