Breaking News
  • భారత్ లో కరోనా కల్లోలం 18 లక్షల 55 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 1855746 దేశ వ్యాప్తంగా యాక్టీవ్ కేసులు: 586298 కరోనా నుంచి డిశ్చార్జ్ అయిన బాధితులు: 1230510 దేశం మొత్తం కరోనా తో మృతుల సంఖ్య : 38938 దేశ వ్యాప్తంగా గడచిన 24 గంటలలో 52050 కరోనా కేస్ లు, 803 మంది మృతి
  • వేర్‌హౌజ్‌లో నిల్వ చేసిన అమ్మోనియం నైట్రేట్. జాగ్రత్తలు తీసుకోకుండా నిల్వచేయడమే కారణమని లెబనాన్ అధ్యక్షుడు మైఖేల్ ఔన్ ట్వీట్. సమగ్ర దర్యాప్తు చేపట్టిన సుప్రీం డిఫెన్స్ కౌన్సిల్ . బాధ్యులపై తీవ్రమైన చర్యలు, కఠిన శిక్షలు అమలు చేస్తామని వెల్లడి . పేలుడు ధాటికి పూర్తిగా ధ్వంసమైన బీరుట్ పోర్ట్. అత్యవసర నిధి కింద 100 బిలియన్ లీరాలు విడుదల చేసిన లెబనాన్ అధ్యక్షుడు. లెబనాన్‌కి 240 కి.మీ దూరంలోని సైప్రస్ దీవుల వరకు వినిపించిన పేలుడు శబ్దాలు. పేలుళ్లు 3.4 తీవ్రత కల్గిన భూకంపాన్ని సృష్టించాయని నిపుణుల అంచనా. వ్యవసాయంలో ఎరువుగా ఉపయోగించే అమ్మోనియం నైట్రేట్‌కు నిప్పు తగిలితే అత్యంత తీవ్రతతో పేలుతుంది. పేలుడుతో నైట్రోజన్ ఆక్సైడ్, అమ్మోనియా వంటి విషవాయువులు విడుదల.
  • తిరుపతి...పేరూరు వకుళామాత ఆలయంలో చారిత్రాత్మిక శాసనం లభ్యం. 1101 వ శతాబ్దం కిచేందిన శాసనంగా గుర్తించిన పురావస్తు శాఖ అధికారులు. విష్ణు మూర్తి అలయంతో పాటు, అమ్మవారి ఆలయం ఉన్నట్టు చెప్తున్న శాసనం. టిటిడి ఇప్పటివరకు వకుళామాత ఆలయానికి సంభందించి ఎప్పుడు దొరకనట్టువంటి చారిత్రక ఆధారాలు.. తొలిసారిగా శాసనం బయటపడినా దానిపై పూర్తి సమాచారం సేకరిస్తున్న పురవస్తూశాఖ అధికారులు.
  • పేరూరు వకులమాత ఆలయంలో దొరికిన1101 శతాబ్దపు శాసనాలను పరిరక్షిస్తున్న అధికారులు. బండరాళ్లపై శాసనం ఉండటంతో దాని చుట్టూ కాంక్రీట్ దిమ్మను నిర్మిస్తున్న అధికారులు. వందల ఏళ్ల తర్వాత అమ్మవారి ఆలయానికి సంబంధించి దొరికి న శాసనం.
  • నాగార్జునసాగర్ ప్రాజెక్టుకు కొనసాగుతున్న వరద. పూర్తిస్థాయి నీటిమట్టం : 590.00 అడుగులు. ప్రస్తుత నీటిమట్టం : 554.60 అడుగులు. ఇన్ ఫ్లో : 40,150 క్యూసెక్కులు. అవుట్ ఫ్లో : 2200 క్యూసెక్కులు. పూర్తిస్థాయి నీటి నిల్వ : 312.0405 టీఎంసీలు. ప్రస్తుత నీటి నిల్వ : 215.5430 టీఎంసీలు.
  • కాంగ్రెస్ సీనియర్ నేత మహారాష్ట్ర మాజీ సిఎం శివాజీరావు పాటిల్ నీలంగేకర్ పూణేలో కన్నుమూశారు.
  • చెన్నై విమానాశ్రయం లో భారీ గా పట్టుబడ్డ బంగారం , ఇద్దరు అరెస్ట్ . దుబాయ్ - షార్జా నుండి చెన్నై అక్రమంగా తరలిస్తున్న బంగారాన్ని గుర్తించినచిన కస్టమ్స్ అధికారులు . పట్టుబడ్డ 1 .48 కేజీల బంగారం విలువ 82 లక్షలు . చెన్నై కి చెందిన ఖలీల్ అహమద్ ,కాజా మొయిద్దీన్ అరెస్ట్ విచారణ చేపట్టిన కస్టమ్స్ అధికారులు.

అంతుచిక్కని అంతరంగం.. గంటా మీ దారెటు ?

ganta meets bjp ram madhav, అంతుచిక్కని అంతరంగం.. గంటా మీ దారెటు ?
ఆయన చిక్కడు దొరకడు. చిరంజీవితో క్లోజ్‌గా ఉంటారు. కానీ ఆయన తమ్ముని పార్టీ అనేసరికి మొహం చాటేస్తారు. సైరా రిలీజ్‌ అంటే సై..సై.. అంటారు. అన్నీ తానై చూస్తారు. కానీ పార్టీ అధినేత ఆదేశిస్తే మాత్రం తన మనస్సాక్షిని వాడుకుని హ్యాండిస్తారు.. సాగర తీరంలో వాస్తు ప్రకారం ఉత్తరం పక్కన వున్న ఆయన…ఇప్పుడు ఏ పార్టీ కండువా కప్పుకుంటారనేది ఆసక్తికరంగా మారింది.
విశాఖలో జనసేన లాంగ్‌ మార్చ్‌ ముగిసింది. కానీ ఆ మార్చ్‌ ప్రకంపనలు టీడీపీని తాకాయి. సాగర తీరాన రాజకీయం అల్పపీడనం సృష్టిస్తోంది. ఈ అల్పపీడనం పొలిటికల్‌ తుఫాన్‌గా మారుతుందా? తీరం దాటిన తర్వాత దాని ప్రభావం ఏంటి? అనే చర్చ నడుస్తోంది. ఇంత జరుగుతున్నా సదరు నేత మాత్రం మౌనవ్రతానికే పరిమితమయ్యారు.
మాజీ మంత్రి గంటా శ్రీనివాస రావు  జనసేన లాంగ్‌ మార్చ్‌కు రాకపోవడానికి కారణాలేంటి? టీడీపీని వీడాలని గంటా డిసైడ్‌ అయ్యారా? టీడీపీ మద్దతిచ్చినా లాంగ్‌ మార్చ్‌కు వెళ్లకుండా అందుకే దూరంగా ఉన్నారా? పవన్‌ కల్యాణ్‌తో వ్యక్తిగత విభేదాలే కారణమా? ఇప్పుడు ఇవే ప్రశ్నలు పొలిటికల్‌ సర్కిల్స్‌లో హీట్‌ పెంచుతున్నాయి.
లాంగ్ మార్చ్‌ కార్యక్రమానికి పవన్ కల్యాణ్ స్వయంగా కాల్ చేసి మద్దతు కోరిన నేపథ్యంలో టిడిపి అధినేత చంద్రబాబు మద్దతు ప్రకటించడంతోపాటు తమ పార్టీ తరపున గంటా శ్రీనివాస్ రావు, అచ్చెన్నాయుడు, అయ్యన్నపాత్రుడు హాజరవుతారని కూడా పేర్లతో సహా ప్రకటించారు.
లాంగ్‌ మార్చ్ జరిగిన టైమ్‌లో గంటా విశాఖలోనే ఉన్నారు. వేరే పనులు లేవు. కానీ ఆయన మార్చ్‌కు రాలేదు. టీడీపీ నేతలు అయ్యన్న పాత్రుడు, అచ్చెన్నాయుడు హాజరయ్యారు. మద్దతు పలికారు.  కానీ అధినేత మాటలను మాత్రం ఆయన పట్టించుకోలేదు. గంటా ఇప్పడు పార్టీ ఆదేశాలను కూడా ఎందుకు పట్టించుకోలేదనేది పెద్ద డిస్కషన్‌ పాయింట్‌ అయింది.
గంటా ప్రజారాజ్యం నుంచి ఎమ్మెల్యేగా గెలిచారు. ఆ తర్వాత కాంగ్రెస్‌లో విలీనం తర్వాత మంత్రి అయ్యారు. 2014 ఎన్నికల ముందు టీడీపీలో చేరారు. ఆ పార్టీ అధికారంలోకి వచ్చిన తర్వాత మంత్రి అయ్యారు. మొన్నటి ఎన్నికల్లో విశాఖ నార్త్‌ నుంచి పోటీ చేసిన గంటా ఓడిపోతారని పెద్ద ఎత్తున ప్రచారం జరిగింది. కానీ స్వల్ప మెజార్టీతో ఆయన గెలిచారు. పార్టీ అధికారంలోకి రాకపోవడంతో….గంటా పార్టీ మారుతారని ఆరునెలల నుంచి ఊహగానాలు విన్పిస్తున్నాయి. ఓ సారి ఆయన వైసీపీలో చేరుతారని.. మరోసారి బీజేపీలో చేరుతారని ప్రచారం జరుగుతోంది. అయితే గంటా మాత్రం తన మనసులో మాటను బయటపెట్టలేదు.
ఇటీవల సైరా సినిమా విడుదల సందర్భంగా చిరంజీవి వెళ్లి ఏపీ సీఎం జగన్‌ను కలిశారు. ఈ మీటింగ్‌లో గంటా కూడా పాల్గొంటారని ప్రచారం జరిగింది. అయితే ఆ మీటింగ్‌కు గంటా వెళ్లలేదు. ఆ తర్వాత ఆయన రాంమాధవ్‌తో దిగిన ఫోటో వైరల్‌ అయింది. దీంతో గంటా చూపు బీజేపీపై పడింది అని న్యూస్‌లు పుట్టుకొచ్చాయి. ఇప్పుడు టీడీపీ సర్వసభ్య సమావేశానికి కూడా గంటా హాజరుకాకపోవడంతో పార్టీలో ఆయన మీద టీడీపీ నేతల్లో డౌట్లు మొదలయ్యాయి. గంటా పార్టీ మారడం ఖాయమని వారే గుసగుసలు ఆడుకుంటున్నారు. మరీ గంటా దారెటు? ఆయన ఏ కండువా కప్పుకుంటారు? అనేది ఇప్పుడు చర్చనీయాంశంగా మారింది.

Related Tags