Breaking News
  • విజయవాడ: ఎపీఎస్ ఆర్టీసీలో కరోనా కలవరం. ఇప్పటి వరకు కరోనా బారిన పడ్డ 4500 మంది ఆర్టీసీ సిబ్బంది. కరోనా కారణంగా 72 మంది మరణించినట్లు తెలిపిన ఆర్టీసీ. కరోనా తో మృతి చెందిన కుటుంబాలకు 5లక్షల పరిహారం ఇవ్వాలని ఆర్టీసీ నిర్ణయం. కార్మికుల ఒక రోజు వేతనాన్ని జమ చేసి మృతులకుటుంబాలకు పరిహారం ఇవ్వాలని నిర్ణయం. త్వరలో రవాణాశాఖ మంత్రి చేతుల మీదుగా చెక్కుల పంపిణీ చేస్తాం. ఆర్టీసీ ఎండీ కృష్ణబాబు.
  • ఎస్పీ బాలసుబ్రహ్మణ్యంకు పెరుగుతున్న భారతరత్న డిమాండ్లు. రాష్ట్రపతి, ప్రధానికి లేఖ రాసిన నటి, మాజీ ఎంపీ జయప్రద. భారతరత్న బాలుకి ఇచ్చే ఘనమైన నివాళి అని పేర్కొన్న జయప్రద. సినీ సంగీతానికి, భారత చలనచిత్ర పరిశ్రమకు బాలు ఎనలేని సేవలు చేశారని లేఖలో పేర్కొన్న జయప్రద.
  • నిజామాబాద్ ఎమ్మెల్సీ ఉపఎన్నికలలో భారీ మెజారిటీయే లక్ష్యం... టీఆర్ఎస్ నేతల పకడ్బందీ వ్యూహం. జిల్లా ఎమ్మెల్యేలు, ఎమ్మెల్సీ లతో మంత్రి ప్రశాంత్ రెడ్డి వరుస సమావేశాలు..నియోజకవర్గాల వారీగా నేతలకు భాద్యతలు. మాజీ ఎంపీ కవిత అభ్యర్థిత్వానికి ‌మద్దతుగా, టీఆర్ఎస్ వైపు నిలుస్తున్న కాంగ్రెస్, బీజేపీ ల స్థానిక ప్రజాప్రతినిధులు. పోలింగ్ ‌నాటికి 90% ఓటర్లు టీఆర్ఎస్ వైపు ఉండే అవకాశం.
  • బయటపడుతున్న ఎస్బీ సిఐ చంద్రకుమార్ అరాచకాలు. లైంగిక వేదింపులు జరిపిన సిఐ చంద్రకుమార్ పై చర్యలు తీసుకోవట్లేదని బాధితురాలు అవేదన. సర్టిఫికెట్ మిస్సింగ్ కేసులో సిఐకి పరిచయమైన మహిళ . సాయం అడిగిన మహిళతో అసభ్యంగా ప్రవర్తించిన సిఐ చంద్రకుమార్. వనస్థలిపురం పిఎస్ లో సిఐ చంద్రకుమార్ పై కేసు. నగ్నంగా ఉన్న వీడియోలు మహిలకు పంపి సిఐ వేదిస్తున్నాడని మహిళ పిర్యాదు. సిఐ పై కఠిన చర్యలు తీసుకోవట్లేదని మహిళ పలు సాక్షాలు మీడియాకు విడుదల.
  • చెన్నై : చెన్నై మహానగరం లో కిలోల్లో దొరికిన డ్రగ్స్ . చెన్నై రైల్వే స్టేషన్ సమీపం లో ఉన్న వాల్ టాక్స్ రోడ్ లో 25 కిలోల మాదక ద్రవ్యాలను పట్టుకున్న డిఆర్ఐ అధికారులు తమిళనాడు , కేరళ , రాష్ట్రం లోఉన్న డ్రగ్స్ గ్యాంగ్ యూరోపియన్ దేశాలనుండి అక్రమంగా డ్రగ్స్ దిగుమతిని గుర్తించిన అధికారులు . అధికారులకు ఉన్న సమాచారం తో తనిఖీలు నిర్వహించగా 25 కిలోల ( పేశాడో ) డ్రగ్స్ ని స్వాధీనం చేసుకున్న అధికారులు. చెన్నై నుండి ఎర్నాకులం కి పార్సెల్ ద్వారా సరఫరా చేస్తునట్టు గుర్తింపు. డ్రగ్స్ ని స్వాధీనం చేసుకొని విచారణ చేపట్టిన డిఆర్ఐ అధికారులు.
  • ఫారెన్ ఇంగ్లీష్ యూనివర్సిటీ వి సి పేరుతో నకిలీ ఈ మెయిల్ ఐడి క్రియేట్ చేసిన సైబర్ నేరగాళ్లు. యూనివర్సిటీ లో పనిచేస్తున్న ఉద్యోగులకు తాను మీటింగ్ లో ఉన్నానని.. అర్జెంటుగా అమెజాన్ కుపన్స్ కొనాలని మెయిల్ పంపించిన సైబర్ నేరగాళ్లు. అలర్ట్ అయిన ఉద్యోగులు వీసీ సురేష్ కుమార్ కు సమాచారం ఇవ్వడంతో.. తాను అట్లాంటిది ఏమీ పంపించలేదని చెప్పిన విసి. హైదరాబాద్ సిసిఎస్ సైబర్ క్రైమ్ పోలీసులకు ఫిర్యాదు చేసిన ఉద్యోగి.. కేసు నమోదు చేసుకొని దర్యాప్తు చేస్తున్న పోలీసులు.
  • ఉపరాష్ట్రపతి వెంకయ్య నాయుడుకు కరోనా పాజిటివ్. ట్విటర్ ద్వారా వెల్లడించిన ఉపరాష్ట్రపతి కార్యాలయం. రొటీన్‌గా నిర్వహించే పరీక్షల్లో కరోనా పాజిటివ్‌గా నిర్ధారణ. ఎలాంటి లక్షణాలు లేవని, హోం ఐసోలేషన్లో ఉన్నారని వెల్లడి. ఆయన భార్య ఉష పరీక్ష ఫలితం నెగెటివ్. ముందుజాగ్రత్తలో స్వీయ ఐసోలేషన్లో ఉన్నట్లు వెల్లడి.

గుంతల రోడ్లపై జీహెచ్‌ఎంసీ కీలక నిర్ణయం

హైదరాబాద్ మహానగర పాలక మరో బృహత్తర కార్యక్రమంతో ముందుకువచ్చింది. ఇకపై గుంతలు లేని భాగ్యనగరంగా తీర్చిదిద్దేందుకు ప్రణాళికలు రచించింది. నగరంలోని ప్రధాన రోడ్లు ఎక్కడైనా పాడైతే వెంటనే సంబంధిత ఏజెన్సీకి ఫోన్‌ ద్వారా గాని వాట్సాప్‌ ద్వారా గానీ ఫిర్యాదు చేయాలని సూచించింది.

GHMC released phone numbers of agencies to provide information if roads damaged, గుంతల రోడ్లపై జీహెచ్‌ఎంసీ కీలక నిర్ణయం

హైదరాబాద్ మహానగర పాలక మరో బృహత్తర కార్యక్రమంతో ముందుకువచ్చింది. ఇకపై గుంతలు లేని భాగ్యనగరంగా తీర్చిదిద్దేందుకు ప్రణాళికలు రచించింది. నగరంలోని ప్రధాన రోడ్లు ఎక్కడైనా పాడైతే వెంటనే సంబంధిత ఏజెన్సీకి ఫోన్‌ ద్వారా గాని వాట్సాప్‌ ద్వారా గానీ ఫిర్యాదు చేయాలని సూచించింది. వెంటనే మరమ్మత్తు పనులు చేపట్టి ప్రజలకు అసౌకర్యం కలగకుండా చూస్తామంటోంది. ఈ మేరకు జీహెచ్‌ఎంసీ జోన్లవారీగా ఆయా సర్కిళ్లలో సంబంధిత నిర్వహణ ఏజెన్సీల కాంటాక్ట్‌ నంబర్లను విడుదల చేసింది.

సమగ్ర రోడ్ల నిర్వహణ ప్రణాళిక కింద బల్దియా ప్రైవేటు ఏజెన్సీల ఆధ్వర్యంలో ప్రధాన రోడ్ల నిర్వహణ బాధ్యతను అప్పగించింది. మహానగరంలోని ఆరు జోన్లలో ఏడు ప్యాకేజీలు ఏర్పాటు చేసి పనులు చేపట్టారు. సుమారు రూ.1800 కోట్ల వ్యయంతో 709.49 కిలోమీటర్ల పొడవున రోడ్లను పునరుద్ధరించడంతోపాటు ఐదేండ్లపాటు వాటి నిర్వహణ బాధ్యతను కూడా సదరు ఏజెన్సీకి అప్పగించింది. ఇందులో ఇప్పటివరకు దాదాపు 300 కిలోమీటర్ల పనులు పూర్తయినట్లు జీహెచ్‌ఎంసీ అధికారులు తెలిపారు. కొత్త రోడ్ల నిర్మాణంతో పాటు నిర్వహణ బాధ్యత కూడా ప్రైవేటు ఏజెన్సీలకు అప్పగించడంతో ఎక్కడైనా రోడ్లు దెబ్బతిన్నా, గుంతలు ఏర్పడినా వెంటనే మరమ్మతులు చేపట్టాల్సి ఉంటుంది.

ఈ నేపథ్యంలో తాజా వర్షాలకు పలు ప్రాంతాల్లో రోడ్లు పాడైనట్లు జీహెచ్‌ఎంసీకి ఫిర్యాదులు అందుతున్నాయి. ఇంటర్నల్‌ రోడ్ల నిర్వహణ జీహెచ్‌ఎంసీ చేపడుతున్నప్పటికీ 100 ఫీట్ల వెడల్పున్న ప్రధాన రోడ్ల మరమ్మతులు ఏజెన్సీలు నిర్వహిస్తున్నాయి. దీంతో ఆయా సర్కిళ్లవారీగా ప్రధాన రోడ్లు పాడైతే సంబంధిత ఏజెన్సీలకు వెంటనే ఫోన్‌ చేయాలని, లేనిపక్షంలో ఆ నంబర్‌పై వాట్సాప్‌ కూడా చేయవచ్చని అధికారులు సూచిస్తున్నారు. అక్కడి నుంచి సరైన స్పందన రాకుంటే బలియా కాల్‌ సెంటర్‌ నంబరు 040- 21111111కు కూడా ఫోన్‌ చేసి ఫిర్యాదు చేయవచ్చంటున్నారు.

జోన్లు, సర్కిళ్ల వారీగా ఫోన్‌ నంబర్లు:

* ఎల్బీనగర్‌ జోన్‌కు సంబంధించి కాప్రా, ఉప్పల్‌, హయత్‌నగర్‌, ఎల్బీనగర్‌, సరూర్‌నగర్‌ తదితర సర్కిళ్లు – 9392676237

* చార్మినార్‌ జోన్‌లోని మలక్‌పేట్‌, సంతోష్‌నగర్‌, చాంద్రాయణగుట్ట, చార్మినార్‌, ఫలక్‌నుమా, రాజేంద్రనగర్‌ సర్కిళ్లు – 9392672646

* ఖైరతాబాద్‌-1 జోన్‌లోని మెహిదీపట్నం, కార్వాన్‌, గోషామహల్‌ సర్కిళ్లు -9492010698

* ఖైరతాబాద్‌-2జోన్‌లోని ఖైరతాబాద్‌, జూబ్లీహిల్స్‌ సర్కిళ్లు -9676195050

* శేరిలింగంపల్లి జోన్‌లోని యూసుఫ్‌గూడ, శేరిలింగంపల్లి, చందానగర్‌, ఆర్సీపురం-పటాన్‌చెరు సర్కిళ్లు -9652044949

* కూకట్‌పల్లి జోన్‌లోని మూసాపేట్‌, కూకట్‌పల్లి, గాజులరామారం, అల్వాల్‌ సర్కిళ్లు -9676265050

* సికింద్రాబాద్‌ జోన్‌లోని ముషీరాబాద్‌, అంబర్‌పేట్‌, మల్కాజిగిరి, సికింద్రాబాద్‌, బేగంపేట్‌ సర్కిళ్లు -7794096208

Related Tags