ఆ యాప్ వాడారో.. ’ఫేస్‘ టర్నింగ్ ఇచ్చుకోవాల్సిందే..!
ఏజ్ ఫిల్టర్ అంటూ ఓవర్ నైట్లో వైరల్ అయిపోయిన రష్యన్కు చెందిన ఫొటో ఎడిటింగ్ యాప్ ‘ఫేస్ యాప్’ భారత్లో సాంకేతిక సమస్యను ఎదుర్కొంటుంది. ఈ యాప్ను వాడుతున్న పలువురు యూజర్లు ఇబ్బందులను ఎదుర్కొన్నారు. యాప్స్ డౌన్లోడర్లైన గూగుల్ ప్లే, యాపిల్స్ యాప్ స్టోర్లో ఫేస్ యాప్ ప్రస్తుతం దొరుకుతున్నప్పటికీ.. వాడుతున్నప్పుడు మాత్రం సమస్య వస్తోంది. దీనిపై పలువురు నెటిజన్లు సోషల్ మీడియా వేదికగా ఆ సంస్థను ప్రశ్నలతో ముంచెత్తుతున్నారు. ఈ యాప్ను వాడుతున్న ఆండ్రాయిడ్ యూజర్లకు […]
ఏజ్ ఫిల్టర్ అంటూ ఓవర్ నైట్లో వైరల్ అయిపోయిన రష్యన్కు చెందిన ఫొటో ఎడిటింగ్ యాప్ ‘ఫేస్ యాప్’ భారత్లో సాంకేతిక సమస్యను ఎదుర్కొంటుంది. ఈ యాప్ను వాడుతున్న పలువురు యూజర్లు ఇబ్బందులను ఎదుర్కొన్నారు. యాప్స్ డౌన్లోడర్లైన గూగుల్ ప్లే, యాపిల్స్ యాప్ స్టోర్లో ఫేస్ యాప్ ప్రస్తుతం దొరుకుతున్నప్పటికీ.. వాడుతున్నప్పుడు మాత్రం సమస్య వస్తోంది. దీనిపై పలువురు నెటిజన్లు సోషల్ మీడియా వేదికగా ఆ సంస్థను ప్రశ్నలతో ముంచెత్తుతున్నారు. ఈ యాప్ను వాడుతున్న ఆండ్రాయిడ్ యూజర్లకు ‘‘సంథింగ్ వెంట్ రాంగ్, ప్లీజ్ ట్రై అగైన్’’ అని చూపిస్తుండగా.. ఐఓఎస్ యూజర్లకు ‘‘ApiRequestedError error 6- Operation couldn’t be completed’’ అని చూపించింది. అయితే ఈ ఉదయం నుంచి యాప్ మళ్లీ పనిచేయడం ప్రారంభించింది. కాగా కొన్ని గంటల పాటు ఈ యాప్ భారత్లో ఎందుకు పనిచేయడం లేదన్న దానిపై ఇంకా సంస్థ స్పందించలేదు.
ఫేస్యాప్ ద్వారా మన ముఖాలను వృద్ధులుగా లేదా యవ్వనంగా.. ఎలా కావాలనుకుంటే అలా మార్చుకునేందుకు వీలుగా ఉంటుంది. అలాగే ఇందులో ఒక రెగ్యులర్ ఫొటోకు స్మైల్ను కూడా పెట్టుకునే వీలుంటుంది. దీంతో ఈ యాప్ ఇటీవల ఇండియాలో బాగా పాపులర్ అయ్యింది. ఎంతలా అంటే వారి ఫొటోలతో మొదలుకొని సెలబ్రిటీల ఫొటోలను కూడా ఈ యాప్తో మార్చి వాటిని సోషల్ మీడియాలో షేర్ చేసి వైరల్ చేశారు. కాగా ప్రస్తుతం ఈ యాప్ యాపిల్ ప్లే స్టోర్లో ఒకటవ స్థానంలో ట్రెండ్ అవుతుండగా.. గూగుల్ ప్లే స్టోర్లో మూడో స్థానంలో ఉంది.
అయితే ఈ యాప్ను వాడే ముందు జాగ్రత్తగా ఉండాలంటున్నారు నిపుణులు. అదెలా అంటే ఫేస్యాప్ వాడే ప్రతి వ్యక్తి ఆ యాప్ టర్మ్స్ అండ్ కండీషన్స్కు ఓకే చెప్పాల్సి ఉంటుంది. అయితే ఈ నిబంధనల్లోనే ఓ పెద్ద మెలిక ఉంది. అదేంటంటే యూజర్లు యాప్లో స్టోర్ చేసే తమ సమాచారంతో పాటు ప్రొసెసింగ్ కోసం సర్వర్లలోకి అప్లోడ్ చేసే ఫొటోలు ఇతర డేటాను ఫేస్ యాప్ ఎలా కావాలంటే అలా వాడుకోవచ్చు. ఉదాహరణకు ఇండియాలో యాప్ ఉపయోగించిన వ్యక్తుల ఫొటోలు, డేటాను ఈ యాప్ వేరే దేశాల్లో తమకు కావాల్సినట్లు ఉపయోగించుకోవచ్చు. లేదా ఆ సమాచారాన్ని ఇతరులకు అమ్ముకోవచ్చు. అయితే మనం టర్మ్స్ అండ్ కండీషన్స్కు ఓకే చెప్పినందు వల్ల ఆ కంపెనీపై ఎలాంటి చర్యలు తీసుకునే అవకాశం ఉండదు. ఇక ఈ డేటాను ఉపయోగించి ఫేస్ యాప్ ఫేక్ రికగ్నిషన్ స్మార్ట్ ఫోన్ అన్ లాకింగ్, ఆర్టిఫీషియల్ ఇంటలిజెన్స్ ద్వారా ఫొటోలను మార్ఫింగ్ చేయడం తదితర చర్యలకు పాల్పడే అవకాశముంది. ఈ విషయం యూజర్లకు తెలీడం లేదు. అందుకే యూజర్లు ఫేస్ యాప్ వాడే ముందు ఆలోచించుకోవాలని నిపుణులు హెచ్చరిస్తున్నారు.