ఆ మాజీ లవర్ల ప్రేమ, ముద్దులు.. అదంతా ఓ బూటకం..!

హిందీ బిగ్ బాస్‌లో ప్రస్తుతం మాజీ లవర్స్ మధ్య రొమాన్స్ పీక్ స్టేజికి చేరుకున్నట్లు కనిపిస్తోంది. విశాల్ ఆదిత్య సింగ్, మధురిమ తులి.. వీళ్లిద్దరి గురించి ప్రత్యేకంగా చెప్పాల్సిన అవసరం లేదు. ఈ జంట పలుసార్లు లైవ్ కార్యక్రమాల్లోనే గొడవ పడిన సందర్భాలు ఎన్నో ఉన్నాయి. అలా ఇద్దరూ కూడా తమ రిలేషన్‌కు కొద్దికాలం క్రితమే ఫుల్ స్టాప్ పెట్టారు. అయితే అనుకోని విధంగా ఇప్పుడు ఈ జంట బిగ్ బాస్‌లోకి ఎంట్రీ ఇచ్చారు.

ఇక తాజాగా బిగ్ బాస్ ఎపిసోడ్ చూస్తే వీళ్లిద్దరి మధ్య మళ్ళీ ప్రేమ చిగురించినట్లు ఉంది. ఇద్దరూ కూడా ఒకే బ్లాంకెట్‌లో ముద్దు పెట్టుకోవడం కెమెరాలకు చిక్కింది. హౌస్‌లో చూపించే ప్రేమను.. రిలేషన్‌లో ఉన్నప్పుడే తనపై చూపించి ఉంటే విడిపోయే వాళ్ళం కాదని విశాల్ అంటుంటే.. మనల్ని తిరిగి ఒకటి చేయడానికే బిగ్ బాస్ షోకు పిలిచి ఉంటాడని మధురిమ ముద్దుముద్దుగా చెప్పడం జరిగింది.

కింగ్ మేకర్‌గా అభివర్ణించే వికాస్ గుప్తా హౌస్‌లోకి ఎంట్రీ ఇచ్చిన వెంటనే విశాల్, మధురిమ మధ్య గొడవలను సాల్వ్ చేయాలని చాలాసార్లు ప్రయత్నించాడు. మధురిమతో బెడ్ షేర్ చేసుకోవడం మొదట్లో ఇష్టపడని విశాల్.. మెల్లమెల్లగా ఆమెతోనే కలిసి ఉండటం మొదలుపెట్టాడు. అంతేకాకుండా మధురిమను ఒక సందర్భంలో ‘మళ్ళీ తన జీవితంలోకి రమ్మని’ విశాల్ ఆహ్వానించాడు కూడా. అయితే మిగతా కంటెస్టెంట్లు మాత్రం వీళ్లిద్దరి ప్రేమా.. ఒక కపట నాటకమని.. కేవలం టైటిల్ గెలవడం కోసమే ఇలా చేస్తున్నారని అనుకుంటున్నారు. బయట అంతగా గొడవలు పడిన వీరు కొద్దిరోజుల్లోనే మారిపోవడం ఏంటని.. ఇదంతా ఫేక్ ప్రేమని చెబుతున్నారు. మరి దీనిలో ఎంతవరకు నిజముందో తెలియాలంటే మరి కొద్దిరోజులు ఆగాల్సిందే.