K. Viswanath and NTR: ఎన్టీఆర్, విశ్వనాథ్‌కు మధ్య ఆ విషయంలో గొడవ జరిగిందా.?
దర్శకుడిగానే కాకుండా నటుడిగానూ ఆయన తన ప్రతిభను చాటుకున్నారు. ఇటీవలే విశ్వనాథ్ కాలం చేశారు. . ఆయన మరణ వార్తను తెలుగు ప్రేక్షకులు ఇప్పటికీ జీర్ణించుకోలేకపోతున్నారు.
కళా తపస్వి.. తెలుగు కళామ్మ తల్లి ముద్దుబిడ్డ.. తెలుగు సినిమా స్థాయిని అప్పట్లోనే ఆకాశానికి చేర్చిన మహనీయుడు కే విశ్వనాథ్. ఎన్నో ఆణిముత్యాలాంటి సినిమాలను తెలుగు ప్రేక్షకులకు అందించారు ఆయన. శంకరాభరణం, సిరివెన్నెల, సిరి సిరి మువ్వా, సాగర సంగమం, ఆపద్బాంధవుడు, స్వాతి ముత్యం, స్వర్ణకమలం వంటి ఎన్నో అద్భుతాలను తెరకెక్కించారు విశ్వనాథ్. దర్శకుడిగానే కాకుండా నటుడిగానూ ఆయన తన ప్రతిభను చాటుకున్నారు. ఇటీవలే విశ్వనాథ్ కాలం చేశారు. . ఆయన మరణ వార్తను తెలుగు ప్రేక్షకులు ఇప్పటికీ జీర్ణించుకోలేకపోతున్నారు. పరిశ్రమలో మరో మహాశకం ముగిసిందంటూ సినీ ప్రముఖులు ఆవేదన చెందుతున్నారు. అద్భుతమైన కళాత్మకమైన చిత్రాలను ప్రేక్షకుల ముందుకు తీసుకువచ్చి.. శాస్త్రీయ సంగీతానికి వెండితెరపై పట్టాభిషేకం చేసారు విశ్వనాథ్. అయితే నందమూరి తారకర రామారావుకు విశ్వనాథ్ కు మధ్య గొడవ జరిగిందని ఒక వార్త ఇప్పుడు వైరల్ అవుతోంది.
అయితే కే విశ్వనాథ్ కు ఎన్టీఆర్ కు మధ్య చిన్న పాటి గొడవ జరిగిందని దాని కారణంగా ఈ ఇద్దరు మధ్య 14ఏళ్లు మాటలు లేవని ఒక రూమర్ చక్కర్లు కొడుతోంది. అసలు విషయం ఏంటంటే.. డబ్బుకు లోకం దాసోహం అనే సినిమాకు ముందుగా విశ్వనాథ్ దర్శకత్వం వహించాల్సి ఉండగా ఎన్టీఆర్ ఆయనని తొలగించి యోగానంద్ ను డైరెక్టర్ గా తీసుకున్నారట. నిజానికి అప్పటికి విశ్వనాథ్ డేట్స్ దొరక్కపోవడంతో ఎన్టీఆర్ ఆయనకు అత్యంత సన్నిహితుడైన యోగానంద్ తో ఆ సినిమా చేశారు. ఈ కారణంగానే విశ్వనాథ్ కు ఎన్టీఆర్ కు మధ్య మాటలు లేవని రూమర్స్ పుట్టుకొచ్చాయి.
కానీ అలాంటి దేమీ లేదు. నిజానికి అక్కినేని నాగేశ్వరావుతో విశ్వనాథ్ దర్శకుడిగా పరిచయం అయినప్పటికీ.. ఆయన ఎన్టీఆర్ ప్రియా దర్శకుడు.. ఎన్టీఆర్ తో వరుసగా నాలుగు సినిమాలు చేశారు విశ్వనాథ్. 1980లో వచ్చిన శంకరాభరణం సినిమా సమయంలోను ఎన్టీఆర్ ఆ మూవీ షూటింగ్ కు వెళ్లి విశ్వనాథ్ ను కలిసిన ఫోటోలు ఇప్పటికీ వైరల్ అవుతూనే ఉన్నాయి.
Ntr
