కరోనా కాటుః వైరస్ సోకి అతి చిన్న వయస్కురాలు మృతి
ప్రపంచవ్యాప్తంగా కరోనా మరణమృదంగం మోగిస్తోంది. అన్ని దేశాలకు వ్యాపిస్తూ.. వైరస్ విలయతాండవం చేస్తోంది. వయసు నిమిత్తం లేకుండా ఈ మహమ్మారిని అందరినీ పట్టి పీడిస్తోంది. తాజాగా ఈ వైరస్ బారిన పడి అతిచిన్న వయస్కురాలు మృతిచెందింది. వైరస్ కారణంగా ఊపిరితిత్తులు పూర్తిగా పాడైపోవటంతో
ప్రపంచవ్యాప్తంగా కరోనా మరణమృదంగం మోగిస్తోంది. అన్ని దేశాలకు వ్యాపిస్తూ.. వైరస్ విలయతాండవం చేస్తోంది. వయసు నిమిత్తం లేకుండా ఈ మహమ్మారిని అందరినీ పట్టి పీడిస్తోంది. తాజాగా ఈ వైరస్ బారిన పడి అతిచిన్న వయస్కురాలు మృతిచెందింది. వైరస్ కారణంగా ఊపిరితిత్తులు పూర్తిగా పాడైపోవటంతో… ఐసోలేషన్ వార్డులో చికిత్స పొందుతూ బాలిక మృతిచెందింది. వివరాల్లోకి వెళితే…
ఫ్రాన్స్ దేశంలో ఈ ఘటన చోటుచేసుకుంది. 16 ఏళ్ల బాలిక కరోనా వైరస్ సోకి మృతిచెందింది. పారిస్కు చెందిన జూలీకి గత వారం కరోనా వైరస్ సోకింది. దగ్గు , జ్వరం వంటి లక్షణాలు జూలీలో మొదలయ్యాయి. కొద్దిరోజుల తర్వాత దగ్గుతో పాటు విపరీతమైన కఫం రావడంతో కుటుంబసభ్యులు బాలికను ఆసుపత్రికి తీసుకెళ్లారు. అయితే ఆమెను పరీక్షించిన వైద్యులు కరోనా వైరస్ సోకి ఊపిరితిత్తులు బాగా పాడైపోయినట్టు గుర్తించారు. కొద్దీ రోజులు ఇంటెన్సివ్ కేర్ లో ఉంచి చికిత్స అందించారు. కానీ దురదృష్టవశాత్తు ఆ బాలిక చికిత్స పొందుతూ మరణించింది. కరోనా కారణంగా అతి చిన్న వయస్కురాలు మృతి చెందటం ఆ దేశంలో ఇదే ప్రథమంగా చెప్పారు అక్కడి అధికారులు. కొద్దిరోజుల క్రితం పనామాకు చెందిన 13 ఏళ్ల బాలిక కరోనా వైరస్ కారణంగా మృతి చెందిన సంగతి తెలిసిందే. ఇక దక్షిణ అమెరికాలో కూడా ఓ బాలిక మృతి చెందింది.