Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

ముంబై ఇండియన్స్ ఫ్రాంచైజీతో ఆర్థిక సంబంధాలు లేవు- సచిన్

Get No Monetary Benefit from MI: Tendulkar’s Letter to Ombudsman, ముంబై ఇండియన్స్ ఫ్రాంచైజీతో  ఆర్థిక సంబంధాలు లేవు- సచిన్

తనపై వస్తున్న ఆరోపణలపై స్పందించాడు మాజీ టీం ఇండియా ఆటగాడు సచిన్ టెండుల్కర్. బీసీసీఐ కమిటీలో ఉంటూ నిబంధనలకు వ్యతిరేకంగా విరుద్ధ ప్రయోజనాలు పొందుతున్నారని తనపై వస్తున్న ఆరోపణల్ని క్రికెట్ దిగ్గజం ఖండించాడు. ఐపీఎల్‌లోని ముంబై ఇండియన్స్ ఫ్రాంచైజీతో తనకెలాంటి సంబంధం లేదన్నారు. ఎలాంటి ఆర్థిక ప్రయోజనాలు పొందడం లేదని లేఖలో పేర్కొన్నాడు. ఆ జట్టులో నిర్ణయాత్మక పాత్ర పోషించడం లేదని సచిన్ స్పష్టం చేశాడు. దీనిపై బీసీసీఐ అంబుడ్స్‌మెన్ డీకేజైన్‌కు 14 పేజీల లేఖ రాశాడు. క్రికెట్ సలహా మండలిలో సభ్యులుగా ఉన్న సచిన్, లక్ష్మణ్, గంగూలీ.. ఐపీఎల్‌లోని జట్లకు సేవలందిస్తూ ఆర్థిక పరమైన ప్రయోజనాలు పొందుతున్నారని సుప్రీంకోర్టులో మధ్యప్రదేశ్ క్రికెట్ అసోసియేషన్‌కు చెందిన సంజీవ్ గుప్తా పిటిషన్ వేశారు. దీనిపై వివరణ ఇవ్వాల్సిందిగా బీసీసీఐ వీరికి నోటీసులు అందించింది. వీటిపై స్పందిస్తూ సచిన్ బీసీసీఐకు లేఖ రాశారు.

బీసీసీఐ తనను 2015లో క్రికెట్ సలహా సభ్యుడిగా చేర్చిందన్నారు. అయితే అంతకుముందు నుంచే తాను ముంబై ఇండియన్స్‌కు సేవలందిస్తున్నానని తెలిపారు. మరోవైపు ఇదే అంశంపై లక్ష్మణ్ కూడా స్పందించారు. సన్‌రైజర్స్ హైదరాబాద్ టీంకు సేవలందించేందుకుగాను సీఏసీ సభ్యుడిగా వైదొలిగేందుకు అంగీకరించారు. భారత్ జట్టుకు కోచ్ నియామకంతో పాటు… మరికొన్ని అంశాల్లో సలహాలు తీసుకునేందుకు గానూ సచిన్ గంగూలీ, లక్ష్మణ్‌లతో సలహా కమిటీ సీఏసీని బీసీసీఐ నియమించింది.