ఏటీఎంలో చెలరేగిన మంటలు.. 10 లక్షలు బుగ్గి..
గుజరాత్‌లో ఘోర అగ్నిప్రమాదం చోటుచేసుకుంది. సీటీఎం ప్రాంతంలోని ఓ బ్యాంకు ఏటీఎంలో మంటలు చెలరేగాయి. దీంతో పది లక్షల రూపాయలు మంటల్లో కాలిపోయాయి. ఈ సంఘటన సోమవారం నాడు..
గుజరాత్‌లో ఘోర అగ్నిప్రమాదం చోటుచేసుకుంది. సీటీఎం ప్రాంతంలోని ఓ బ్యాంకు ఏటీఎంలో మంటలు చెలరేగాయి. దీంతో పది లక్షల రూపాయలు మంటల్లో కాలిపోయాయి. ఈ సంఘటన సోమవారం నాడు చోటుచేసుకుంది. అగ్నిప్రమాదం జరిగిన సమాచారాన్ని అందుకున్న ఫైర్ సిబ్బంది వెంటనే సంఘటనాస్థలికి చేరుకుని సహాయక చర్యలు చేపట్టారు. ఫైర్ ఇంజన్లతో మంటలను ఆర్పారు. ఏటీఎం నుంచి మంటలు బ్యాంకులోకి వెళ్లకుండా ఫైర్ సిబ్బంది తగు జాగ్రత్తలు తీసుకున్నారు. ఈ ఘటనలో ఏటీఎంలో ఉన్న క్యాష్‌తో పాటు.. పాస్ బుక్ ప్రింటింగ్ మిషన్‌ పూర్తిగా కాలిపోయాయని బ్యాంక్ అధికారులు తెలిపారు. అయితే ఘటనకు గల కారణాలు ఇంకా తెలియ రాలేదు. ఈ అగ్నిప్రమాదంపై కేసు నమోదు చేసుకున్న పోలీసులు దర్యాప్తు చేపడుతున్నారు.
Gujarat: Fire breaks out at an ATM in Ahmedabad’s CTM area. Fire tenders present at the spot; Fire-fighting operation underway. More details awaited. pic.twitter.com/7Bw0Q7Irbh
— ANI (@ANI) July 6, 2020
