Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • భారత్ బయోటెక్‌కు ఐసీఎంఆర్ డీజీ బలరాం భార్గవ లేఖ. భారత కరోనా వ్యాక్సిన్ క్లినికల్ ట్రయల్స్ వేగవంతం చేయాలని సూచన. ఫాస్ట్-ట్రాక్ పద్ధతిలో క్లినికల్ ట్రయల్స్ చేస్తే ఆగస్ట్ 15 నాటికి అందుబాటులోకి వ్యాక్సిన్. పంద్రాగస్టు సందర్భంగా వ్యాక్సిన్ లాంఛ్ చేసే అవకాశం.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • తల్లితండ్రుల పిల్ పై హైకోర్టులో విచారణ వాయిదా. 13వ తారీఖున సమగ్ర నివేదికతో రమ్మని ప్రభుత్వానికి చెప్పిన హైకోర్టు. ఇంకా విద్యా సంవత్సరం ప్రారంభం కాలేదని కోర్టుకు తెలిపిన ఏజీ. ఏ నిర్ణయం తీసుకోకుండా ఆన్లైన్ క్లాసులు ఎందుకు నిర్వహిస్తున్నారని ప్రశ్నించిన హైకోర్టు. కేసులో ఇంప్లీడ్ అయిన ఇండిపెండెంట్ స్కూల్ మేనేజ్మెంట్ అసోసియేషన్. రెండు నెలల క్రితమే సీబీఎస్ఈ సిలబస్ ప్రారంభమైందని తెలిపిన isma తరపు సీనియర్ న్యాయవాది. ఆన్లైన్ తరగతులపై తల్లిదండ్రులకు పై ఎలాంటి ఒత్తిడి లేదు. ఆన్లైన్ క్లాసెస్ ఆప్షన్ మాత్రమే అని తెలిపిన ఇస్మా తరపు న్యాయవాది.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • ఈరోజు దక్షిణ తెలంగాణ జిల్లాల్లో భారీ వర్షాలు. రాగల మూడు రోజులు తేలికపాటి నుండి ఓ మోస్తరు వర్షాలు. ఉపరితల ఆవర్తనం తో పాటు షీర్ జోన్ ఏర్పడింది. ఆంధ్ర తీరానికి సమీపంలో కేంద్రీక`తమైన ఆవర్తనం. పశ్చిమ బంగాళాఖాతం లో 3.1 కి.మీ ఎత్తు వద్ద కొనసాగుతున్న ఉపరితల ఆవర్తనం. - వాతావరణ శాఖ సీనియర్ సైంటిస్టు రాజారావు.
  • జ్యూడిషయల్ లోకరోనా కలకలం . సికింద్రాబద్ జ్యుడీషయల్ అకాడమీ లో కరోనాతో అటెండర్ మృతి . జ్యుడిషయల్ అకాడమీ కేంద్రం గా జరుగుతున్న వీడియో కాన్ఫరెన్స్. ఆందోళనలో న్యాయవాదులు.

ఫలించిన వైద్యం..పిల్లల మర్రికి కొత్త ఊడలు..!

Pillalamarri (Children's Banyan) or Peerlamarri (Saints Banyan) is an 800-year-old., ఫలించిన వైద్యం..పిల్లల మర్రికి కొత్త ఊడలు..!

మహబూబ్‌నగర్‌ ః 18వ శతాబ్ధం ఆరంభం..1706వ సంవత్సరం…బీజాపూర్‌, హైదరాబాద్‌ సుబేదార్‌ అయినటువంటి నిజాం రాజు బిక్షఖాన్‌..హైదరాబాద్‌ రాష్ట్రాన్ని ఏర్పాటు చేశాడు. అప్పుడు మహబూబ్‌నగర్‌ జిల్లా నిజాం పాలనలోకి వెళ్లింది. ఈ ప్రాంతాన్ని పరిశీలించిన మహబూబ్‌ఖాన్‌ పేరు మీద మహబూబ్‌నగర్‌గా పేరు వాడుకలోకి వచ్చిందనేది చరిత్ర. మహబూబ్‌నగర్‌కు గల మరో పేరే పాలమూరు. పాలమూరు జిల్లాకే తలమానికం పిల్లలమర్రి. ఇప్పుడా పిల్లలమర్రి పూర్వ వైభవాన్ని సంతరించుకుంటోంది. అధికారులు అందించిన సెలైన్‌ వైద్యం ఫలించి కొత్త చిగుర్లు వేస్తోంది.
మహబూబ్‌నగర్‌ జిల్లా కేంద్రానికి 4 కి.మీ దూరంలో ఆసక్తి గొలిపే దృశ్యం ఒకటి కనిపిస్తుంది. అదే విశాలమైన వటవృక్షం. అదే పిల్లలమర్రిగా పిలువబడే మర్రి మహావృక్షం. ఒకే ఒక్క మర్రిచెట్టు నుండి దాని ఊడల ద్వారా 4 ఎకరాల పరిధిలో మర్రిచెట్లు ఏర్పడ్డాయి. అసలు మొదటి మర్రిచెట్టు మ్రానేదో ఎవరికీ తెలియదు. చివరికి ఎంతమంది శాస్త్రవేత్తలు ఎన్ని పరిశోధనలు జరిపినా ఫలితం మాత్రం శూన్యం. ఇక దూరం నుంచి చూస్తే..పచ్చని చెట్లకు నెలవైన చిన్న పర్వతంలా కనిపించే పిల్లల మర్రి సమీపిస్తున్న కొలది ఆకుపచ్చని అందాల గొడుగు లాగా కనిపిస్తుంది. దీని నీడలో కనీసం వెయ్యిమంది హాయిగా సేద తీరవచ్చు. 8 వందల ఏళ్ల వయసు కలిగిన ఈ మహావృక్షం తాలూకు కొమ్మలే ఊడల్లాగా పిల్లలై ఈ చెట్టుకు పిల్లలమర్రిగా పేరు వచ్చింది.
గత కొంతకాలంగా నిరాదరణకు గురైన పిల్లలమర్రి మహావృక్షం చెదలు పట్టి నిర్జీవంగా మారే పరిస్థితికి చేరింది. చారిత్రక సంపదగా పేరుగాంచిన మహావృక్షాన్ని కాపాడుకోవాలనే లక్ష్యంగా పర్యాటక శాఖ, పురావస్తు శాఖా అధికారులు యుద్ధప్రాతిపదికన చర్యలు చేపట్టారు. గత రెండేళ్లుగా చెట్టుకు చికిత్స నందిస్తూ వచ్చారు. చెదలు పట్టి కుంగిపోతున్న ఊడలకు సెలైన్‌ బాటిళ్ల ద్వారా మందులు ఎక్కించారు. సెలైన్‌ చికిత్సపై మొదట్లో అందరూ ఆశ్చర్యం వ్యక్తం చేసినప్పటికీ సెలైన్‌ చికిత్స మంచి ఫలితాలనిచ్చింది. చెట్టును కాపాడుకోవాలనే లక్ష్యంతో జిల్లా కలెక్టర్, అటవీ శాఖ అధికారులు ప్రత్యేక చర్యలు చేపట్టారు. చెట్టు ప్రాంగణంలోకి ఎవరినీ అనుమతించకుండా..అనేక స్లోగన్స్‌తో ప్రత్యేక బోర్డులను ఏర్పాటు చేశారు. అనంతరం చెట్టుకు సెలైన్‌ బాటిల్స్‌తో చికిత్స అందించారు. చెదలు పట్టిన పదుల సంఖ్యలో ఊడలకు ప్రత్యేకంగా పైపులు అమర్చి వాటికి కెమికల్స్‌ కలిపిన మట్టిని వాడారు. దీంతో రెండేళ్లలో దాదాపు 45 చోట్ల కొత్త ఊడలు ఏర్పడ్డాయి. ఇక పడిపోయిన రెండు భారీ ఊడలు సైతం మళ్లీ చిగురించాయి. అధికారుల ప్రయత్నం.. జీవం కోల్పోతున్న మహావృక్షానికి పూర్వ వైభవం తెచ్చింది. మళ్లీ చిగురిస్తున్న ఆకులతో, కొత్తగా ఏర్పడుతున్న ఊడలతో మహావృక్షం పచ్చగా కళకళలాడుతూ కనిపిస్తుంది.
దేశంలోనే మూడో అతిపెద్ద మహావృక్షంగా పేరుగాంచిన పిల్లల మర్రి సందర్శకులను సైతం ఎంతగానో ఆకర్షిస్తోంది. సెలవుదినాల్లో ముఖ్యంగా ఆదివారం రోజున పర్యాటకులతో ఈ ప్రాంతం రద్దీగా మారుతుంది. అయితే, పిల్లలమర్రి పరిసరాల్లో సదుపాయాలు సరిగా లేవనే ఆరోపణలు వస్తున్నాయి. పిల్లలమర్రిని పర్యాటక కేంద్రంగా మరింత అభివృద్ధి చేయాలని, సందర్శకులకు అవసరమైన తాగునీరు, ఆహారం, చిన్న పిల్లలకు అవసరమైన ఆటలకు సంబంధించి మరిన్ని చర్యలు చేపట్టాలని పర్యాటకులు కోరుతున్నారు. పిల్లలమర్రి అభివృద్దితో పాలమూరు ప్రజలకు సైతం..ఉపాధి అవకాశాలు లభిస్తాయని స్థానికులు ఆశాభావం వ్యక్తం చేస్తున్నారు.

Pillalamarri (Children's Banyan) or Peerlamarri (Saints Banyan) is an 800-year-old., ఫలించిన వైద్యం..పిల్లల మర్రికి కొత్త ఊడలు..!

Related Tags