పాలసీ మార్చిన ఫేస్‌బుక్‌.. ట్రంప్ కు షాక్ !

ఫేస్‌బుక్‌ తన పాలసీ మార్చుకుంది. అమెరికా అధ్యక్షుడు ట్రంప్ పెట్టిన ఓ పోస్ట్ కింద ‘డిస్ క్లైమర్’ (మాకు సంబంధంలేదు) అనే పదాన్ని జోడించింది. ఎన్నికల్లో మెయిల్-ఇన్-ఓటింగ్ అవినీతికి దారి తీస్తుందని ట్రంప్ చేసిన వ్యాఖ్యను పోస్ట్ చేసి.. ఇది తమ అభిప్రాయం కాదన్నట్టు ఈ వర్డ్ ని ప్రముఖంగా పేర్కొంది. ప్రపంచ నేతలతో సహా ఎవరు తప్పుడు సమాచారమిచ్చినా.. ఇందుకు వారే బాధ్యులన్నట్టు ఇకపై ఇలాగే స్పష్టం చేయనుంది. మెయిల్-ఇన్-ఓటింగ్ ఎన్నికల వ్యవస్థలో అవినీతికి దారి తీస్తుందని, ఈ విధానాన్ని కోర్టులే మార్చవలసి ఉంటుందని  ట్రంప్ తన పోస్ట్ లో పేర్కొన్నారు. ‘రిగ్డ్ ఎలెక్షన్” అనే హ్యాష్ ట్యాగ్ ని కూడా ఆయన యాడ్ చేశారు. హింసకు దారి తీసే, లేదా రెచ్చగొట్టే, లేక ఎన్నికల సందర్భంలో ప్రజలను తప్పుదారి పట్టించే కంటెంట్ కి ఇక తాము బాధ్యులం కాదని, అసలు ఇలాంటి కంటెంట్ ని తొలగిస్తామని ఫేస్‌బుక్‌ ఇదివరకే ప్రకటించింది.