Breaking News
  • భారత్ లో కరోనా కల్లోలం. 8 లక్షల 78 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 878254. దేశ వ్యాప్తంగా యాక్టీవ్ కేసులు: 301609. కరోనా నుంచి డిశ్చార్జ్ అయిన బాధితులు: 553471. దేశం మొత్తం కరోనా తో మృతుల సంఖ్య : 23174. కేంద్ర ఆరోగ్య మంత్రిత్వ శాఖ.
  • రాజస్థాన్ వ్యవహారంలో రంగంలోకి ప్రియాంక గాంధీ. సంక్షోభం చక్కదిద్దేపనిలో భాగంగా సచిన్ పైలట్‌తో మంతనాలు. ఫోన్ ద్వారా మాట్లాడుతున్నట్టు సమాచారం.
  • మాస్క్ ధరించకపోతే జరిమానా. గతం లో ఉన్న జరిమానా ని పెంపు. కరోనా నేపథ్యంలో ప్రజలు మాస్క్ ధరించకపోతే జరిమానాను 200 నుండి రూ .500 కు పెంచిన గుజరాత్ అహ్మదాబాద్ మున్సిపల్ కార్పొరేషన్ .
  • అమరావతి: వివిధ ప్రభుత్వ విభాగాల్లో పని చేస్తున్న కాంట్రాక్టు ఉద్యోగులకు సకాలంలో జీతాలు అందించాలని ఆదేశాలు జారీ చేసిన సీఎం వైయస్‌.జగన్‌ . కాంట్రాక్టు ఉద్యోగుల స్థితిగతులపై క్యాంపు కార్యాలయంలో ముఖ్యమంత్రి ఉన్నతాధికారులతో సమీక్ష. సుమారు 54 వేల మంది కాంట్రాక్టు ఉద్యోగులకు గత ప్రభుత్వం చేసింది సున్నా అని సమావేశంలో ప్రస్తావన.
  • గాంధీలో నాలుగో రోజు కొనసాగుతున్న నర్సుల సమ్మె. వైద్య ఆరోగ్య శాఖ మంత్రి చర్చలతో ఏకీభవించని నర్సులు. విధులు బహిష్కరించిన 200 మంది నర్సులు. ఎలాంటి నోటిఫికేషన్ లేకుండా అవుట్ సోర్సింగ్ ద్వారా హెడ్ నర్స్ పదోన్నతి పై మండిపాటు.
  • అమరావతి : మాజీ మంత్రి పితాని సత్యనారాయణ కొడుకు సురేష్ మాజీ పీఎస్ మురళీమోహన్ దాఖలు చేసిన ముందస్తు బెయిల్ పిటిషన్ పై హైకోర్ట్ విచారణ. బెయిల్ పిటిషన్ ను కొట్టేసిన హైకోర్టు. ఇప్పటికే పరారీలో ఉన్న పితానీ కొడుకు వెంకట సురేష్ వెంకట సురేష్ కోసం గాలిస్తున్న ఏసీబీ అధికారులు. బెయిల్ ఇవ్వొద్దని కోర్టు కోరిన ఏసీబీ అధికారులు.

Ganta shocks BJP : బీజేపీకి గంటా సూపర్ షాక్

మాజీ మంత్రి గంటా శ్రీనివాస్ రావు బీజేపీ నేతలకు గాలమేశారు. ఏకంగా మూడు వందల మందిని టీడీపీలోకి లాగేశారు
ganta shocks bjp leaders, Ganta shocks BJP : బీజేపీకి గంటా సూపర్ షాక్

Former Minister Ganta Srinivas Rao shocks AP BJP leaders: తెలుగుదేశం పార్టీని వీడతారంటూ తెగ ప్రచారం జరిగిన మాజీ మంత్రి గంటా శ్రీనివాస్ రావు.. సోమవారం బీజేపీ నేతలకు గట్టి షాక్ ఇచ్చారు. తెలుగుదేశంపార్టీకి అంటీముట్టనట్లుంటున్న గంటా శ్రీనివాస్.. అయితే బీజేపీలో లేకపోతే వైఎస్సార్ కాంగ్రెస్ పార్టీలో చేరతారని ప్రచారం జరిగింది. హైదరాబాద్‌లో వుంటే బీజేపీ రాజ్యసభ సభ్యుడు సుజనాచౌదరితోను.. విశాఖ, అమరావతిలో వుంటే రాష్ట్ర మంత్రులు కొడాలి నాని తదితరులతోను మాటలు కలుపుతూ వుంటారని కథనాలొచ్చాయి. దానికి తగ్గట్టుగానే ఆయన మౌనంగా వుంటూ వచ్చారు.

తాజాగా సోమవారం విశాఖపట్నంలో జరిగిన సమావేశంలో గంటా బీజేపీకి షాకిచ్చారు. తమ పార్టీలో చేరతారని అనుకున్న బీజేపీ నేతలు గంటా శ్రీనివాస్ తాజాగా ఆ పార్టీ క్యాడర్‌కు వలేసి… టీడీపీలోకి లాగేసుకోవడంతో బీజేపీ నేతలు ఖిన్నులైపోయారు. విశాఖ పట్నంలోని టిడిపి కార్యాలయంలో మాజీ మంత్రి గంటా సమక్షంలో విశాఖ ఉత్తర నియోజకవర్గానికి చెందిన బీజేపీ నేతలు, కార్యకర్తలు పెద్ద సంఖ్యలో తెలుగుదేశం పార్టీ తీర్థం పుచ్చుకున్నారు. వారందరికీ పచ్చకండువా కప్పి మరీ ఆహ్వానించారు గంటా శ్రీనివాస్ రావు.

ఈ సందర్భంగా గంటా మాట్లాడుతూ.. 300 మంది నాయకులు, కార్యకర్తలు బీజేపీ నుంచి టీడీపీలోకి చేరడం మార్పుకు నాంది అని అన్నారు. గతంలో టీడీపీ ప్రభుత్వ హయాంలో విశాఖలో లక్ష కుటుంబాలకు ఇళ్ల పట్టాలు పంపిణి చేయడం ఒక చరిత్ర అని అన్నారాయన. రాష్ట్రవ్యాప్తంగా వ్యతిరేక పవనాలు ఉన్నా విశాఖలో చంద్రబాబు చేసిన అభివృద్ధి చూసే నాలుగు స్థానాల్లో ప్రజలు టీడీపీని గెలిపించారని వ్యాఖ్యానించారు.

ఫిబ్రవరి 19వ తేది నుంచి టీడీపీ ప్రజా చైతన్య యాత్ర ప్రారంభిస్తున్నామని, స్థానిక సంస్థల ఎన్నికలకు తెలుగుదేశం పార్టీ నాయకులు, కార్యకర్తలు సిద్ధంగా ఉండాలని గంటా పిలుపునిచ్చారు. త్వరలో టీడీపీలోకి మరిన్ని చేరికలుంటాయని గంటా చెప్పుకొచ్చారు.

Related Tags