షూటింగ్‌లు ప్రారంభమైతే.. మొదటి ఛాన్స్ ఆ మూడింటికేనా..?
కరోనా నేపథ్యంలో సినిమా షూటింగ్‌లు పునః ప్రారంభం గురించి గురువారం మెగాస్టార్ చిరంజీవి ఆధ్వర్యంలో సినీ పెద్దలు మంత్రి తలసానితో సమావేశమైన విషయం తెలిసిందే. భౌతిక దూరం పాటిస్తూ.. అవుట్ డోర్, ఇండోర్‌కి సంబంధించి షూటింగ్‌లు ఎలా చేస్తారన్న దానిపై మాక్ వీడియోను ప్రభుత్వానికి సమర్పించాలని తలసాని, సినీ పెద్దలను కోరారు. అందుకు సమ్మతించిన వారు త్వరలోనే వీడియోను సమర్పిస్తామని తెలిపారు. ఇదిలా ఉంటే షూటింగ్‌లకు అనుమతిని ఇచ్చినప్పటికీ.. అన్ని సినిమాలు సెట్స్ మీదకు వెళ్లే అవకాశాలు […]
కరోనా నేపథ్యంలో సినిమా షూటింగ్‌లు పునః ప్రారంభం గురించి గురువారం మెగాస్టార్ చిరంజీవి ఆధ్వర్యంలో సినీ పెద్దలు మంత్రి తలసానితో సమావేశమైన విషయం తెలిసిందే. భౌతిక దూరం పాటిస్తూ.. అవుట్ డోర్, ఇండోర్‌కి సంబంధించి షూటింగ్‌లు ఎలా చేస్తారన్న దానిపై మాక్ వీడియోను ప్రభుత్వానికి సమర్పించాలని తలసాని, సినీ పెద్దలను కోరారు. అందుకు సమ్మతించిన వారు త్వరలోనే వీడియోను సమర్పిస్తామని తెలిపారు. ఇదిలా ఉంటే షూటింగ్‌లకు అనుమతిని ఇచ్చినప్పటికీ.. అన్ని సినిమాలు సెట్స్ మీదకు వెళ్లే అవకాశాలు లేనట్లు తెలుస్తోంది.
రెగ్యులర్‌ షూటింగ్‌ ఉన్నవాటికే మొదట పర్మిషన్‌ ఇవ్వనున్నారట. ఈ క్రమంలో ఎన్టీఆర్- రామ్ చరణ్‌ల ‘ఆర్ఆర్ఆర్’, చిరంజీవి ‘ఆచార్య’, పవన్‌ కల్యాణ్‌ ‘వకీల్ సాబ్’ సినిమాలు ముందుగా సెట్స్ మీదకు వెళ్లనున్నట్లు తెలుస్తోంది. ఇక ఆ తరువాత మిగిలిన చిత్రాలు నిదానంగా చిత్రీకరణను జరుపుకోనున్నట్లు తెలుస్తోంది. కాగా కరోనా నేపథ్యంలో దాదాపు రెండు నెలలుగా సినిమా, సీరియల్ షూటింగ్‌లకు బ్రేక్ పడింది. ఈ క్రమంలో సినీ సెలబ్రిటీలందరూ ఇళ్లకే పరిమితమై.. కుటుంబానికి సమయాన్ని కేటాయిస్తున్నారు. ఈ క్రమంలో షూటింగ్‌లను బాగా మిస్ అవుతున్నామని.. పలువురు సెలబ్రిటీలు సోషల్ మీడియాలో తమ అభిప్రాయాలను వ్యక్తపరుస్తూ వస్తున్నారు. మరికొందరు ఈ లాక్‌డౌన్ వేళ తమ నైపుణ్యాలను మెరుగుపరుచుకునే పనిలో పడి.. కొత్త కోర్సులను నేర్చుకుంటున్నారు.
Read This Story Also: విద్యార్ధులకు గుడ్ న్యూస్.. జూన్‌ 20 నుంచి బీటెక్ పరీక్షలు..
