Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

జగనే స్ఫూర్తి.. వైసీపీలో వి.వి.వినాయక్.?

VV Vinayak May Shortly Join YSRCP, జగనే స్ఫూర్తి.. వైసీపీలో వి.వి.వినాయక్.?

ప్రముఖ దర్శకుడు వి.వి.వినాయక్ సినిమాలను వదిలేసి రాజకీయాల వైపు అడుగులు వేస్తున్నారా.? ఆయన త్వరలోనే వైసీపీ కండువా కప్పుకోనున్నారా.? తాజాగా జరుగుతున్న పరిణామాలు చూస్తుంటే వినాయక్ పొలిటికల్ ఎంట్రీ ఖాయమేనని స్పష్టమవుతున్నాయి. గతంలో వైఎస్ ఫ్యామిలీతో తమకు అత్యంత సన్నిహిత సంబంధాలు ఉన్నాయన్న అయన.. అవకాశం వచ్చినా నాడు రాజకీయాల్లోకి రాలేదు. అయితే ఇటీవల వినాయక్ కాపు కార్పొరేషన్ చైర్మన్‌గా తూర్పు గోదావరి జిల్లా రాజానగరం ఎమ్మెల్యే జక్కంపూడి రాజా ప్రమాణ స్వీకార కార్యక్రమంలో పాల్గొన్నారు. ఆ సమయంలో ఆయన వైసీపీ పార్టీ, జగన్‌పై చేసిన ఆసక్తికరమైన వ్యాఖ్యలు.. వినాయక్ పాలిటిక్స్‌పై దృష్టి సారిస్తున్నారని అర్ధమవుతున్నట్లు విశ్లేషకులు అంటున్నారు.

విజయవాడలో జరిగిన ఈ కార్యక్రమానికి హాజరైన వినాయక్ తనదైన శైలి ప్రసంగంతో అందరి దృష్టిని ఆకర్షించారు. ఏపీ సీఎం జగన్మోహన్ రెడ్డి తనకు ఎలా మార్గదర్శకుడయ్యాడన్న విషయాన్ని చాలా ఆసక్తికరంగా వివరించాడు ఈ దర్శకుడు. సీఎంగా పదవీ ప్రమాణం చేసే సమయంలో జగన్ చేసిన ప్రసంగాన్ని ప్రస్తావించిన వినాయక్.. ఎన్నికల్లో విజయం సాధించిన అనంతరం 4 కోట్ల మందిలో సీఎం అయ్యే అవకాశం భగవంతుడు నాకు ఇచ్చాడు అని జగన్ అన్నారని – ఆ మాటలు తనకు బాగా నచ్చాయని చెప్పుకొచ్చారు.

ఆ మాటల వల్లే దర్శకుడిగా ఉన్న తాను నటుడిగా మారేందుకు జిమ్‌కు వెళ్తున్నానని వినాయక్ అన్నారు. ఇలా జగన్‌పై తనకు ఉన్న అభిమానాన్ని మాటల్లో వర్ణించారు. మొత్తంగా జగన్ చేసిన సదరు వ్యాఖ్యలు తన గమనాన్నే మార్చేసిందని ఆయన అన్నారు. దీని బట్టి చూస్తుంటే త్వరలోనే వినాయక్ వైసీపీ తీర్ధం పుచ్చుకునే అవకాశాలు ఉన్నాయని తెలుస్తోంది. అయితే ఆయన ఎప్పుడూ రాజకీయాల గురించి ఓపెన్‌గా ప్రస్తావించలేదు. కొంతమంది నేతలు వైసీపీలోకి చేరతారని చెబుతుంటే.. మరికొందరు సినిమాల్లోనే కొనసాగుతారని అంటున్నారు. చూడాలి మరి ఆయన రాజకీయాల్లోకి ఎంట్రీ ఇస్తారో.. లేదా జగన్‌కు సపోర్టర్‌గానే ఉంటారో.