Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

దారుణ ప్రమాదం..ఒక్కరు కూడా ప్రాణాలతో మిగల్లేదు..

Telangana: 4 killed in road accident at Kamareddy, దారుణ ప్రమాదం..ఒక్కరు కూడా ప్రాణాలతో మిగల్లేదు..

కామారెడ్డి జిల్లా బిక్కనూరు మండలం జంగంపల్లి అవుట్ కట్స్‌లో దారుణమైన యాక్సిడెంట్ జరిగింది. మితిమీరిన  వేగం నాలుగు నిండు ప్రాణాలను బలిగొంది.  హైదరాబాద్‌ నుంచి నిజామాబాద్‌ వైపు అతి వేగంగా వచ్చిన కారు డివైడర్‌కి తగిలి పక్కనే ఉన్న మర్రి చెట్టును ఢీకుంది. ఈ ఘటనలో నలుగురు స్పాట్‌లోనే మృతి చెందారు. మృతులను నిజామాబాద్‌ జిల్లా కోటగల్లీలోని పద్మానగర్‌కు చెందిన లావణ్య(35), రోష్ని(17) తల్లీకూతుళ్లతో పాటు నవీపేటకు చెందిన ప్రశాంత్‌(18), సుశీల్‌(20)గా ఐడెంటిఫై చేశారు. వారి కజిన్ అరుణ్‌ అనే వ్యక్తిని శంషాబాద్‌ ఎయిర్‌పోర్ట్‌లో సెండాఫ్ ఇచ్చి వస్తుండగా ఈ దుర్ఘటన చోటుచేసుకుంది. కారు నుజ్జునుజ్జయిన పరిస్థితి బట్టి  ప్రమాద తీవ్రత ఏ స్థాయిలో ఉందో అర్థం చేసుకోవచ్చు.  సంఘటన స్థలికి చేరుకున్న పోలీసులు కేసు నమోదు చేశారు.  కారులో మృతదేహాలు ఇరుక్కుపోవడంతో బయటకు తీసేందుకు తీవ్రంగా శ్రమించారు అధికారులు.

Telangana: 4 killed in road accident at Kamareddy, దారుణ ప్రమాదం..ఒక్కరు కూడా ప్రాణాలతో మిగల్లేదు..