Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

మనీలాండరింగ్ కేసులో పాక్ మాజీ అధ్యక్షుడు జర్ధారీ అరెస్ట్

Ex-Pakistan President Asif Ali Zardari arrested, మనీలాండరింగ్ కేసులో పాక్ మాజీ అధ్యక్షుడు జర్ధారీ అరెస్ట్

మనీలాండరింగ్ కేసులో పాక్ మాజీ అధ్యక్షుడు అసిఫ్ అలీ జర్ధారీ అరెస్టయ్యారు. ఈ కేసులో జర్ధారీ బెయిల్ పిటిషన్‌ను ఇస్లామాబాద్ హైకోర్టు తిరస్కరించడంతో నేషనల్ అకౌంటబిలిటీ బ్యూరో(ఎన్ఏబీ) అధికారులు ఇస్లామాబాద్‌లోని ఆయన నివాసంలో జర్ధారీని అరెస్టు చేశారు. రేపు(మంగళవారం) ఆయన ఎన్ఏబీ అధికారులు కోర్టు ఎదుట హాజరుపర్చి జైలుకు తరలించనున్నట్లు పాక్ మీడియా తెలిపింది. జర్ధారీ పాకిస్థాన్ పీపుల్స్ పార్టీ(పీపీపీ) కో-ఛైర్మన్‌గానూ వ్యవహరిస్తున్నారు.

జర్ధారీ, ఆయన సోదరి ఫర్యాల్ తాల్పర్‌కు పలు బ్యాంకుల్లో నకిలీ అకౌంట్లు ఉన్నాయని, నల్లధనాన్ని ఇందులో దాచినట్లు ఆరోపణలు ఎదుర్కొంటున్నారు. దీనిపై ఎన్ఏబీ కేసులు వేయడంతో వారు ముందస్తు బెయిల్ కోసం ఇస్లామాబాద్ హైకోర్టును ఆశ్రయించారు. ముందస్తు బెయిల్ పిటిషన్లను హైకోర్టు ద్విసభ్య బెంచ్ సోమవారం తిరస్కరించింది. జర్ధారీతో పాటు ఆయన సోదిరిని అరెస్టు చేసేందుకు ఎన్ఏబీకి కోర్టు అనుమతి మంజూరు చేసింది. హైకోర్టు తీర్పు నేపథ్యంలో జర్ధారీ బెయిల్ కోసం సుప్రీంకోర్టును ఆశ్రయించనున్నట్లు తెలుస్తోంది.