Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

ముంచెత్తుతున్న వరదలు.. కేరళలో 65 మంది సజీవ సమాధి?

Incessant rainfall brings floods, ముంచెత్తుతున్న వరదలు.. కేరళలో 65 మంది సజీవ సమాధి?

దేశవ్యాప్తంగా వరదలు ముంచెత్తుతున్నాయి. ఎడతెరిపిలేని వర్షాలతో జనం బిక్కుబిక్కుమంటూ ప్రాణాలు అరచేతుల్లో పెట్టుకుని బతుకుతున్నారు. కుటుంబాలకు కుటుంబాలు వరద కల్లోలంలో చిక్కుకుని విలవిల్లాడుతున్నాయి. దక్షిణ, పశ్చిమ భారతంలో నీటి ఉద్ధృతితో జనజీవనం అతలాకుతలమవుతోంది. కర్నాటక, మహారాష్ట్ర, గుజరాత్, కేరళలలో ఇంకా వరద బీభత్సం కొనసాగుతూనే ఉంది.కర్నాటకలో దాదాపు అన్ని నదులు వరద తాకిడికి ఉప్పొంగుతున్నాయి. ఈ వరదల్లో ఇప్పటివరకు దాదాపు 183 మంది మృత్యువాతపడ్డారు. కేరళలోని మళప్పురం జిల్లాలో కొండచరియ విరిగిపడిన ఘటనలో 65 మంది సజీవసమాధి అయినట్టుగా అనుమానిస్తున్నారు.

మరోవైపు కూడా గుజరాత్‌లో వరద మృతుల సంఖ్య 31 దాటింది. కర్ణాటకలో అన్ని నదులు పొంగిపొర్లుతుండటంతో ఆదివారం ఉదయం ఒక రిజర్వాయర్ నుంచి 1.70 లక్షల క్యూసెక్కుల నీటిని విడుదల చేశారు. దీనివల్ల హంపీ మునిగిపోయింది. ఇప్పటికే వరద ప్రభావ ప్రాంతాలైన కర్నాటక, మహారాష్టల్ల్రో కేంద్ర హోం మంత్రి అమిత్ షా ఏరియల్ సర్వే ద్వారా పరిశీలించారు.

ఇదిలా ఉంటే ఏపీలో, తెలంగాణ రాష్ట్రాల్లో కూడా వరద ప్రభావం తీవ్రంగానే ఉంది. గోదావరి నదిలో వరదనీటి ప్రవాహం తగ్గడంతో దవళేశ్వరం ఆనకట్టవద్ద మొదటి ప్రమాద హెచ్చరికను ఉపసంహరించారు. మరోవైపు లంక గ్రామాలు, ఏజెన్సీ గ్రామాల్లో ప్రజలు వరద నీటితో నానా ఇబ్బందులు పడుతున్నారు. శ్రీశైలం జలాశయానికి భారీగా వరదనీరు వచ్చి చేరడంతో 10 గేట్లు ఎత్తి 7.50 లక్షల క్యూసెక్కుల నీటిని నాగార్జున సాగర్‌కు వదులుతున్నారు. అదే విధంగా తుంగభద్ర గేట్లు ఎత్తి దిగువకు విడుదల చేస్తున్నారు.