Jr NTR: కొరటాల, తారక్ సినిమా ఆలస్యం అవ్వడానికి కారణం ఇదేనా..?

యంగ్ టైగర్ ఎన్టీఆర్ ఇటీవల ఆర్ఆర్ఆర్ సినిమాతో పాన్ ఇండియా రేంజ్ లో హిట్ అందుకున్నాడు. ఆ సినిమాలో కొమురం భీమ్ గా నటించి మెప్పించారు తారక్.

Jr NTR: కొరటాల, తారక్ సినిమా ఆలస్యం అవ్వడానికి కారణం ఇదేనా..?
Ntr
Rajeev Rayala

|

Jun 28, 2022 | 11:49 AM

యంగ్ టైగర్ ఎన్టీఆర్(Jr NTR)ఇటీవల ఆర్ఆర్ఆర్ సినిమాతో పాన్ ఇండియా రేంజ్ లో హిట్ అందుకున్నాడు. ఆ సినిమాలో కొమురం భీమ్ గా నటించి మెప్పించారు తారక్. ఇక ఇప్పుడు తారక్ నటించనున్న సినిమా పై అంచనాలు భారీగా ఏర్పడ్డాయి. ఎన్టీఆర్ తన 30వ సినిమా కొరటాల శివ దర్శకత్వంలో చేస్తున్న విషయం తెలిసిందే. అయితే ఇప్పుడు తారక్ ఫ్యాన్స్ అంత కంగారు పడుతున్నారు దానికి కారణం దర్శకుడు కొరటాల శివ. ఇటీవలే మెగాస్టార్ చిరంజీవి, మెగా పవర్ స్టార్ రామ్ చరణ్ తో కొరటాల ‘ఆచార్య’ సినిమా చేసిన విషయం తెలిసిందే. భారీ అంచనాల నడుమ రిలీజ్ అయిన ఈ మూవీ బాక్సాఫీస్ దగ్గర బోల్తా కొట్టింది. మెగా అభిమానులను ఈ సినిమా దారుణంగా నిరాశ పరిచింది. దాంతో ఇప్పుడు తారక్ అభిమానుల్లో టెన్షన్ మొదలైంది.

కొరటాల తారక్ తో చేసే సినిమా పాన్ ఇండియా మూవీగా రానుంది. దాంతో తారక్ ఫ్యాన్స్ లో టెన్షన్ మరింత పెరిగింది. ఇప్పటికే ఈ సినిమాను ప్రీ లుక్ పోస్టర్ ను రిలీజ్ చేశారు మేకర్. ఈ మేరకు తారక్ వాయిస్ తో మోషన్ పోస్టర్ ను రిలీజ్ చేశారు. దాంతో అభిమానుల్లో ఆసక్తి నెలకొంది. అయితే ఈ ప్రాజెక్ట్ తేడా కొట్టకూడదని.. కొరటాల శివ చాలా జాగ్రత్తలు తీసుకుంటున్నారట. కొరటాల సినిమా కోసం తారక్ సన్నబడ్డారట. ఆర్ఆర్ఆర్ కొమురం భీమ్ పాత్ర కోసం బరువు పెరిగిన తారక్ .. కొరటాల సినిమా కోసం దాదాపు 10 కేజీల వరకు తగ్గి స్లిమ్ లుక్ లోకి రానున్నారట. అందువల్లే ఈ ప్రాజెక్ట్ ఆలస్యం అవుతోందని తెలుస్తోంది. ఈ సినిమాలో హీరోయిన్ ఎవరనేది ఇంతవరకు క్లారిటీ రాలేదు. ఈ సినిమాకు సంబంధించిన పూర్తివివరాలు త్వరలోనే తెలియజేయనున్నారు మేకర్స్.

ఇవి కూడా చదవండి

మరిన్ని సినిమా వార్తల కోసం ఇక్కడ క్లిక్ చేయండి

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu