Breaking News
  • ఢిల్లీ: భారత్ లో విజృంభిస్తున్న కరోనా వైరస్. 2 లక్షల 46 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 246628 దేశ వ్యాప్తంగా యాక్టీవ్ కేసులు: 120406 కరోనా నుంచి డిశ్చార్జ్ అయిన బాధితులు: 119293 దేశం మొత్తం కరోనా తో మృతుల సంఖ్య : 6929 కేంద్ర ఆరోగ్య మంత్రిత్వ శాఖ.
  • తిరుపతి: రేపటి నుంచి తిరుమలలో శ్రీవారి దర్శనాలు ప్రారంభం. ఎనభై రోజుల తరవాత ప్రారంభమవుతున్న దర్శనాలు. రేపు ఎల్లుండి ఉద్యోగులతో ట్రయల్ రన్ ద్వారా దర్శనాలు. పదో తేదీ తిరుమల పై ఉన్న స్థానికులకు దర్శనాలు. 11వతీదీ నుంచి భక్తులకు దర్శనాలు ప్రారంభం. జూన్ నెలకు ఆన్ లైన్ టికెట్ల అమ్మకాలు రేపటి నుంచి టిటిడి వెబ్ సైట్ లో లభ్యం. ఆఫ్ లైన్లో తిరుపతిలోని కౌంటర్లలో టికెట్లు లభ్యం. అలిపిరి నడక మార్గం నుంచి భక్తులు వెళ్లేందుకు అనుమతి. కాణిపాకం దేవాలయంలో రేపటి నుంచి ఉద్యోగులు, స్థానికులతో ట్రయల్ రన్. పదో తేదీ నుంచి గంటకు మూడువందలమంది వరకూ భక్తులకు దర్శనాలు. శ్రీకాళహస్తిలో దేవాలయం రెడ్ జోన్ లో ఉండటం వల్ల ప్రస్తుతానికి దర్శనాలు ప్రారంభించడం లేదని ప్రకటించిన అధికారులు.
  • నిమ్స్ లోని 5 విభాగాలు 7 నుండి9 వ తేదీ వరకు ముత పడనున్నాయ్. పాజిటివ్ వచ్చిన వారూ పనిచేసిన విభాగాలను శానిటేషన్ చేయనున్న హాస్పిటల్ సిబ్బంది ghmc. ముత పడనున్న 5 విభాగాలు: మెడ్ గ్యాస్ట్రోఎంటరాలజీ, సర్జికల్ గ్యాస్ట్రోఎంటరాలజీ, యూరాలజీ, కార్డియాలజీ & సర్జికల్ ఆంకాలజీ.
  • గ్రేటర్ మినహాయించి రాష్ట్రవ్యాప్తంగా పరీక్షలు నిర్వహించడం గందరగోళంగా మారుతుందని భావించిన ప్రభుత్వం... గ్రేటర్ లోనే సగంమంది 10th విద్యార్థులు. సప్లమెంటరీ రాసిన విద్యార్థులకు ఇంటర్ అడ్మిషన్లు దొరకడం కష్టమనే అభిప్రాయానికి వచ్చిన సర్కార్ . అందరికి ఒకేసారి పరీక్షలు నిర్వహించాలనే యోచలనలో ప్రభుత్వం.
  • విజయవాడ: గ్యాంగ్ వార్ కేసులో కొనసాగుతున్న దర్యాప్తు. డీసీపీ హర్షవర్ధన్ ఆధ్వర్యంలో విచారణ.. సందీప్ గ్యాంగ్ ను అదుపులోకి తీసుకుని విచారిస్తున్న పోలీసులు.. 13 మంది నిందితులను విచారిస్తున్న పోలీసులు.. ల్యాండ్ సెటిల్మెంట్ వివాదమే కారణమని గుర్తింపు.. ధనేకుల శ్రీధర్, ప్రతాప్ రెడ్డి డి నాగబాబులను విచారిస్తున్న పోలీసులు.. మంగళగిరి కి చెందిన ఇద్దరు రౌడిసీటర్ల ఉన్నట్టు గుర్తింపు.. టెక్నాలజీ సహాయంతో కేసును దర్యాప్తు చేస్తున్న పోలీసులు.. నిందితుల పండు తల్లిని పాత్రపై విచారిస్తున్న పోలీసులు..
  • అమరావతి: ఈనెల 16 నుండి ఏపీ అసెంబ్లీ సమావేశాలు జరిగే అవకాశం. 18న బడ్జెట్ ప్రవేశపెట్టే ఛాన్స్. కోవిడ్ నేపథ్యంలో 14 రోజులు జరగాల్సిన బడ్జెట్ సమావేశాలు కుదించే అవకాశం. ఈనెల 31తో ముగియనున్న ఓట్ ఆన్ అకౌంట్ బడ్జెట్.

ఫరూక్ పై కఠిన చట్ట ప్రయోగం.. కేంద్రానికి ‘సుప్రీం’ నోటీసు

Former Jammu and Kashmir chief minister Farooq Abdullah, ఫరూక్ పై కఠిన చట్ట ప్రయోగం.. కేంద్రానికి ‘సుప్రీం’ నోటీసు

జమ్మూకాశ్మీర్ మాజీ సీఎం ఫరూక్ అబ్దుల్లాపై కేంద్రం అత్యంత కఠినమైన ‘ ప్రజా భద్రత చట్టాన్ని ‘ (పబ్లిక్ సేఫ్టీ యాక్ట్) ప్రయోగించింది. ఈ చట్టం కింద నిర్బంధిస్తే .. రెండేళ్ల వరకూ కేసు విచారణకు కూడా వీలు ఉండదు. ఫరూక్ ను అక్రమంగా హౌస్ అరెస్టు చేశారని, ఆయనను విడుదల చేయాలని కోరుతూ ఎండీఎంకె నేత వైగో దాఖలు చేసిన పిటిషన్ ను సుప్రీంకోర్టు విచారణకు చేపట్టిన రోజే ఈ చట్టం కింద పోలీసులు ఫరూక్ ను అరెస్టు చేశారు. జమ్మూకాశ్మీర్లో శాంతి భద్రతలకు ఆయన విఘాతం కలిగిస్తున్నారన్న ఆరోపణలు ఉన్నాయి. ఈ నేపథ్యంలో ‘ పబ్లిక్ ఆర్డర్ ‘ కింద మూడు నెలల స్వల్ప కాలంపాటు నిర్బంధంలోకి తీసుకోవచ్చు. ఇప్పటివరకు ఫరూక్ అబ్దుల్లా శీనగర్లోని తన నివాసంలో అనధికారిక గృహ నిర్బంధంలో ఉన్నారు. దీన్ని ఇక ‘ జైలు శిక్ష ‘ గా మార్చనున్నారు. ఒక సీనియర్ రాజకీయ నేత. ముఖ్యంగా ఎంపీ, మూడుసార్లు ముఖ్యమంత్రిగా వ్యవహరించిన 83 ఏళ్ళ వ్యక్తిపై పబ్లిక్ సేఫ్టీ యాక్ట్ ను ప్రయోగించడం ఇదే మొట్టమొదటిసారి. సాధారణంగా ఉగ్రవాదులను, లేదా వేర్పాటువాదులను, సంఘ వ్యతిరేక శక్తులను ఈ చట్టం కింద అరెస్టు చేస్తుంటారు.
కాశ్మీర్ విషయంలో కేంద్రం అనుసరిస్తున్న విధానాన్ని విమర్శిస్తూ ఫరూక్ మీడియా ముందుకు వెళ్లిన పక్షంలో.. అది త్వరలో జరగనున్న ఐక్యరాజ్యసమితి జనరల్ అసెబ్లీ సమావేశాల్లో ప్రభుత్వానికి ఇరకాట పరిస్థితిని సృష్టించవచ్చునని, బహుశా అందుకే ముందు జాగ్రత్త చర్యగా ఫరూక్ పట్ల ఈ చట్టాన్ని ప్రయోగించి ఉండవచ్ఛునని భావిస్తున్నారు.
కాగా-తన చిరకాల మిత్రుడైన ఫరూక్ ను విడుదల చేసేలా చూడాలని, తద్వారా ఆయన చెన్నైలో జరిగే ఓ కార్యక్రమానికి హాజరు కాగల్గుతారని వైగో దాఖలు చేసిన పిటిషన్ పై సుప్రీంకోర్టు కేంద్రానికి నోటీసు జారీ చేసింది. కేంద్ర ప్రభుత్వ చర్యలు పూర్తి నిరంకుశంగా ఉన్నాయని వైగో తన పిటిషన్ లో ఆరోపించారు. అయితే కేంద్రం దీన్ని ఖండిస్తూ.. వైగో.. ఫరూక్ బంధువు కారని, ఫరూక్ ను రిలీజ్ చేయాలన్న ఆయన అభ్యర్థన చట్టాన్ని కాలరాయడమేనని పేర్కొంది. ఈ పిటిషన్ ను విచారించిన చీఫ్ జస్టిస్ రంజన్ గొగోయ్ తో కూడిన త్రిసభ్య ధర్మాసనం కేంద్రంతో బాటు జమ్మూ కాశ్మీర్ కు కూడా నోటీసు పంపుతూ.. ఈ నెల 30 న ఈ పిటిషన్ పై తిరిగి విచారణ చేపట్టాలని తీర్మానించింది.

.

Related Tags