Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 10 గంటల సమయం. ఈరోజు శ్రీవారి హుండీ ఆదాయం రూ.2.92 కోట్లు. సాయంత్రం వరకు శ్రీవారిని దర్శించుకున్న 45,143 మంది భక్తులు.
  • హైదరాబాద్‌: గచ్చిబౌలిలో సాఫ్ట్‌వేర్‌ ఉద్యోగి సన్నీబాబు ఆత్మహత్య. ఆత్మహత్య చేసుకుంటున్నట్టు బావ సంపత్‌కు సన్నీబాబు ఈ మెయిల్‌. కేసు నమోదు చేసి దర్యాప్తు చేస్తున్న పోలీసులు.
  • ఏలూరు ప్రభుత్వాస్పత్రిలో గానాబజానా వ్యవహారంపై ప్రభుత్వం ఆగ్రహం. ఆరుగురు సిబ్బందిపై శాఖాపరమైన విచారణ చేపట్టిన వైద్యారోగ్యశాఖ. హెడ్‌ నర్సులు, నర్సింగ్‌ సూపరింటెండెంట్‌లు, ఫార్మాసిస్ట్‌లపై.. చర్యలు తీసుకుంటూ ఆదేశాలు జారీ.
  • వరంగల్‌: మేడారం సమ్మక్క-సారలమ్మ జాతర హుండీల లెక్కింపు. 436 హుండీల లెక్కింపు పూర్తి. రూ.10.29 కోట్ల ఆదాయం.
  • రామాయపట్నం పోర్టు పరిధిని నిర్ధారిస్తూ ఏపీ ప్రభుత్వం ఉత్తర్వులు. పోర్టు జియో కోఆర్డినేట్స్‌ను నోటిఫై చేసిన మౌలిక వనరులకల్పన శాఖ. పోర్టు నిర్మించిన ప్రాంతానికి 30 కి.మీ. పరిధిలో.. మరో ఓడరేవు నిర్మించేందుకు వీల్లేకుండా అంగీకారం. రామాయపట్నం పోర్టు నిర్మాణంపై.. డీపీఆర్‌ రూపకల్పనలో భాగంగా పోర్టు పరిధి నిర్ధారిస్తూ ఉత్తర్వులు. ప్రభుత్వానికి వివిధ ప్రతిపాదనలు పంపిన ఏపీ మారిటైమ్‌ బోర్డు. నాన్‌ మేజర్‌ పోర్టుగా రామాయపట్నంను అభివృద్ధి చేయనున్న ప్రభుత్వం.
  • హైదరాబాద్‌: సీసీఎస్‌ పోలీసులకు కరాటే కల్యాణి ఫిర్యాదు. సోషల్ మీడియాలో శ్రీరెడ్డి తనను అసభ్యపదజాలంతో దూషించిందని ఫిర్యాదు. శ్రీరెడ్డిపై 506, 509 ఐటీ యాక్ట్ కింద కేసు నమోదు. సోషల్‌ మీడియాలో అసభ్య కామెంట్స్ చేయడం చట్టరీత్యా నేరం. సపోర్టింగ్‌ కామెంట్స్ చేసినవారిపై కూడా చర్యలు తీసుకుంటాం -సీసీఎస్‌ సైబర్‌క్రైమ్‌ ఏసీపీ ప్రసాద్.

జట్టు నుంచి తప్పుకోవడమే ధోనికి మంచిది – గంభీర్

Gautam Gambhir, జట్టు నుంచి తప్పుకోవడమే ధోనికి మంచిది – గంభీర్

ముంబై: భారత మాజీ కెప్టెన్, మిస్టర్ కూల్ మహేంద్ర సింగ్ ధోని రిటైర్మెంట్‌పై గత కొద్దిరోజులుగా చర్చ జరుగుతున్న సంగతి తెలిసిందే. వరల్డ్‌కప్ 2019 ముగిసిన అనంతరం ధోని రిటైర్మెంట్ ప్రకటిస్తాడని అందరూ ఊహించగా.. అటు బీసీసీఐ నుంచి కానీ, ధోని నుంచి కానీ ఎటువంటి అధికారిక ప్రకటన రాలేదు. మరోవైపు కోహ్లీసేన ప్రపంచకప్ గెలిచి ధోనికి ఘనంగా వీడ్కోలు పలకాలని భావించింది. అయితే సెమీఫైనల్‌లో న్యూజిలాండ్ చేతిలో 18 పరుగుల తేడాతో ఓటమిపాలై.. టోర్నీ నుంచి నిష్క్రమించింది.

టీమిండియా కొద్దిరోజుల్లో విండీస్ పర్యటనకు సన్నద్ధం అవుతోంది. కెప్టెన్ విరాట్ కోహ్లీ ప్రపంచకప్ ముగిసిన తర్వాత గురువారమే స్వదేశానికి చేరుకున్నాడు. దీంతో సెలక్షన్ కమిటీ ఇవాళ జరగాల్సిన సమావేశాన్ని చివరి నిమిషంలో వాయిదా వేశారు. ఇకపోతే విండీస్ పర్యటనకు వెళ్లే జట్టులో ధోనికి చోటు దక్కుతుందా..? లేదా అనే సందిగ్దత ఇంకా కొనసాగుతోంది. ఒకవేళ అతనికి జట్టులో చోటు లభించకపోతే.. రిటైర్మెంట్ ప్రకటిస్తాడనే ఊహాగానాలు కూడా ఊపందుకున్నాయి.

ఇది ఇలా ఉండగా ధోని రిటైర్మెంట్‌పై టీమిండియా మాజీ ఓపెనర్ గౌతమ్ గంభీర్ ఆసక్తికరమైన వ్యాఖ్యలు చేశాడు. ధోని జట్టు కోసం ఎంతో చేశాడు. ఇప్పటికైనా యువ క్రికెటర్లను దృష్టిలో పెట్టుకుని తన భవిష్యత్తు నిర్ణయాన్ని తీసుకోవాలని గంభీర్ తెలిపాడు. ధోని కెప్టెన్‌గా ఉన్నప్పుడు కూడా భవిష్యత్తు గురించే ఆలోచించేవాడు.. ఇప్పుడు కూడా భవిష్యత్తును ఆలోచించడం మంచిదని చెప్పుకొచ్చాడు. భావోద్వేగం కంటే జరుగుతుందనే నమ్మకం ఉన్న నిర్ణయాలు తీసుకుంటే బాగుంటుందని గంభీర్ అన్నాడు.

‌”నాకు ఇప్పటికీ గుర్తు… ఆస్టేలియాలో గ్రౌండ్‌లు పెద్దగా ఉంటాయి కాబట్టి సచిన్, సెహ్వాగ్ ఆడలేరని అన్నాడు. వచ్చే ప్రపంచకప్‌లో యువ ఆటగాళ్లు కావాలని ధోని ఆలోచించేవాడని.. ఆనాటి జ్ఞాపకాలను గంభీర్ గుర్తు చేసుకున్నాడు. రిషబ్ పంత్, సంజూ శాంసన్, ఇషాన్ కిషన్ లాంటి యువ ఆటగాళ్లు వికెట్ కీపర్‌గా ఎదగాలంటే కొద్ది సమయం పడుతుందని.. వారికీ అవకాశం కల్పించాలని కోరాడు. కాగా వచ్చే వరల్డ్‌కప్‌కు వికెట్ కీపర్ ఎవరనే దానిపై బీసీసీఐ స్పష్టతకు రావాలని గంభీర్ అన్నాడు.

Related Tags