Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • భారత్ బయోటెక్‌కు ఐసీఎంఆర్ డీజీ బలరాం భార్గవ లేఖ. భారత కరోనా వ్యాక్సిన్ క్లినికల్ ట్రయల్స్ వేగవంతం చేయాలని సూచన. ఫాస్ట్-ట్రాక్ పద్ధతిలో క్లినికల్ ట్రయల్స్ చేస్తే ఆగస్ట్ 15 నాటికి అందుబాటులోకి వ్యాక్సిన్. పంద్రాగస్టు సందర్భంగా వ్యాక్సిన్ లాంఛ్ చేసే అవకాశం.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • తల్లితండ్రుల పిల్ పై హైకోర్టులో విచారణ వాయిదా. 13వ తారీఖున సమగ్ర నివేదికతో రమ్మని ప్రభుత్వానికి చెప్పిన హైకోర్టు. ఇంకా విద్యా సంవత్సరం ప్రారంభం కాలేదని కోర్టుకు తెలిపిన ఏజీ. ఏ నిర్ణయం తీసుకోకుండా ఆన్లైన్ క్లాసులు ఎందుకు నిర్వహిస్తున్నారని ప్రశ్నించిన హైకోర్టు. కేసులో ఇంప్లీడ్ అయిన ఇండిపెండెంట్ స్కూల్ మేనేజ్మెంట్ అసోసియేషన్. రెండు నెలల క్రితమే సీబీఎస్ఈ సిలబస్ ప్రారంభమైందని తెలిపిన isma తరపు సీనియర్ న్యాయవాది. ఆన్లైన్ తరగతులపై తల్లిదండ్రులకు పై ఎలాంటి ఒత్తిడి లేదు. ఆన్లైన్ క్లాసెస్ ఆప్షన్ మాత్రమే అని తెలిపిన ఇస్మా తరపు న్యాయవాది.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • ఈరోజు దక్షిణ తెలంగాణ జిల్లాల్లో భారీ వర్షాలు. రాగల మూడు రోజులు తేలికపాటి నుండి ఓ మోస్తరు వర్షాలు. ఉపరితల ఆవర్తనం తో పాటు షీర్ జోన్ ఏర్పడింది. ఆంధ్ర తీరానికి సమీపంలో కేంద్రీక`తమైన ఆవర్తనం. పశ్చిమ బంగాళాఖాతం లో 3.1 కి.మీ ఎత్తు వద్ద కొనసాగుతున్న ఉపరితల ఆవర్తనం. - వాతావరణ శాఖ సీనియర్ సైంటిస్టు రాజారావు.
  • జ్యూడిషయల్ లోకరోనా కలకలం . సికింద్రాబద్ జ్యుడీషయల్ అకాడమీ లో కరోనాతో అటెండర్ మృతి . జ్యుడిషయల్ అకాడమీ కేంద్రం గా జరుగుతున్న వీడియో కాన్ఫరెన్స్. ఆందోళనలో న్యాయవాదులు.

గరంగరంగా గన్నవరం.. ఇంతకీ ఏం జరుగుతోందంటే ?

gannavaram politics heats up, గరంగరంగా గన్నవరం.. ఇంతకీ ఏం జరుగుతోందంటే ?

గన్నవరం రాజకీయం రోజుకో మలుపు తిరుగుతోంది. త్వరలోనే వైసీపీలో చేరబోతున్న వల్లభనేని వంశీ నియోజకవర్గంలో విస్తృతంగా పర్యటిస్తూ వైసీపీ సీనియర్ నేతలను కలవడం హాట్ టాపిక్‌గా మారింది. మరోవైపు యార్లగడ్డ వెంకట్రావు జగన్‌తో జరిపిన భేటీ తరువాత.. సీఎం నిర్ణయం మేరకు నడుచుకుంటానని ప్రకటించారు. దాంతో ఇప్పుడు గన్నవరంలో ఒకటే చర్చ జరుగుతోంది. యార్లగడ్డ వెంకట్రావు.. జగన్ ఆదేశాల మేరకు వల్లభనేని వంశీతో కలిసి పనిచేస్తారా? ఇద్దరు కలిసి పనిచేసేందుకు అనుకూలంగా వెంకట్రావుకు జగన్ ఏం హామీ ఇచ్చారు? ఈ చర్చ గన్నవరంలో జోరుగా జరుగుతోంది.

గన్నవరం రాజకీయాలు గరం గరంగా మారుతూ రోజుకో మలుపు తిరుగుతున్నాయి. టిడిపికి రాజీనామా చేసిన వంశీ..జగన్ వెంట నడుస్తానని ప్రకటించారు. త్వరలోనే వైసీపీలో చేరతానని చెప్పారు. అయితే పక్కా డేట్‌ మాత్రం ప్రకటించలేదు. సీఎం నిర్ణయం మేరకు తన చేరిక ఉంటుందని తెలిపారు.

ఈ నేపథ్యంలో గన్నవరం రాజకీయాలు చర్చనీయాంశంగా మారాయి. ఇటు వైసీపీలో చేరేందుకు వంశీ రెడీ అవుతున్నారనే సిగ్నల్స్‌ వస్తున్నాయి. మరోవైపు నియోజకవర్గంలో వైసీపీ సీనియర్ నేత దుట్టా రామచంద్రరావుతో వంశీ భేటీ కావడం హాట్ టాపిక్ గా మారింది. వంశీ వైసీపీలో చేరడానికి ముహూర్తం ఖరారు అయ్యిందని.. అందులో భాగంగానే వైసీపీ నేతల్ని కలుస్తున్నారని అనుకుంటున్నారు. భవిష్యత్‌లో ఇబ్బందులు రాకుండా వారితో కలిసి పని చేసేందుకు ముందుగానే వారితో భేటీ అవుతున్నారట.

మరోవైపు వైసీపీ గన్నవరం ఇన్‌ఛార్జ్ యార్లగడ్డ వెంకట్రావు జిల్లా మంత్రులు కొడాలి నాని, పేర్ని నానిలతో కలిసి సీఎం జగన్‌తో భేటీ అయ్యారు.. వంశీని పార్టీలోకి చేర్చుకోవడంపై చర్చ జరిగినట్లు తెలుస్తోంది. నియోజకవర్గంలో పార్టీ కోసం తాను కష్టపడ్డానని, వైసీపీ కార్యకర్తలపై వంశీ గతంలో కేసులు పెట్టించి వేధించారని ఆయన జగన్ వద్ద ప్రస్తావించారు. వంశీ వైసీపీలో చేరినా.. నీ రాజకీయ భవిష్యత్ నేను చూసుకుంటానని, జగన్ యార్లగడ్డకు భరోసా ఇచ్చారని తెలుస్తోంది. వంశీ పార్టీలోకి వచ్చే విషయం తనకు తెలియదని, జగన్ నాయకత్వంలోనే తాను పని చేస్తానని, వైసీపీలోనే ఉంటానని యార్లగడ్డ ప్రకటించారు.

వంశీ పార్టీలోకి వస్తే..యార్లగడ్డ, వంశీ ఇద్దరూ కలిసి పని చేస్తారా? కేడర్ కలిసి పోతుందా అనే చర్చ జరుగుతోంది. ఒక వేళ ఉప ఎన్నికలు వస్తే ఎమ్మెల్యే టికెట్ హామీ జగన్ ఎవరికి ఇచ్చారని ప్రచారం నడుస్తోంది. ఒకరికి ఎమ్మెల్యే టికెట్, మరొకరికి ఎమ్మెల్సీ ఇస్తారని ఆ మేరకు ఒప్పందం కుదిరిందనే ప్రచారం జరుగుతోంది. వంశీ పార్టీలోకి వచ్చిన తర్వాత స్పందిస్తానని యార్లగడ్డ అంటున్నారు. వంశీ అధికారికంగా వైసీపీ కండువా కప్పుకుంటే ఎలాంటి పరిణామాలు చోటుచేసుకుంటాయనే ఆసక్తికరమైన చర్చ సాగుతోంది.

Related Tags