ప్రజలకోసం పోరాడితే కేసులా? ఏపీ ప్రభుత్వంపై బాబు ఆగ్రహం

ఏపీ ప్రభుత్వ పాలనపై టీడీపీ అధినేత చంద్రబాబు నిప్పులు చెరిగారు. రాష్ట్రంలో శాంతిభద్రతలు పూర్తిగా క్షీణించాయని మండిపడ్డారు. పవిత్రమైన ఎస్సీ,ఎస్టీ చట్టాన్ని దుర్వినియోగం చేస్తున్నారని, కర్నూలు జిల్లా కోడుమూరులో విష్ణువర్ధన్ అరెస్ట్ చేయడంపై ఆగ్రహం వ్యక్తం చేశారు. ఆత్మకూరులో 150 మంది దళిత కుటుంబాలు నెలల తరబడి గ్రామ బహిష్కరణకు గురైనా చర్యలు తీసుకోని అధికారులు ఇప్పుడు టీడీపీ నేతలపై ఎస్సీ, ఎస్టీ చట్టం పేరుతో అక్రమ కేసులు బనాయిస్తున్నారని ఫైర్ అయ్యారు. ప్రజా సమస్యలపై పోరాడుతున్న టీడీపీ కార్యకర్తలు, నేతలపై లేనిపోని కేసులు పెట్టి వేధింపులకు దిగుతున్నారన్నారని ఆగ్రహం వ్యక్తం చేశారు చంద్రబాబు. మాజీ స్పీకర్, టీడీపీ సీనియర్ నేత కోడెల శివప్రసాదరావుపై అక్రమంగా 19 కేసులు పెట్టి వేధించి.. చివరికి ఆత్మహత్య చేసుకునేలా చేశారని ఆయన ఆరోపించారు. రాష్ట్రంలో వైసీపీ నాయకుల వేధింపులకు అంతు లేకుండా పోయిందని చంద్రబాబు తీవ్రస్ధాయిలో ఆగ్రహం వ్యక్తం చేశారు.