Breaking News
  • స్పీకర్‌ తీరు ప్రజాస్వామ్యాన్ని ఖూనీ చేసే విధంగా ఉంది. సభలో స్పీకర్‌ తీసుకునే నిర్ణయాలు సీఎం తీసుకుంటున్నారు. స్పీకర్‌ సస్పెండ్‌ చేయకుండానే మార్షల్స్‌ బయటకు ఎలా తీసుకెళ్తారు. -మీడియా పాయింట్‌లో చినరాజప్ప. సీఎం కూడా రౌడీలా వ్యవహరిస్తున్నారు-చినరాజప్ప. సీఎం ఆదేశాలతోనే మార్షల్స్‌ నన్ను బయటకు తీసుకొచ్చారు. సస్పెండ్‌ చేయకుండా నన్ను బయటకు తీసుకురావడం.. సభా నిబంధనలకు విరుద్ధం-మీడియా పాయింట్‌లో చినరాజప్ప.
  • ప్రకాశం: ఒంగోలులో అపస్మారకస్థితిలో పడిఉన్న మహిళ. ఘటనా స్థలంలో మహిళ లోదుస్తులు, కండోమ్స్‌ గుర్తింపు. మహిళపై అత్యాచారం జరిగినట్టు అనుమానం. పోలీసుల సహకారంతో మహిళను ఆస్పత్రికి తరలింపు. మహిళ నోట్లో బియ్యం కుక్కి హత్యచేసేందుకు దుండగుల యత్నం. మహిళ ఊపిరితిత్తుల్లో బియ్యం గింజలు గుర్తించిన వైద్యులు. మహిళ పరిస్థితి విషమం.
  • శాసన మండలిలో వికేంద్రీకరణ, సీఆర్డీఏ రద్దు బిల్లులపై చర్చ. 3 గంటలపాటు చర్చకు అనుమతించిన డిప్యూటీ చైర్మన్‌. పార్టీల వారీగా సమయం కేటాయించిన డిప్యూటీ చైర్మన్‌. టీడీపీకి 84 నిమిషాలు, వైసీపీకి 27 నిమిషాలు.. పీడీఎఫ్‌ 15 నిమిషాలు, బీజేపీకి 6 నిమిషాల సమయం కేటాయింపు.
  • శంషాబాద్‌ ఎయిర్‌పోర్ట్‌ నుంచి ఢిల్లీకి బయల్దేరిన పవన్‌కల్యాణ్‌. పవన్‌కల్యాణ్‌ వెంట నాదెండ్ల మనోహర్‌. రేపు మధ్యాహ్నం వరకు ఢిల్లీలో ఉండనున్న పవన్‌కల్యాణ్‌. పలువురు బీజేపీ పెద్దలను కలవనున్న పవన్‌కల్యాణ్.
  • తెలంగాణ భవన్‌ నుంచి ఎన్నికల సరళీని సమీక్షిస్తున్న మంత్రి తలసాని. నగర మేయర్‌ బొంతు రామ్మోహన్‌, జిల్లాల కోఆర్డినేటర్లు.

బ్యాంకు సిబ్బంది నిర్వాకం… పోలీసులు ఫైర్!  

Glaring security lapse as employees forget to lock bank after work in Muzaffarnagar, బ్యాంకు సిబ్బంది నిర్వాకం… పోలీసులు ఫైర్!  

యూపీలోని ముజఫర్‌నగర్ పట్టణంలో బ్యాంకు నిర్వాకం బయటపడింది. విధులు ముగించుకున్న సిబ్బంది బ్యాంకుకు తాళం వేయకుండానే ఇంటికి వెళ్లిపోయారు. విషయాన్ని గ్రహించిన స్థానికులు పోలీసులకు సమాచారం ఇవ్వడంతో విషయం వెలుగులోకి వచ్చింది.

ప్రభుత్వ రంగ బ్యాంక్ అయిన యునైటెడ్ బ్యాంక్ ఆఫ్ ఇండియా ముజఫర్‌నగర్ బ్యాంచ్ సిబ్బంది అంతా మంగళవారం విధులకు హాజరయ్యారు. సాయంత్రం వేళ ఇంటికెళ్లే హడావుడిలో బ్యాంకుకు తాళం వేయకుండా వెళ్లిపోయారు. రాత్రి 10 గంటల సమయంలో అటుగా వెళ్లున్న కొందరు స్థానికులకు అనుమానం వచ్చి చూడగా బ్యాంకులో సిబ్బంది ఎవరూ లేరు. దీంతో వారు పోలీసులకు సమాచారం ఇచ్చారు. వెంటనే అక్కడికి చేరుకున్న పోలీసులు బ్యాంక్ మేనేజర్‌కు ఫోన్ చేసి రప్పించారు. కొద్దిసేపటికే బ్యాంక్ మేనేజర్, సిబ్బంది అక్కడికి చేరుకుని తాము చేసిన పొరపాటును గమనించారు. ఇంటికెళ్లే హడావుడిలో తాళం వేయడం మరిచిపోయామని సిబ్బంది చెప్పడంతో పోలీసులు ఆగ్రహం వ్యక్తం చేశారు. ఎవరైనా బ్యాంకులోకి చొరబడి దోచుకుపోతే పరిస్థితి ఏంటని నిలదీశారు.

ఇది పూర్తిగా బ్యాంకు సిబ్బంది నిర్లక్ష్యమేనని నిర్ధారణకు వచ్చిన పోలీసులు లిఖిలపూర్వక వివరణ ఇవ్వాలని మేనేజర్‌ను కోరారు. దీంతో బ్యాంక్ మేనేజర్ తమ పొరపాటుతో బ్యాంక్ మంగళవారం రాత్రి 7.30-10.00 గంటల మధ్య అనధికారికంగా తెరిచి ఉందని రాసిచ్చారు. బ్యాంక్‌ను సందర్శించిన ముజఫర్‌నగర్ ఎస్పీ సప్తాల్ యాంటిల్ మీడియాతో మాట్లాడుతూ.. ఇది పూర్తిగా బ్యాంక్ సిబ్బంది నిర్లక్ష్యమేనన్నారు. దీనిపై విచారణ చేస్తున్నామని, బ్యాంక్ ఉన్నతాధికారులకు సమాచారం ఇచ్చామని తెలిపారు. బ్యాంకులో నగదు గానీ, వస్తువులు గానీ చోరీకి గురికాలేదన్నారు. ఈ విషయంలో స్పందించి తమకు సమాచారమిచ్చిన స్థానికులను ఆయన అభినందించారు.