Taapsee Pannu: చివరికి ఇది కూడా వినాల్సివస్తోంది అంటున్న తాప్సీ.. వైరల్ అవుతున్న ట్వీట్..
మన తరఫున మనం కాకపోతే ఎవరు మాట్లాడతారు.. అంటారు తాప్సీ. పోట్లాడితే పోయేదేమీ లేదు... ట్విట్టర్ ఖాతా తప్ప.. అనేది కంగనా మాట.
Taapsee Pannu: మన తరఫున మనం కాకపోతే ఎవరు మాట్లాడతారు.. అంటారు తాప్సీ. పోట్లాడితే పోయేదేమీ లేదు… ట్విట్టర్ ఖాతా తప్ప.. అనేది కంగనా మాట. సోషల్ మీడియా అంటే… ఫోటో షూట్స్ని, వర్కవుట్ వీడియోల్ని పోస్ట్ చెయ్యడానిక్కాదు… మన భావావేశాల్ని సమాజంతో షేర్ చేసుకోడానిక్కూడా అని చేసి చూపెడతారు… సమంత అక్కినేని. నాటోన్లీ గ్లామర్… బట్ ఆల్సో ఎమోషన్స్ అంటున్న తాప్సీ… లేటెస్ట్గా మరోసారి తన మార్క్ రియాక్షన్ చూపించారు.
ఒక్క పోస్టర్… ఒకే ఒక్క పోస్టర్… అప్పట్లో సమంత మనసును బాధపెట్టింది. సాటి మహిళగా స్పందించకుండా వుండలేకపోయారు. గ్లామర్ ఫీల్డ్లో క్యూట్గా కనిపిస్తూనే… సోషల్ లైఫ్లో ఇలా హాట్ షాట్స్ ఇవ్వడం కొంతమంది హీరోయిన్లకు మాత్రమే చెల్లు. ఆన్స్క్రీన్ కంటెంట్తో వచ్చే ఎజిటేషన్తో పాటు.. ఇలా ఆఫ్స్క్రీన్ ఫైటింగ్స్ కూడా తప్పడం లేదు క్వీన్స్ ఆఫ్ సిల్వర్స్క్రీన్స్కి. భార్య సమ్మతి లేకుండా భర్త చేసే కాపురాన్ని అత్యాచారంగా పరిగణించలేం అని భిలాస్పూర్ కోర్టు తీర్పునిచ్చింది. కట్టుకున్నవాడి చేతిలో లైంగిక అఘాయిత్యానికి గురై కోర్టుకెక్కిన ఒక అభాగిని కేసులో వెలువడ్డ ఈ తీర్పు… చాలామందిలాగా తాప్సీని కూడా ఆలోచింపజేసింది. చివరికి ఇది కూడా వినాల్సివస్తోంది అంటూ సర్కాస్టిక్గా స్పందిస్తూ ట్వీట్ చేశారు తాప్సీ. రిసెంట్గా భర్తతో విబేధించి ఎక్స్ట్రామారిటల్ ఎఫైర్ పెట్టుకున్న మహిళ పాత్రలో నటించి విమర్శల పాలయ్యారు తాప్సీ. క్రిటిక్స్కి సూటిగా సమాధానాలిచ్చి గట్టిగా నిలబడ్డారు కూడా. అటు… ఫైర్బ్రాండ్ కంగనా కూడా సామాజిక అంశాల్ని తేలిగ్గా తీసుకునే మనస్తత్వం కాదు. పురచ్చి తలైవి టైపన్నమాట.
స్టార్ కిడ్స్ మీద అలుపెరుగని పోరాటం చేసి… బాలీవుడ్లో నెపోటిజాన్ని రూపుమాపాలని కలలు గన్న కంగనా.. ఆ తర్వాత నెమ్మదించక తప్పలేదు. మోదీకి ఫేవర్గా మారి… మహారాష్ట్ర సర్కారు మీద దండయాత్ర మొదలుపెట్టినప్పుడు… ఫలితంగా ట్విట్టర్ ఖాతాను పోగొట్టుకోవాల్సి వచ్చింది మణికర్ణిక.
Bas ab yehi sunna baaki tha . https://t.co/K2ynAG5iP6
— taapsee pannu (@taapsee) August 26, 2021
మరిన్ని ఇక్కడ చదవండి :