సోషల్‌ మీడియాలో జోకులు.. ఎట్టకేలకు మారనున్న ఆస్ట్రేలియన్ గ్రామం పేరు.. ఇక చాలించండి అన్న మేయర్‌

Australian village name: కొన్ని ఊర్ల పేరు వింటే నవ్వొస్తుంది. మరికొన్ని ఊర్ల పేరు వింటే ఆశ్చర్యం కలుగుతుంది. ఇంకొన్ని ఊర్ల పేర్లు పలకడానికి కూడా కష్టంగా ఉంటాయి. అయితే ఆస్ట్రేలియాలోని ఓ గ్రామం పేరు మాత్రం కాస్త ఇబ్బందిగా ఉంటుంది. దీనిపై సోషల్ మీడియాలో ఎన్నో జోకులు కూడా వచ్చేవి. అంతేకాదు అక్కడి ప్రజలను కూడా తప్పుగా సంబోధించేవారు. దీంతో ఆ ప్రాంత ప్రజలు విసిగిపోయారు. ఎట్టకేలకు తమ ప్రాంత పేరును మార్చుకోనున్నారు. జనవరి 1న ప్రపంచవ్యాప్తంగా నూతన సంవత్సర వేడుకలు మొదలుకానున్న నేపథ్యంలో.. ఆ ఊరి పేరు కూడా మారబోతోంది. (భార్య తిట్ల నుంచి తప్పించుకునేందుకు ఇల్లు వదిలి వెళ్లిన భర్త.. 19 నెలల తరువాత)

వివరాల్లోకి వెళ్లే.. వియన్నాకు 350కి.మీల దూరంలో ఉండే ఓ గ్రామానికి ఇంగ్లీష్‌లో అసభ్య పదాల్లో ఒకటైన F**king అనే పేరు ఉంది. అక్కడ వంద మంది ప్రజలు నివసిస్తున్నారు. కాగా అక్కడకు వెళ్తోన్న పర్యాటకులు ఆ ప్రాంతం పేరుపై జోకులు వేసేవారు. ఆ ఊరి దగ్గర ఫొటోలు తీసుకొని వాటిని సోషల్ మీడియాలో షేర్ చేసేవారు. అలాగే అక్కడి వారిని అదే అసభ్య పదజాలంతో పిలిచేవారు. దీంతో విసిగిపోయిన అక్కడి వారు పేరును మార్చమని అర్జీ పెట్టుకున్నారు. ఈ క్రమంలో ఆ ప్రాంతం పేరు వచ్చే ఏడాది జనవరి 1 నుంచి ఫగ్గింగ్‌(Fugging)గా మారనున్నట్లు అధికారులు తెలిపారు. దీనిపై మాట్లాడిన స్థానిక మేయర్‌.. ఇంతకన్నా నేను ఎక్కువ ఏం చెప్పాలనుకోవడం లేదు. దీనిపై సోషల్ మీడియాలో ఇకపై జోకులు ఆపండి అని అభ్యర్థించారు. (సంజయ్‌ దత్‌ని కలిసిన కంగనా రనౌత్‌.. ఖల్‌ నాయక్‌ చాలా అందంగా, ఆరోగ్యంగా ఉన్నారన్న నటి)