Breaking News
  • ఏపీ రాజధానిగా అమరావతిని గుర్తించిన సర్వే ఆఫ్‌ ఇండియా. జమ్ము-కశ్మీర్‌ విభజన తర్వాత విడుదల చేసిన కొత్త మ్యాప్‌లో ఏపీ రాజధానిగా ఏ నగరాన్ని చూపని సర్వే ఆఫ్‌ ఇండియా. తీవ్ర అభ్యంతరం వ్యక్తం చేసిన ఆంధ్రప్రదేశ్‌ ఎంపీలు. ఏపీ ప్రభుత్వం ఇచ్చిన పత్రాల ఆధారంగా అమరావతిని రాజధానిగా గుర్తిస్తూ కొత్తమ్యాప్‌ విడుదల చేసిన సర్వేఆఫ్‌ ఇండియా.
  • యాదాద్రి: బైక్‌ను ఢీకొన్న గూడ్స్‌ రైలు. భర్త రాంరెడ్డి మృతి, భార్య రాధకు తీవ్రగాయాలు. భువనగిరి మండలం రాయగిరి రైల్వేస్టేషన్‌ దగ్గర ఘటన.
  • పార్టీ మారతారన్న వార్తలపై స్పందించిన మంత్రి ఈటల. నేను పార్టీ మారను-మంత్రి ఈటల. గాలి వార్తలపై నేను స్పందించను. చెప్పే వాళ్లు ఎన్నైనా చెప్తారు-మంత్రి ఈటల.
  • సుజనాచౌదరి వ్యాఖ్యలకు మంత్రి మోపిదేవి కౌంటర్‌. గోడ దూకే ఎంపీలెవరూ వైసీపీలో లేరు. జగన్‌పై ఎంపీలు, ఎమ్మెల్యేలకు సంపూర్ణ విశ్వాసం ఉంది. తిరుమలను ఆర్ధిక వనరుగా భావించే ఆలోచన ప్రభుత్వానికి లేదు -మంత్రి మోపిదేవి వెంకటరమణ.
  • ఈ ప్రపంచంలో దేనికైనా రంగులు వేయొచ్చు కష్టానికి తప్ప. అమరావతిని అంతర్జాతీయ పటంలో పెట్టింది చంద్రబాబు. అమరావతిని చేర్చి సర్వే ఆఫ్‌ ఇండియా కొత్త మ్యాప్‌ విడుదల చేసేలా లోక్‌సభలో పోరాడిన గల్లా జయదేవ్‌కు అభినందనలు-ట్విట్టర్‌లో నారా లోకేష్‌

బ్రేకింగ్: 12 రోజులుగా అజ్ఞాతంలో ఉన్న చింతమనేని అరెస్టు..

Chinthamaneni Prabhakar Arrest, బ్రేకింగ్: 12 రోజులుగా అజ్ఞాతంలో ఉన్న చింతమనేని అరెస్టు..

టీడీపీ నేత చింతమనేని ప్రభాకర్‌ను పోలీసులు అరెస్టు చేశారు. కేసుల కారణంగా 12 రోజులుగా అజ్ఞాతంలో ఉన్న చింతమనేని.. అనారోగ్యంతో ఉన్న తన భార్యను చూసేందుకు దుగ్గిరాలలోని తన నివాసం వద్దకు వచ్చారు. సమాచారం అందుకున్న పోలీసులు అదే సమయంలో ఆయన్ని అరెస్టు చేశారు. చింతమనేనిని కలిసేందుకు వచ్చిన టీడీపీ కార్యకర్తలు ఆయన అరెస్టును అడ్డుకునేందుకు ప్రయత్నించారు. ఎస్సీ, ఎస్టీ అట్రాసిటీ సహా పలు కేసుల్లో చింతమనేని నిందితుడిగా ఉన్నారు. అయితే తనను అరెస్టు చేయడాన్ని చింతమనేని ఖండించారు. 12 రోజులుగా తాను ఇంట్లోనే ఉన్నానని చెప్పారు. కుట్రపూరితంగా తనపై కేసులు నమోదు చేసి.. కావాలనే అరెస్టు చేశారని ఆయన ఆరోపించారు. దీనిపై మరింత సమాచారం తెలియాల్సి ఉంది.