Breaking News
  • విజయనగరం: కొత్తవలస మండలం అప్పనపాలెంలో రోడ్డుప్రమాదం. ఆటోను ఢీకొన్న కారు, నలుగురికి తీవ్రగాయాలు, ఆస్పత్రికి తరలింపు.
  • అమరావతి: రేపు టీడీఎల్పీ సమావేశం. మంగళగిరి టీడీపీ కార్యాయలంలో ఉ.10:30కి సమావేశం. అసెంబ్లీలో అనుసరించాల్సిన వ్యూహంపై చర్చ. మధ్యాహ్నం నుంచి ముఖ్యనేతలతో చంద్రబాబు సమావేశం.
  • ఢిల్లీ: నిర్భయ కేసు. న్యాయవాది ఏపీ సింగ్‌కు బార్‌ కౌన్సిల్‌ నోటీసులు. రెండు వారాల్లోగా సమాధానం చెప్పాలని ఆదేశం. న్యాయవాది ఏపీ సింగ్‌పై విచారణకు ఆదేశించిన ఢిల్లీ హైకోర్టు. నిర్భయ దోషుల తరఫున వాదిస్తున్న ఏపీ సింగ్.
  • నల్గొండ: మున్సిపల్‌ ఎన్నికల్లో టీఆర్‌ఎస్‌కు ఓట్లు అడిగే హక్కులేదు-ఉత్తమ్‌. 40 లక్షల మంది ఎస్సీలకు కేబినెట్‌లో మంత్రి పదవి లేదు. మున్సిపల్‌ ఎన్నికల్లో టీఆర్‌ఎస్‌, కేసీఆర్‌కు షాక్‌ తప్పదు-ఉత్తమ్‌కుమార్‌.
  • ఓయూ అసిస్టెంట్‌ ప్రొ.కాశిం ఇంటిపై పోలీసుల దాడిని ఖండించిన సీపీఐ. కాశిం ఇంటిపై పోలీసుల దాడి అప్రజాస్వామికం-చాడ వెంకట్‌రెడ్డి. రాష్ట్రంలో పాలన ఎమర్జెన్సీని తలపిస్తోంది. కాశిం ఇంట్లో సోదాలను వెంటనే నిలిపివేయాలి-చాడ వెంకట్‌రెడ్డి.

బాబు, బాలయ్య, కేశవ్ మినహా సీమలో జగన్ పాగా

YSRCP Wave In Rayalaseema, బాబు, బాలయ్య, కేశవ్ మినహా సీమలో జగన్ పాగా

రాయలసీమలో వైసీపీ ప్రభజనం సృష్టించింది. ముందుగా అధినేత జగన్ సొంత జిల్లా కడపలోొ పార్టీ  క్లీన్ స్వీప్ చేసింది. పులివెందుల నుంచి పార్టీ అధినేత జగన్ 90,543 ఓట్ల భారీ మెజార్టీతో గెలిచారు. 2014 లోనే జగన్ వైపు నిలిచిన కర్నూల్ జిల్లా ఈ సారి ఆ బలాన్ని మరింత పెంచుకొని క్లీన్ స్వీప్ చేసేసింది. ఇక చిత్తూరులో మొత్తం 14 స్థానాలు ఉండగా 13 సీట్లను వైసీపీ కొల్లగొట్టింది. చంద్రబాబు సొంత జిల్లా అయిన చిత్తూరులో ఆయన ఒక్కరు మాత్రమే గెలవగలిగారు. ఇక అనంతపురంలో హిందూపూర్, ఉరవకొండ స్థానాలను టీడీపీ గెలుచుకుంది. తమ పార్టీకి సాంప్రదాయంగా వస్తున్న హిందూపూర్ స్థానంలో బాలయ్య మరోసారి సత్తా చాటగా..ఉరవకొండలో పయ్యావుల కేశవ్ ఉత్కంఠ పోరులో స్వల్ప మెజార్టీతో విజయం సాధించారు. ఇక రాజకీయ ప్రాభవం కలిగిన కోట్ల, కేఈ కుటుంబాలు తమ ప్రాభవాన్ని కొల్పోయాయి. ఏది ఏమైనా సీమలో జగన్ సింహనాదం చేశారు.