Mahesh Babu: మహేష్ సినిమా రిలీజ్ డేట్ మళ్లీ మారిందా..? ప్రేక్షకులకు ముందుకు వచ్చేది అప్పుడేనా.?

సూపర్ స్టార్ మహేష్ బాబు ప్రస్తుతం మాటలమాంత్రికుడు త్రివిక్రమ్ దర్శకత్వంలో సినిమా చేస్తున్న విషయం తెలిసిందే. ఈ సినిమా షూటింగ్ ఇటీవలే ప్రారంభం అయ్యింది. దాదాపు 12 ఏళ్ల తర్వాత మహేష్, త్రివిక్రమ్ కాంబినేషన్ లో సినిమా రాబోతుంది. అతడు, ఖలేజా లాంటి సూపర్ హిట్ సినిమాల తర్వాత వస్తున్న సినిమా కావడంతో ఈ సినిమా పై భారీ అంచనాలు నెలకొన్నాయి. నిజానికి ఈ సినిమా షూటింగ్ ఎప్పుడో మొదలైంది. మహేష్ ఇంట వరుస విషాదాలు నెలకొనడంతో ఈ సినిమా షూటింగ్ కు చిన్న బ్రేక్ పడింది.తాజాగా మహేష్ తిరిగి షూటింగ్ లో జాయిన్ అయ్యారు.  ఇటీవలే మహేష్ విదేశాలకు వెళ్లి తిరిగి వచ్చి షూటింగ్ లో జాయిన్ అయ్యారు. మహేష్ తో త్రివిక్రమ్ మొదట యాక్షన్ ఎంటర్ టైనర్ చేస్తున్నాడని అని అంతా అనుకున్నారు. కానీ ఇప్పుడు ఈ సినిమా కథలో మార్పులు చోటు చేసుకున్నాయని తెలుస్తోంది. పక్క ఫ్యామిలీ ఎంటర్టైనర్ తో ఈ సినిమాను తెరకెక్కిస్తున్నాడట.

ఈ సినిమాలో పూజాహెగ్డే హీరోయిన్ గా నటిస్తుండగా మరో హీరోయిన్ గా శ్రీలీల నటిస్తోంది. అయితే ఈ సినిమాను ఆగస్టు లో రిలీజ్ చేస్తామని ఇటీవలే నిర్మాతలు తెలిపారు. ఇటీవలే నిర్మాత నాగవంశీ మాట్లాడుతూ.. మహేష్ మూవీని ఆగస్టు లో రిలీజ్ చేస్తామని అన్నారు.

అయితే షూటింగ్ కు ఆలస్యం అవుతుండటంతో ఈ సినిమా రిలీజ్ ను మరో సారి వాయిదా వేశారని అంటున్నారు. వరుస వాయిదాల నేపథ్యంలో సినిమా రిలీజ్‌ డేట్‌ను కూడా మార్చాలని టీమ్‌ అనుకుంటున్నారు.  అక్టోబరులోని సినిమాను మూవ్‌ చేస్తున్నారని టాక్‌. విజయదశమి సందర్భంగా సినిమాను తీసుకురావాలని అనుకుంటున్నారట. మరి ఈ వార్తల్లో వాస్తవమెంత అన్నది తెలియాల్సి ఉంది.