‘ఎమ్మెల్యే శిల్పా రవికి వారం టైం..’ సవాల్ విసిరిన భూమా అఖిల ప్రియ

సుబ్బారాయుడు హత్యకేసులో భూమా కుటుంబానికి సంబంధం ఉందని దమ్ముంటే వారంరోజుల లోపల నిరూపించాలని టీడీపీ నేత, మాజీమంత్రి భూమా అఖిల ప్రియ సవాల్ విసిరారు. నంద్యాల వైసీపీ ఎమ్మెల్యే శిల్పా రవి చేసిన ఆరోపణలు నిరూపిస్తే తాను రాజకీయాల నుంచి తప్పుకుంటానని చెప్పారు. అలా కాని పక్షంలో తమపై తప్పుడు కేసులు పెడితే విడిచిపెట్టనని హెచ్చరించారు. శిల్పా రవి నోరు అదుపులో పెట్టుకోవాలని అఖిల వార్నింగ్ ఇచ్చారు. నంద్యాల డివిజన్‌లో ఏది జరిగినా భూమా కుటుంబం మీద బురదజల్లుతున్నారని.. శిల్పా రవి పుట్టక ముందే తన తండ్రి భూమా నాగిరెడ్డి రాజకీయాల్లో ఉన్నారని ఆమె అన్నారు. తన తండ్రి మీద కేసుల మీద కేసులు పెట్టి హింసించారని అఖిలప్రియ గుర్తుచేసుకున్నారు. కాగా, ఇటీవల నంద్యాలలో వైసీపీ నేత, న్యాయవాది సుబ్బరాయుడుని గుర్తు తెలియని వ్యక్తులు హత్య చేశారు. వాకింగ్‌కు వెళ్లిన సమయంలో కర్రలతో కొట్టి ఆయన్ను చంపినట్లు పోలీసులు నిర్ధారించారు. ప్రతి యాక్షన్‌కి రియాక్షన్ ఉంటుంది: భూమా కుటుంబంపై ఎమ్మెల్యే ఫైర్‌