Breaking News
  • కర్నూలు: సీఎం జగన్‌, ఎంపీ టీజీ వెంకటేష్‌ మధ్య ఆకసక్తికర చర్చ. మాకు రావాల్సిన హైకోర్టు ఎంతవరకు వచ్చిందన్న టీజీ వెంకటేష్‌. కర్నూలులో హైకోర్టు ఏర్పాటుకు కేంద్రం అనుమతి కోరాం. నివేదిక కూడా పంపించామన్న సీఎం జగన్‌. త్వరలోనే సానుకూల ప్రకటన రావచ్చన్న టీజీ వెంకటేష్‌. హైకోర్టు ప్రకటనపై జగన్‌కు కృతజ్ఞతలు తెలిపిన టీజీ వెంకటేష్‌.
  • ప్రజలను కలిసేందుకు చంద్రబాబు వెళ్తుంటే పోలీసుల ఆంక్షలేంటి. చంద్రబాబు పర్యటనతో వైసీపీ ఉలిక్కి పడుతోంది-కూన రవికుమార్‌. మంత్రి బొత్స నోటిని అదుపులో పెట్టుకోవాలి-కూన రవికుమార్‌. విశాఖలో దళితుల భూములను బలవంతంగా లాక్కుంటున్నారు. జగన్‌ను విశాఖ ప్రజలు తరిమికొట్టాలి-టీడీపీ నేత కూన రవికుమార్‌.
  • గోపన్‌పల్లి అక్రమ భూమ్యుటేషన్లపై విచారణకు ఆదేశం. విచారణాధికారిగా రాజేంద్రనగర్‌ ఆర్డీవో చంద్రకళ నియామకం. సర్వే నెంబర్‌ 127, 128లో రేవంత్‌రెడ్డి, కొండల్‌రెడ్డి భూదందాపై.. విచారణ చేయనున్న రాజేంద్రనగర్‌ ఆర్డీవో చంద్రకళ. బాధితులను విచారణకు హాజరుకావాలని ఆదేశాలు. అక్రమ భూమ్యుటేషన్ల వ్యవహారంలో మరో ఇద్దరి పాత్ర. రిటైర్డ్ తహశీల్దార్లు సుబ్బారావు, రాజేశ్వర్‌రెడ్డి పాత్ర ఉన్నట్టు గుర్తింపు. ఇద్దరిపై చర్యలు తీసుకోవాలని ప్రభుత్వానికి లేఖ రాసిన కలెక్టర్‌.
  • ఢిల్లీ: పూసాలో భారతీయ వ్యవసాయ పరిశోధన మండలి వార్షిక సమావేశం. పాల్గొన్న కేంద్రమంత్రులు నరేంద్రసింగ్‌ తోమర్‌, పీయూష్‌గోయల్‌. తెలంగాణ నుంచి హాజరైన మంత్రి సింగిరెడ్డి నిరంజన్‌రెడ్డి. భారతీయ వ్యవసాయ పరిశోధనా మండలి 2019-20 వార్షిక నివేదిక విడుదల.
  • హైదరాబాద్‌: హిమాయత్‌నగర్‌లో సీపీఐ ఆధ్వర్యంలో ర్యాలీ. కేంద్ర ప్రభుత్వ నిర్ణయాలకు వ్యతిరేకంగా ర్యాలీ. అడ్డుకున్న పోలీసులు, సీపీఐ కార్యకర్తలు, పోలీసుల మధ్య తోపులాట. నారాయణ, చాడ వెంకట్‌రెడ్డిని అరెస్ట్‌. నారాయణగూడ పీఎస్‌కు తరలించిన పోలీసులు.

‘గేమ్ ఓవర్’ తెలుగు మూవీ రివ్యూ!

, ‘గేమ్ ఓవర్’ తెలుగు మూవీ రివ్యూ!

టైటిల్ : ‘గేమ్ ఓవర్’

తారాగణం : తాప్సీ, వినోదిని, అనీష్ కురివిల్ల, సంజన నటరాజన్ తదితరులు

సంగీతం : రోన్ ఏతాన్ యోహాన్

కథ, స్క్రీన్ ప్లే, దర్శకత్వం : అశ్విన్ శరవణన్

విడుదల తేదీ: 14-06-2019

హీరోయిన్ తాప్సీ ప్రధాన పాత్రలో తమిళ దర్శకుడు అశ్విన్ శరవణన్ రూపొందించిన చిత్రం ‘గేమ్ ఓవర్’. వీడియో గేమ్స్ కాన్సెప్ట్‌ను నిజజీవితానికి ముడిపెడితే ఎలా ఉంటుందనేది ఈ సినిమా కథాంశం. పూర్తిగా సస్పెన్స్‌కు పెద్ద పీట వేస్తూ.. ఈ సినిమా హిందీ, తమిళ, తెలుగు భాషల్లో భారీ అంచనాల నడుమ ఇవాళ విడుదలైంది. మరి ఈ చిత్రం ప్రేక్షకులను ఏ మేరకు మెప్పించగలిగిందో ఇప్పుడు చూద్దాం.

కథ‌ : స్వప్న(తాప్సీ) ఓ వీడియో గేమ్ డిజైనర్. న్యూ‌ఇయర్ రాత్రి అనుకోని విధంగా తనపై జరిగిన అత్యాచారంతో.. ఆమె పూర్తిగా కృంగిపోయి.. వీల్ చైర్‌కు పరిమితం కావాల్సి వస్తుంది. పైగా నైట్ ఫోబియా అనే వ్యాధితో బాధపడుతూ ఉంటుంది. ఇది ఇలా ఉండగా సిటీలో ఒంటరిగా ఉంటున్న అమృత(సంజన నటరాజన్) అనే అమ్మాయిని ఓ సైకో అత్యంత కిరాతకంగా చంపేస్తాడు. ఇలా వరుసగా ఒంటరిగా ఉంటున్న అమ్మాయిలను టార్గెట్ చేస్తూ సైకో హత్యలు చేస్తాడు.

మరోవైపు స్వప్న డిసెంబర్ 31న తన చేతిపై ఓ టాటూ వేయించుకుంటుంది. ఆ టాటూలో అమృత అస్తికలు కలుస్తాయి. ఇక అప్పటి నుంచి ఆమె జీవితంలో ఊహించని సంఘటనలు చోటు చేసుకుంటాయి. స్వప్న ఆ టాటూను తొలగించుకోవాలని అనుకున్నా వీలుపడదు. ఇంతకీ ఆ టాటూ వెనుక అసలు కథేంటి.? అమృతకు, స్వప్న టాటూకు మధ్య సంబంధమేంటి.? అనే ప్రశ్నలకు సమాధానాలు తెలియాలంటే సినిమా చూడాల్సిందే.

న‌టీన‌టులు :

సినిమా మొత్తం స్వప్న క్యారెక్టర్ చుట్టూ తిరుగుతుంది. ఇక హీరోయిన్ తాప్సీ.. ఆ క్యారెక్టర్‌లో అద్భుతమైన పెర్ఫార్మన్స్‌తో ప్రేక్షకులను కట్టిపడేస్తుంది. చీకటికి భయపడే మానసిక రోగి పాత్రలో ఏకంగా జీవించిందని చెప్పాలి. ఇక ఆమెకు సహాయకురాలిగా నటించిన వినోదిని కూడా నటన పరంగా మెప్పించింది. ఇంతకు మించి ఈ సినిమాలో చెప్పుకోదగ్గ పాత్రలు ఏమి లేవు.

విశ్లేష‌ణ‌ :

‘గేమ్ ఓవర్’ లాంటి సస్పెన్స్ ఓరియెంటెడ్ సినిమాకు.. సినిమాటోగ్రఫీ తోడైతే.. ఔట్‌పుట్ అద్భుతంగా ఉంటుంది. సరిగ్గా అలాంటి కాంబినేషన్ ఈ చిత్రానికి కుదరడంతో ప్రేక్షకులు మొదటి నుంచి చివరి వరకు కనురెప్పలార్పకుండా చూస్తారు. అయితే ఫస్ట్‌హాఫ్‌లో కొన్ని సాగతీత సన్నివేశాలు ఈ సినిమాకు మైనస్ పాయింట్లు అయ్యాయి.

సాంకేతిక విభాగాల పనితీరు:

దర్శకుడు అశ్విన్ శరవణన్ తాను అనుకున్న కథను స్క్రీన్‌పై బాగా చూపించాడు. ఇక దీనికి బ్యాగ్రౌండ్ స్కోర్ సరిగ్గా కుదరడంతో బాగా ఎలివేట్ అయింది. రోన్ ఏతాన్ అందించిన మ్యూజిక్ బాగుంది. ఎడిటింగ్ ఓకే. నిర్మాణ విలువలు బాగున్నాయి.

ప్లస్‌ పాయింట్స్‌ :

హీరోయిన్ తాప్సీ పెర్ఫార్మన్స్

కథ – స్క్రీన్ ప్లే, సినిమాటోగ్రఫీ

మైనస్‌ పాయింట్స్‌ :

ఫస్ట్ హాఫ్ లో కొన్ని సీన్స్

 

Related Tags