పచ్చని పంటపొలాల మధ్య గ్యాస్ ​పైప్​లైన్ వద్దే వద్దు.. జోగులాంబ గద్వాల జిల్లాలో గ్రామస్థుల ఆందోళన

భారత్ పెట్రోలియం కార్పొరేషన్ లిమిటెడ్ కంపెనీ కర్ణాటక హాసన్ జిల్లా నుంచి రాష్ట్రంలోని చర్లపల్లి వరకు గ్యాస్ పైప్​లైన్ వేస్తున్న

  • uppula Raju
  • Publish Date - 3:19 pm, Thu, 14 January 21
పచ్చని పంటపొలాల మధ్య గ్యాస్ ​పైప్​లైన్ వద్దే వద్దు.. జోగులాంబ గద్వాల జిల్లాలో గ్రామస్థుల ఆందోళన

భారత్ పెట్రోలియం కార్పొరేషన్ లిమిటెడ్ కంపెనీ కర్ణాటక హాసన్ జిల్లా నుంచి రాష్ట్రంలోని చర్లపల్లి వరకు గ్యాస్ పైప్​లైన్ వేస్తున్న సంగతి తెలిసిందే. ఈ పైప్‌లైన్  జోగులాంబ గద్వాల జిల్లా మీదుగా వస్తోంది. అయితే ఈ పైప్‌లైన్‌ను వ్యతిరేకిస్తూ మనవపాడ్ మండలం గోకులపాడ్ శివారులో గ్రామస్థులు రోడ్డుపై బైఠాయించారు. పచ్చని పంట పొలాల మధ్య గ్యాస్ పైప్​లైన్ వెళ్లనిచ్చే ప్రసక్తే లేదని తెగేసి చెబుతున్నారు. ఈ ఆందోళన వల్ల రాయచూర్-కర్నూల్ అంతర్రాష్ట్ర రహదారిపై ఇరువైపుల వాహనాలు భారీగా నిలిచిపోయాయి. గ్యాస్ పైప్ లైన్ తమ పొలాల్లోంచి పోవడాన్ని వల్ల తాము తీవ్రంగా నష్టపోతున్నామని గ్రామస్థులు చెబుతున్నారు.

తక్షణమే గ్యాస్ పైప్లైన్ పనులు నిలిపివేయాలని డిమాండ్ చేస్తున్నారు. ఈ సందర్భంగా పలువురు మాట్లాడుతూ.. మాకు గ్యాస్ పైప్​లైన్ వద్దని కలెక్టర్​కు కూడా వినతి పత్రం ఇచ్చినట్లు పేర్కొన్నారు. ఇంత వరకు ఏ అధికారి కూడా పట్టించుకోలేదని ఆవేదన వ్యక్తం చేశారు. మేమందరం నేలతల్లిని నమ్ముకొని బతుకుతున్నాం. మా ఊరిలో అందరు చిన్న, సన్నకారు రైతులే ఉన్నారు. ఉన్న ఎకరా, రెండెకరాల పొలంలో గ్యాస్ లైన్ వేస్తే మా పరిస్థితి ఎట్లా? ఏపీలో గ్యాస్ పైప్​లైన్ లీక్ కావడం వల్ల అనేక అనార్థాలు జరుగుతున్నాయి. ఎకరా పొలం ప్రస్తుత మార్కెట్ ప్రకారం రూ. 40 లక్షలు ఉంది. మేమంతా వ్యతిరేకిస్తున్నా పట్టించుకునే నాథుడే లేడు. గ్యాస్ పైప్​లైన్ వెళ్లే పొలాల రైతులకు ఎకరాకు రూ. 50,000 ఇస్తామని చెప్పి డబ్బు కూడా ఇప్పటి వరకు ఇవ్వలేదని వాపోయారు. తమకు డబ్బు వద్దు గ్యాస్ లైన్ వద్దని రైతులు కరాకండిగా చెబుతున్నారు. పైప్​లైన్ నిర్మాణాన్ని కచ్చితంగా అడ్డుకుంటామని తెలిపారు.

జోగులాంబ గద్వాల జిల్లా శాంతినగర్‌లో ప్రోటోకాల్ వివాదం.. ఇలా ప్రారంభించారు..అలా ధ్వంసం చేశారు