Breaking News
  • భారత్ లో కరోనా కల్లోలం. 9 లక్షల 68 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 968876. దేశ వ్యాప్తంగా యాక్టీవ్ కేసులు: 331146. కరోనా నుంచి డిశ్చార్జ్ అయిన బాధితులు: 612815. దేశం మొత్తం కరోనా తో మృతుల సంఖ్య : 24915. కేంద్ర ఆరోగ్య మంత్రిత్వ శాఖ.
  • వైద్య, ఆరోగ్యశాఖలో వివిధ కార్యక్రమాల అమలుకు నిధుల విడుదల. 330 కోట్లు విడుదల చేస్తూ ఉత్తర్వులు జారీ. కేసీఆర్ కిట్ల పథకం కోసం 110.75 కోట్లు విడుదల.
  • కర్నూలు టీవీ9 ఎఫెక్ట్: వర్షపు నీరు వచ్చిన కర్నూలు ప్రభుత్వ ఆస్పత్రిలోనీ కోవిడ్ వార్డును తనిఖీ చేసిన సూపరింటెండెంట్ డాక్టర్ నరేంద్రనాథ్ రెడ్డి. ఇంకోసారి ఇ వర్షపు నీరు రాకుండా చూస్తావని వార్డు లోని ఇతర సమస్యలన్నింటినీ పరిష్కరిస్తామని హామీ.
  • ఇన్వెస్ట్ తెలంగాణ వెబ్ సైట్ ను ప్రారంభించిన మంత్రులు. తెలంగాణలోకి మరిన్ని పెట్టుబడులను ఆకర్షించే లక్ష్యంతో రూపొందించిన ఇన్వెస్ట్ తెలంగాణ వెబ్సైట్ ఈ రోజు ప్రారంభమైంది. ఆర్థిక శాఖ మంత్రి హరీష్ రావు మంత్రులు జగదీశ్వర్ రెడ్డి కే తారకరామారావు సమక్షంలో ఇన్వెస్ట్ తెలంగాణ వెబ్సైట్ లాంచ్ చేశారు. మర్రి చెన్నారెడ్డి మానవ వనరుల కేంద్రం లో జరిగిన ఈ కార్యక్రమంలో ఆర్థికమంత్రి హరీష్ రావు ఇన్వెస్ట్ తెలంగాణ వెబ్సైట్ ప్రారంభించారు. https://invest.telangana.gov.in/ లింక్ ద్వారా వెబ్ సైట్ ను సందర్శించవచ్చు.
  • విద్యాశాఖపై సమీక్ష నిర్వహిస్తున్న సీఎం కెసిఆర్ . విద్యాశాఖపై ముఖ్యమంత్రి కేసీఆర్ సమీక్ష. మంత్రి సబిత, అధికారులతో సీఎం సమావేశం. విద్యాసంవత్సరం, పరీక్షలు, ఇతర అంశాలపై చర్చ.
  • కరోనా పేషంట్ల ను రక్షించడానికి సిద్ధమైన కరోనా విజేతలు . తెలంగాణలో ఏర్పాటైన ప్లాస్మా డోనార్స్ ఆసోషియేషన్ . తెలంగాణ ప్లాస్మా డోనార్స్ అసోసియేషన్ లోగో ఆవిష్కరణ. కోవిడ్ నుండి బయటపడినవాళ్ళు ఇతరుల ప్రాణాలు కాపాడటానికి ప్లాస్మా దానం చేయాలని విజ్ఞప్తి. ప్లాస్మా తెరఫి కి సంబంధించి ఒక అధికారిని కేటాయించాలి . ఫ్లాస్మా దాతలకు రాష్ట్రంలో విధి విధానాలు రూపొందించాలంటూ విజ్ఞప్తి.
  • అమరావతి: అచ్చెన్నాయుడు బెయిల్ పిటిషన్ పై వాదనలు పూర్తి. విచారణ ను వాయిదా వేసిన ధర్మాసనం. ESI స్కామ్ లో అరెస్ట్ అయిన అచ్చెన్నాయుడు. కోర్టు ఆదేశాల మేరకు గుంటూరు రమేష్ ఆసుపత్రిలో చికిత్స పొందుతున్న అచ్చెన్నాయుడు.
  • ఫారెక్స్ ట్రేడింగ్ పేరుతో భారీ మోసం. ట్రేడింగ్ లో పెట్టుబడులు అంటూ వ్యాపారవేత్తను దగ్గర నుంచి కొట్టేసిన ముఠా . ఇద్దరిని అరెస్టు చేసిన సైబరాబాద్ సైబర్ క్రైమ్ పోలీసులు.

సైలెంట్ కిల్లర్‌గా గంటా.. బాబుకిక చుక్కలే..!

ganta became silent killer, సైలెంట్ కిల్లర్‌గా గంటా.. బాబుకిక చుక్కలే..!

గత కొంత కాలంగా మౌనంగా వుంటూ.. పార్టీలో వున్నారా? లేరా? అన్నట్లు వ్యవహరిస్తున్న మాజీ మంత్రి గంటా శ్రీనివాస్ రావు మరోసారి అధినేత అభిప్రాయంతో విభేదించారు. గత రెండు నెలలుగా జరుగుతున్న పార్టీ మారతారన్న ప్రచారాన్ని ఇటీవలనే ఖండించిన గంటా.. పార్టీలో మాత్రం చురుగ్గా మారలేదు. అసెంబ్లీ సమావేశాలు వారం రోజుల పాటు జరిగితే.. ఆయన హాజరైంది ఒకే రోజు. ఆ ఒక్క రోజు కూడా చంద్రబాబు సహా పార్టీ నేతలంతా ప్రభుత్వంపై దాదాపు యుద్దం ప్రకటించిన పరిస్థితి. కానీ గంటా మాత్రం చాలా కూల్‌గా సమావేశాలకు హాజరై వెళ్ళిపోయారు.

అయితే, అసెంబ్లీ చివరి రోజు చాలా నాటకీయ పరిణామాలు జరిగాయి. రాష్ట్ర రాజధానిపై సభలో చర్చ జరిగింది. తెలుగుదేశం, వైఎస్సార్ కాంగ్రెస్ పార్టీ ఎమ్మెల్యేల మధ్య దాదాపు యుద్దవాతావరణం ఏర్పడింది. చంద్రబాబు రాజధాని పేరిట రియల్ ఎస్టేట్ వ్యాపారం చేశారంటూ ఆర్థిక మంత్రి బుగ్గన రాజేంద్రనాథ్ రెడ్డి గణాంకాలు వివరిస్తుంటే.. టీడీపీ సభ్యులు గోలగోల చేశారు. చివరికి తొమ్మిది మంది టీడీపీ ఎమ్మెల్యేలు సస్పెన్షన్ వేటుకు గురయ్యారు. ఆ తర్వాత రాష్ట్ర రాజధానిపై ముఖ్యమంత్రి జగన్ మోహన్ రెడ్డి అత్యంత కీలకమైన ప్రకటన చేశారు. ఇంత జరుగుతున్నా గంటా శ్రీనివాస్ రావు జాడ కనిపించలేదు.

అయితే, ఏపీకి మూడు రాజధానులు వుండే అవకాశం వుందంటూ ముఖ్యమంత్రి చేసిన ప్రకటనపై చంద్రబాబు, నారా లోకేశ్, దేవినేని ఉమా తదితరులు తుగ్లక్ నిర్ణయమంటూ విమర్శలు గుప్పించారు. మూడు రాజధానులుంటే ముఖ్యమంత్రి ఎక్కడుంటారంటూ చంద్రబాబు ప్రభుత్వాన్ని నిలదీశారు. కానీ చంద్రబాబు వైఖరికి, పార్టీ విధానానికి భిన్నంగా స్పందించారు గంటా శ్రీనివాస్ రావు. విశాఖను ఎగ్జిక్యూటివ్ క్యాపిటల్‌గా చేయడమన్నది చక్కని ఆలోచన అంటూ ఆయన మౌనాన్ని వీడారు.

గంటా శ్రీనివాస్ రావు వ్యాఖ్యలు సహజంగానే టీడీపీ వర్గాలకు, టీడీపీ అధినాయకత్వానికి ఇబ్బందిగానే వుంటుంది. కానీ, అవేమీ పట్టనట్లుగా గంటా శ్రీనివాస్ ముఖ్యమంత్రి ప్రకటనను స్వాగతించారు. పార్టీని వీడనంటూ మరి ఇదేం ధోరణి అంటూ పార్టీలో ఆయన వ్యతిరేకులు తెరచాటు కామెంట్లు చేస్తున్నారు. ఉంటే పార్టీ విధానాలకు అనుగుణంగా వుండాలి.. ఇష్టం లేకపోతే వెళ్ళిపోవాలి అంతే కానీ.. ఇలా అధినేతకు ఇబ్బందికలిగించేట్లు మాట్లాడడమేంటని అంటున్నారు.

సో.. పార్టీలో వుంటూనే ఇబ్బందికరంగా బిహేవ్ చేయడం ద్వారా అధినేతే పార్టీ బయటికి పంపేలా గంటా వ్యూహరచన చేస్తున్నారా అన్న సందేహాలు వ్యక్తమవుతున్నాయి తాజాగా.

Related Tags